مرتضي منصور يخرج عن صمته ويقلب اليوتيوب برسائل الى السيسي ويكشف المتأمرين للتخليص عليه ويقول بيخلصو عليا ونسيو "فى ربنا "

7 ديسمبر 2020 الساعة 1:29 صباحا

سارة عبد الباقي
 
خرج مرتضي منصور ،رئيس الزمالك السابق ، عن صمته بعد ان قام بنشر مقطع فيديو طال انتظاره عبر قناته على اليوتيوب ، الذى حقق نسبة مشاهدة تخطت الخمسين الف فى اقل من ساعة .
مرتضي منصور، فتح النار كعادته فى كل الاتجاهات ووجه الاتهامات للجميع بدون استثناء سواء مسؤولين على رأسهم  الدكتور مصطفى مدبولى رئيس الوزراء  وحسن مصطفى رئيس الاتحاد الدولي لكرة اليد، واعلاميين خاصة عمرو اديب وأحمد موسى .
كما حرص مرتضي منصور ، على توجيه رسالة استغاثة الى الرئيس عبد الفتاح السيسي ،كاشفا انه كان يلقي دعم  من مسؤولين كبار فى الدولة  لعبو دور كبير في  خروج قناة الزمالك  .
واليكم تفاصيل كلمات مرتضي منصور .
مرتضي منصور: حسن مصطفى مندوب قطر وكان فين الناس دى زمان 
 
قال مرتضى منصور، رئيس نادي الزمالك :" حسن مصطفى مندوب قطر في مصر مع الراجل اللي هنا  وكانوا بيقولوا أن مسؤول كبير  بيساعدني اقسم بالله ده غلط 
وأضاف :"كمال درويش ، بيتنطط دلوقتي هو وأيمن  يونس وعبدالحليم وأشرف قاسم ، كنتوا فين قبل كدة و أنا  اللي أنقذت ارض 6 اكتوبر .
وقال منصور :بتسألوني  ليه معملتش الاستاد محدش يعمل ستاد بياخد 5 او 6 سنين في 3 شهور و القسط الجاي في مايو 2021 .
وقال :" الحاجه  التانية اللي عملها المسؤول الكبير  كانت قناة الزمالك ،  لما كانت متعطلة اكتر من سنة وخلالى الورق يمشي وتتعمل و هذا  سر باقوله  لاول مرة هو لم يساعدني شخصيا ولكن كان بيساعد الزمالك ولو كان الأمر مع الاهلي كان عمل كدة 
 
مرتضي منصور انا باتفرم من يوم فيديو الخطيب ومصر مفهاش راجل من ايام مرسي 
 
قال مرتضى منصور ، رئيس نادي الزمالك السابق :" انا  باتفرم  من ساعة فيديو الخطيب وكهربا المفبرك لولا تدخل جهة سيادية محترمة لأن الموضوع وصل للرئيس  ولما وصل يبقى لازم الجهات كلها تشتغل.وقال مرتضى :" كلمه  البلد مفهاش راجل كانت مكالمة مع احمد موسى في 2012 أيام  مرسي"
واضاف مرتضى منصور  :" بيقولوا أن أنا شتمت رئيس الوزارء أنا مشتمش أنا كل اللي قولته حضرتك مين وبكررها تاني دلوقتي حضرتك مين "وأضاف :"كنت عضو مجلس نواب وقولت لنظيف وعز انتوا خربتوا البلد ومحدش عمل معايا حاجة وفي وجودك يا سيادة الرئيس السيسي ، انتقدتك  لما اخترت شريف اسماعيل ومعملتليش حاجة وحتى مكنتش عضو في البرلمان .. وا ضاف كل اللي حصل جالي تليفون عشان اقابل شريف اسماعيل وقابلته ولاقيته  راجل محترم .

ده تعاون قطري مصري .
 
مرتضي منصور يخاطب السيسي 

سيادة الرئيس ، أنا بخاطبك أنا قعدت معاك قبل كدة وقت افتتاح قناة السويس ، وقبل 30 يونيو أنا كان ليا دور طلعت مع أسامة كمال ومع الابراشي ومع احمد موسى 
 
يا سيادة الرئيس ،  انتقدتك  بسبب العاصمة الادارية، قبل ما اشوفها ومعملتش حاجة متفرمتش زي دلوقتي أنا بضرب بالرصاص ولما لاقوني لسة عايش حرقوني وقفوني وجمدوا المجلس وإيقاف 4 سنين وتدمير لنادي الزمالك
 
مرتضي منصور أحمد موسي مصانش العيش والملح 
 
ووجه مرتضي منصور، حديثه فى إتجاه أحمد موسى حيث قال : اللي مصنش العيش والملح كنت في ضهرك في عز ازمتك واول واحد خدت بايدك .. وانت اللي بوظت طبخة تزوير الانتخابات بسبب كشفك للمخطط بطريقة غير مباشرة بعد الصندوق التالت وقولت مرتضى برة السباق .
وتطرق للحديث عن عمرو اديب ،  اللي بيقول شيلوا يفط مرتضى عشان اللي عمله مش على حسابه لا والله على حسابي يا عمرو اتبرعت للزمالك ب 17 مليون ونص و186 مليون من تركي الشيخ اسئله  مهو صاحبك.. رفضت اخدهم  وحطتهم للنادي .. والمبلغ ده حطناه للكرة .. و 7 مليون للبس .. وعمرنا مع هننسى اللي عمله تركي الشيخ مهما كانت اهلاويته .. والراجل طلع بنفسه قال إني رفضت اخد اي هدايا شكرا تركي انك قولت كلمة حق في زمن اغبر
مرتصي منصور خلصو عليا بعد اللى عملته للزمالك ونسيو ان في ربنا 
قال مرتضى منصور، بعد كل اللي عملته لنادي الزمالك وخليته نادي عالمي بلدي بتكافئني بالطرد ..مشيرا الى كان هناك حديث صحفي بين بنت مذيعة وحد في اللجنة الأولمبية قالها شرط قطر عشان تتصالح مع مصر ، خلصولنا على مرتضى .. وهما بيخلصوا بس نسيوا أن في ربنا ...
قبل الانتخابات ب 4 ايام كنت راجع من الشرقية جاتلي مكالمة من واحدة بتقولي اخويا في المطبخ .. مش هتنجح في الانتخابات هيطردوك من نادي الزمالك ويحبسوك.. قولتلها للدرجادي البلد بتغدر هما فين من ربنا قالتلي هو الظالم يعرف ربنا انتوا عايزين تخلصوا عليا .. نادي الزمالك ماله ؟
كنت طالع الأول وزوروا الانتخابات .. بقول للمستشار لاشين ابراهيم لو أنا كداب اعرض محاضر لجان الفرز على الناس ..
أنا بقول لسيادتك يا ريس أنا مسقطتش وانا الأول وانا تحملت ما هو فوق طاقة البشر .. انت عارف ان كل الدوائر اتعمل فيها مؤتمرات الا أنا كان بيتقالي ممنوع.. ومرضتش اعمل مشكلة واصطدم واتحملت .. مخلتش الناس تطلع تقطع الطريق كل ده عشان تجرأت وقولت كلمة حق فبدأ بتصفية الحساب أولها السقوط في البرلمان.. ده الجزء السياسي

اما الجزء الرياضي لما تجرأت وقولت نادي القرن .. لازم ترقع انت وناديك وتتقطع اللافتات على باب النادي .