رضا عبد العال: لو كارتيرون موجود كنت كسبته..وطارق يحيي لجماهير الزمالك: أنا آسف

22 سبتمبر 2020 الساعة 11:56 مساء

أعرب المدير الفني لفريق طنطا، رضا عبدالعال عن رضاه التام عن آداء لاعبيه رغم الخسارة أمام الزمالك بنتيجة 3-1، اليوم الثلاثاء، بالجولة الـ29 من بطولة الدوري المصري الممتاز.
وقال رضا عبدالعال خلال المؤتمر الصحفي الذي أعقب اللقاء: الحمدلله.. أشكر اللاعبين على الآداء الكبير الذي قدموه اليوم بغض النظر عن النتيجة، الزمالك انه يكسب طنطا بالشكل ده كان بفضل مجهود كبير مني، خاصة وانا عندي غيابات فرقت كتير في منطقة الهجوم، وفرقت جدا في الأداء.
وأضاف مدرب طنطا: كنت هلعب بطريقة تانيه يادوب ٢٥ دقيقة لاقيت اللاعيبة وقعت مني معملوش استشفاء، انا النهارده معملتش حاجة انا بتعامل مع اللاعيبة نفسي، انا بعذر اللاعيبة لأنهم مش قادرين يشيوا رجليهم من الأرض.
وتابع: في اندية اتظلم بعد الكورونا، زي طنطا لان كان عندها اكتر من ١٥ حالة، وفي ٤ لاعيبة كان عندهم كورونا من كام يوم ونتيجة المسحة ظهرت النهاردة لو كان عندهم حاجة انا كنت عملت ايه بقى؟!
وأردف "عبدالعال": طنطا والإسماعيلي والمصري اكتر لاعيبة اتظلموا.
وعن لقطته الطريفة بارتداء الكمامة على وجهه: انا كنت حاطط الكمامة كدة لإني كنت خايف لايكون اللي جنبي عنده كورونا.
وأكمل: لاعبتي عندها إرهاق بدني، ولعبت بنفس طريقة الفريق المعتادة لإني ملحقتش انفذ التكتيك الخاص بي، وكنت محدد لاعيبة معينه تمسك لاعيبة الزمالك ولكن التعب هو اللي فرق الشوط التاني، كمان أنا اشتغلت على جانب أعرض نفسك واكسب عشان الدنيا تمشي، ولو اتكلمت عن التحكيم هتوقف.
كما رد "عبالعال" بسخرية على سؤال لماذا تخاطر باسمك بتدريب طنطا في هذا الوقت الصعب، قائلًا: هو انا كنت بدري منتخب مصر؟!، الناس هتلاقي طنطا بشكل تاني خالص وقت ما لاعيبتي عددها يكمل، ومفيش مخاطرة ولا حاجة.
وأتم: انا قولت لما كنت موجود في الاستديو التحليلي إن طنطا هيهبط، انا بشكر كل جماهير مصر السوشيال ميديا كلها كانت بتتكلم على رضا عبد العال، ولو كارتيرون كان موجود كنت كسبته والله، اهو شال ٦ امبارح مع التعاون ومش هيكمل ٤ ايام هناك لاعبي الزمالك هي التي كانت تقوم بكل شيء.
وأبدى طارق يحيي المدير الفني المؤقت للفريق الأول لكرة القدم بالزمالك سعادته بالفوز على طنطا بنتيجة 3-1 ضمن منافسات بطولة الدوري.
وقال يحيي في تصريحات عبر قناة الزمالك :"اعتذر لمجلس الإدارة والجماهير بإسمي وبإسم اللاعبين عن مباراة أسوان الماضية، عانينا من غيابات بالجملة وصلت إلى 11 لاعب".
وتابع :"حازم إمام وكاسونجو شاركا في لقاء أسوان بدون رغبة الطبيب لعدم اكتمال الجاهزية لهما لكن الغيابات كانت كبيرة".
وأضاف :"مباراة أسوان كان بها ظروف ليست في أيدينا، مساعد الحكم قال لمحمد معروف 3 مرات اللاعب رقم 5 في أسوان يستحق الطرد لكن معروف لم يلتفت له".
وأكمل :"كنت حزين وغاضب بشدة بعد مباراة أسوان الماضية بسبب النتيجة".
وواصل :"قولت لمحمود علاء أن إضاعة ضربات الجزاء أمر عادي وطالبته بعدم اليأس أو الاستسلام، وكان بإمكاننا الفوز بـ4 أو 5 لاعبين في لقاء اليوم".
وأشار إلى أنه فوجىء بالأمس بأن حازم إمام لديه 3 إنذارات وأنه لن يشارك في مواجهة اليوم.