أمير مرتضى منصور..الزمالك مينفعش يستني اللعيبة علشان تجدد كرامة النادي ..قرارتنا مش عشوائية .طارق حامد ربط التجديد بعرض سعودي وهذا موقف فرجاني ساسي وبن شرقي

11 مارس 2022 الساعة 11:54 مساء

مهاب ممدوح
 
علق امير مرتضى منصور ،  المشرف العام على فريق الكرة الأول بنادي الزمالك ، على الخسارة من الوداد المغربي  بهدف دون . 
قال أمير مرتضى: "هارد لك لجمهور الزمالك بنعتذر لجمهور الزمالك عن سوء السلوك بعض اللعيبة النهاردة والجمهور له حق في الغضب وليهم حق نستحمل أي غضب"
أضاف أمير مرتضى منصور : "تعرضنا لاستفزازات كتير زي صورة تتسرب مع وكيل في فندق وتيجي تكلم اللاعب يقولك الصورة قديمة والقرارات اللي صدرت النهاردة واخدنها من فترة ولكن مش معلنة والزمالك ، أكبر من اللعيبة دي وفي ناس مشاكلها مستوى وناس مشاكلها تجديد وطلبات"
وختم حديثه قائلا:"عرضنا على بعض اللاعبين التجديد والبعض طلب مهلة وده غريب بالنسبة لي كرامة الزمالك  اكبر من اي لاعب"

أمير مرتضى منصور: طارق حامد ربط التجديد بعرض سعودي 
أكد أمير مرتضى منصور ،  المشرف العام على فريق الكرة الأول بنادي الزمالك ،  أن طارق حامد ، لاعب وسط الزمالك ،  طلب مهلة للتفكير في العرض المقدم من جانب الزمالك.
قال أمير مرتضى،  في تصريحاته عبر برنامج جمهور الثالثة مع الإعلامي إبراهيم فايق ،  أون تايم سبورتس: "قعدت مع طارق حامد وقالي انه مستني عرض سعودى  قوي في الصيف وقالي اديني مهلة اصلي إستخارة"
أضاف المشرف العام على كرة القدم في الزمالك : "المهلة خلصت خلاص ومع احترامي لطارق حامد المهلة خلصت دون أي إبداء أي رأي والدنيا مش هتقف احنا عملنا اللي علينا وزيادة من ناحية التفاوض وشيل الضغوط واوناجم وبن شرقي وسيف الجزيري ملهمش مليم متأخر واول لما المجلس الجديد رجع ضخينا فلوس في الفرقة كلها والأجانب كلهم ملهمش فلوس وحمزة المثلوثي فنيا ممكن ميبقاش كويس ولكن حمزة ورزاق سيسيه ما أنذروش الزمالك،واستنوا دور مستحقاتهم المالية بشكل طبيعي"
أمير مرتضى منصور عن تجديد عقد بن شرقي: الزمالك "مبيستناش حد"
قال أمير مرتضى منصور إن الزمالك "مبيستناش حد" تعليقا على إمكانية تجديد عقد أشرف بن شرقي.
قال أمير في تصريحاته عبر أون سبورتس: "بتكلم فنيا الزمالك مش محتاج بن شرقي والنادي مش بيستنى حد وبالمستوى ده كنت ممكن نخرج اللاعيبة إعارة لو عقودهم مكملة"
وعن عمر السعيد وحازم إمام: "الاتنين لازم يبذلوا مجهود بنسبة 100% لو عايزين يكملوا في الزمالك".
الزمالك يكشف موقف فرجاني ساسي 
أعلن أمير مرتضى منصور ، عن ‏تنازل فرجاني ساسي عن جزء من الحكم الذي حصل له وسنعلن خلال 48 ساعة عن إتمام التسوية معه.. وهو لو أحسن لاعب في مركز رقم 8 واحنا بنضم صفقات جديدة يبقى هنضمه ولو في أفضل منه هنضم الأفضل.
وقال أمير إن لاعبي  الزمالك ،  مش ماضية على لائحة الفريق  الموضوعة  لهم من الموسم الماضي  وهذا يعكس مستوى الضعف خلال الفترة الأخيرة التي شهدت لجانا عديدة للزمالك.
وفي رسالة اخيرة لجمهور الزمالك ،  قال أمير مرتضى اصبروا معانا حقكم علينا ومفيش حد اكبر من الزمالك ،  والتذاكر بتاعة ماتش الوداد اتباعت في وقت قياسي.
أقرأ المزيد من اخبار الزمالك 

لافيريرا نافع ولاكارتيرون شافع الزمالك أمام الوداد ضايع. والحكم خلص علينا ..مرتضى منصور يعلن ذبح هذا الخماسي والجماهير تهاجم اللاعبين المتكاسلين