محمود ابورجيلة شيخ المدربين متفائل بالزمالك..واول تعليق لاحمد عيد عبد الملك بعد ضياع صفقة الشيخ وامير عادل

7 ديسمبر 2020 الساعة 6:24 مساء

سارة عبد الباقي 
 
خرج أحمد عيد عبدالملك، نجم الزمالك السابق، للكشف عن بعض الأمور الخاصة بالنادي الأبيض، على رأسها أزمة القلعة البيضاء في الميركاتو المنتهي، وذلك من خلال منشور طويل عبر حسابه الرسمي على موقع التواصل الاجتماعي "فيس بوك".
وأكد أحمد عيد ،  أن هناك أزمات مالية داخل نادي الزمالك ومسئولي النادي الأبيض معذورين في ظل التزامهم أمام الجمهور بتنفيذ وعود تجديد بعض اللاعبين وتعديل عقود البعض الآخر وترضيتهم، بخلاف مستحقات الفريق.
 
وقال عيد: "كل اللي يهمني استقرار الفرقة ونحافظ عليها وعلي اللاعيبة كنا بنعمل صفقات و نحاول نساعد الناس بس مفيش حاجة تمت و الميركاتو قفل هنعمل ايه خلاص الفرقة عندها ماتش يوم السبت الجاي و انا عارف و متأكد ان الناس بتشتغل و الدنيا كانت فيها بعض المشاكل جوة الفرقة من تجديد عقود و تعديل عقود و ترضيات للمجموعة الي موجودة كلها و اللاعيبة في خلال الفترة دي هتاخد مستحاقتها كمان القديمة الي المفروض كانت اتدفعت من زمان و الجديدة مقدمات العقود هياخدوها و دي حاجة مهمة “.
 
وتابع أحمد عيد قائلاً: "القصة بقي بالنسبالي مش تعاقدات علي الفاضي الاهم المراكز الي احنا عاوزينها مش كل اسم يتعرض عاوزين نجيبه بالنسبالي انا او بمعني ادق احتياجات الفرقة ديفندر وصانع لعب بس وده الي حاولنا نتحرك فيه الفترة الي فاتت والدنيا باظت لعدم اقتناع باتشيكو بأمير عادل، وعارفين موضوع الشيخ باظ ليه وموضوع عبد العاطي مفيش سيولة و فضلو يأجلو القصة لشهر اتنين".
واختم أحمد عيد حديثه قائلاً: "خلاص مفيش قدمنا اي حل غير ننتظر والدوري يوم السبت و الناس هتبان مين مع الزمالك ومين مع الاشخاص وانا ميهمنيش اي شخص كان موجود قبل كدة او موجود دلوقتي من الاخر مش هسقف لحد غير لما ينجز زي مرتضي منصور كان عندي مشاكل الدنيا والاخرة معاه و كنت بسقفله اما بيعمل حاجة حلوة للزمالك”.
محمود ابورجيلة متفائل بالزمالك 

مهاب ممدوح 
 
أكد محمود أبورجيلة شيخ المدربين  والمدير الفني لفريق الزمالك الأسبق ،  أنه متفائل بموسم الفريق الأول لكرة القدم بنادي الزمالك رغم خسارة لقبي دوري أبطال إفريقيا وكأس مصر مؤخرا.
وقال الكابتن  أبو رجيلة ، إنه متفائل بموسم الزمالك رغم عدم إجراء صفقات فهو يرى أن القائمة المتواجدة حاليا قادرة على النجاح.
وأضاف شيخ المدربين : "الفريق قدم مباراة قوية للغاية أمام الأهلي في نهائي دوري أبطال إفريقيا ولكن التوفيق لم يحالفه وإذا استمر على نفس النهج سيحصد العديد من الألقاب خلال الفترة المقبلة"
وأشار ابورجيلة  إلى أن الزمالك سوف يحصل على بعض الأموال نظير حصوله على وصافة دوري أبطال إفريقيا ويعتقد بأن تلك الأموال سوف تكون سببا في عودة هيبة النادي ماليا.
وشدد على ضرورة التركيز في الفترة المقبلة من أجل العمل على نجاح الزمالك واستقراره على مستوى كل الألعاب.