مرتضى منصور انا مش خاين ولاعميل ولازم اتكلم على المكشوف قبل ما ادخل اللمان وانا بامثل مشجعى الزمالك وهذه مفاجأتي للوزير

7 ديسمبر 2020 الساعة 2:47 صباحا

سارة عبد الباقي
 
واصل مرتضى منصور، رئيس الزمالك السابق، كلماته عبر مقطع الفيديو على قناة اليوتيوب والذى نستعرض الجزء الثاني حيث ان مدة الفيديو حوالى 56 دقيقة 

مرتضي منصور انا بامثل 40 مليون بيشجعو الزمالك 
 
 
وقال مرتضي منصور: أنا مش بمثل نفسي أنا بمثل 40  مليون مصري على الأقل ومش أقل من 150 مليون عربي بيسشجعوا نادي الزمالك .. ما ذنب هذه الجماهير ؟
وقال  : الرجل المسئول اقسم بالله أنه سيسقطني في الانتخابات ثم ينهي عليا في الزمالك ،  ثم سيحبسني.. حسن مصطفى يالا روح بلغ تميم ،  أن المهمة نجحت 
ووجه مرتضي منصور ،الى رئيس الجمهورية،سيادة الرئيس ،  انت قولتلي أنا بترعب من ربنا ..الدستور بيقول يجب أن يبلغ فورا بمن تقيد حريته بأسباب ذلك .. يعني لو واحد ارتكب جريمة لازم يعرف عمل ايه قبل ما يتسجن .. أنا بقى عايز اعرف اطردت من النادي ليه ؟ ايه  الأسباب .. 
هل بلغتني يا سيادة الوزير ايه المخالفات اللي أنا عملتها عشان ادافع عن نفسي .
قائلا  المادة 134 تنص انه لكل عضو من أعضاء مجلس النواب ،  أن يقدم طلب إحاطة وبيان عاجل الى رئيس مجلس الوزراء .
وانا مارست حقي وعملت بيان عاجل انتقدت فيه رئيس الوزراء ..  بتفرم من يومها 
ناس بتقولي روح البرلمان الدولي أو الأوروبي لكن أنابقولهم مش هشتكي بلدي .. أنا مارست حقي بس في البرلمان بكل ادب وانتقدت رئيس الوزراء بغض النظر عن كلمة انت مين لان دي مش شتيمة .. دي الكيكة مش اكتر.. أنا راجل شجاع بدافع عن بلده وجيش بلده 
اتمنعت من دخول رئاسة الوزراء وكان فيه مسئولة مكلفة اني اتواصل معاها لو فيه حاجة .. اكلمها متردش 
مفيش طلب قدمته لقريتي في عهد مدبولي واتصدق عليه.. عكس ما كان يحدث من جانب الثنائي شريف اسماعيل وإبراهيم محلب .. هو ده اسمه كلام ؟ هو انت بتربيني عشان قولت كلمة حق .
 
لازم اتكلم على المكشوف  قبل ما ادخل اللمان 
 
وقال مرتضى منصور : أنا لازم اتكلم على المكشوف ياريس، هفضل ساكت لحد امتى لما ادخل اللومان.. في حاجة أنا معملتهاش .. عشان يوفي بوعده لحسن مصطفى بعد الانتخابات والنادي يبقى السجن.. م ضيفا انت يا ريس ترضى بالظلم ده ؟

خالد عبد العزيز بجبروته "مجمدنيش "


وقال رئيس الزمالك السابق : خالد عبد العزيز في جبروته "محلش المجلس ولا جمده "مع إن كان فيه مبلغين فيا نيابة الأموال العامة كل اللي عمله شكل لجنة من الوزارة.. بناءً على طلب النائب  العام والمحامي العام بالإدارة المالية .. لأن ده ملوش علاقة بالنادي ومجلس إدارته 
أنا عاملك مفاجأة يا معالي الوزير لانك واضح انك مقرتش اللائحة اللي انت استندت عليها .. انت بتقول لمصر كلها أن مش انت اللي مطلع القرار والقرار مفروض عليك .. والله في دي أنا مصدقك لأن الاحداث بتقول كدة 
لما تخالف القانون اللي بيدي الجمعية العمومية بس حق العزل يبقى انت كدة مش بتحترم الناس ولا قيمة الناس .. دول المواطنين اصحاب البلد .. المحكمة الإدارية العليا طالبت الوزير بإبطال قرار الأولمبية ولكنه لم يتدخل 
قرار التجميد في انهي قانون ؟ هو مش في أي قانون ولا حتى اللائحة المالية 
تعيين لجنة مؤقتة بيكون للأسباب التالية 
المادة 52 
الوزير المختص اتخاذ جميع الإجراءات القانونية تجاه مجلس الإدارة في الحالات التالية 
 1/مخالفة أحكام ونصوص المواد الواردة بهذه اللائحة 
2/عدم الرد على الجهات الرقابية 
3/عدم تمكين الجهات الرقابية 
4/المخالفات المالية والإدارية الواردة بتقرير الجهاز المركزي للمحاسبات 
5/عدم الوفاء بالالتزامات المالية للجهات الحكومية 
عندي تقرير من الجهاز المركزي للمحاسبات بيقول ممدوح عباس خد فلوسه من الزمالك اكتر من مرة ومع ذلك البنوك محجوز عليها 
 موضحا ان المادة 52 من قانون الرياضة تنص على انه يلتزم النادي بالرد على الجهات الرقابية للدولة خلال شهر ..وده محصلش هو أنا خاين أو عميل أو ارهابي أنا مرتضى منصور الوطني .. أنا اللي قولت لمرسي اصغر قاضي في مصر أكبر مقام منك في عز وقت الإخوان ... هي دي مكافأتي... أنا مش عايز مكافأة أنا عايز حقي زي اي مواطن عادي 
أنا العدو الأول لقطر .. اللي هتتصالح  قريب على حسابي مع مصر .. عشان زي ما قالوا في قطر خلصونا من مرتضى


سيادة الوزير مش من سلطتك تشكل لجنة من غير ما تقولي مخالفاتي القانون بيقول كدة 
عندي جوال بعته للمستشار عادل بعبش كنت بقوله عايزين 3 مستشارين عشان انتخابات نادي الزمالك في 2017 جالي الرد أن القضاة لا يدخلون في مهاترات كما ارسلت  لمجلس الدولة كان نفس الكلام 
وبخاطب مجلس القضاء الأعلى... ال 3 اللي جايين يديروا النادي مين يحاسبهم لو ارتكبوا مخالفة ولا هما عشان مستشارين محدش هيحاسبهم
السؤال التاني مجلس القضاء الأعلى .. ال 3 المستشارين ... فيهم واحد بيتشتم كل يوم "احمد البكري" على صفحات الزمالك أليس ذلك إهانة للقضاء 
قرار التعيين ده مجلس إدارة ولا لجنة تسيير .. اللي دورها بس تعين مدير تنفيذي عشان اللي  موجود اعتذر .. أمال رجالة عباس اللي رجعوا دول رجعوا ازاي دي مش سلطتك وخرجت عن القرار انت دلوقتي اللي مخالف مش انا .