"خناقة بلدى على تويتر" فى ليلة رأس السنة بين ميدو واحمد حسن كوكا ..رضا عبدالعال يكشف تشكيل المنتخب فى كأس الأمم الأفريقية

31 ديسمبر 2021 الساعة 5:01 مساء

مهاب ممدوح



نشبت مشادة كلامية، بين أحمد حسام ميدو، لاعب الزمالك السابق، وأحمد حسن كوكا، مهاجم المنتخب الوطني، المحترف في الدوري التركي، بعد استبعاد الأخير، من قائمة الفراعنة، لكأس أمم إفريقيا.


وكتب ميدو عبر حسابه الشخصي على موقع تويتر:" كوكا ‏‎‎مهاجم متواضع لا يصلح للمستوى الدولي حتى ولو احرز ١٠٠٠ هدف".

ومن جانبه رد كوكا قائلًا:" ‏‎‎مهاجم متواضع؟ اولا هو انت اصلا مين طلب رأيك؟ ثانيا انت مبطل كوره وانت عندك ٢٩ سنه و كل الناس عارفه ليه".

تابع:" ثالثا لو رقم الاهداف الي انا جايبه شايفه قليل ماجبتوش انت ليه؟،  مع ان الي بيلعب في نادي اكبر فرصه بتكون اكتر في التسجيل.
رابعا حاولت تبقي مدرب و مبتكملش شهر في اي نادي".

أكمل:" ‏‎‎و انا عارف ان أكبر غلط اني ارد عليك وانت فاضي و عندك برنامج تتكلم فيه كل يوم بس انا برده مش هيهدني كلامك و هفضل في طريقي ، مركز في مستقبلي و مش عايز حاجه من الناس بعد مبطل كوره و بعد لما اموت غير السيره الحلوه".

ومن جانبه رد ميدو قائلًا:" ‏‎‎عمري ماروحت المنتخب علشان مناسب حد مهم..انت عارف كويس انت كنت بتروح المنتخب لسه..رد في الملعب حاول تروح المنتخب..انت لاعيب تعبان وكل مؤهلاتك نسبك وانت عارف كويس".

واصل هجومه:" ‏‎‎عمري ما لعبت في دوريات الالاضيش اللي انت بتلعب فيها..يا اهبل مصر كلها بتقول انك لاعيب على ماتفرج مش انا بس وتاني انت عارف كويس انت كنت بتروح المنتخب ليه".
تشكيل "رضا عبد العال" للفراعنة فى أمم أفريقيا 
توقع رضا عبد العال نجم الزمالك والاهلي سابق التشكيل الذى سيخوض به المنتخب الوطني لكرة القدم لقاءاته في كأس الامم الافريقية القادمة فى الكاميرون .
وقال عبد العال ، عبر برنامج البريمو المذاع علي قناة تن ان التشكيل الامثل من وجهة نظره .
حراسة المرمي: محمد الشناوي 
خط الدفاع: أحمد فتوح-الونش-محمد عبد المنعم-عمر كمال 
خط الوسط الدفاعي: النني-أكرم توفيق 
خط الوسط الهجومي: محمد صلاح-زيزو-رمضان صبحي 
خط الهجوم: محمد شريف .