مرتضي منصور يقلب الفيس بوك بالدخول في حرب مع لجان برزنتشن ودياب بعد المطالبة بإلغاء الدوري هذا الموسم

24 يونيو 2022 الساعة 3:36 مساء

 
مرتضي منصور يقلب الفيس بوك بالدخول في حرب مع أنصار برزنتشن بعد المطالبة بإلغاء الدوري هذا الموسم
 


قلب المستشار مرتضى منصور ، رئيس نادي الزمالك مواقع التواصل الإجتماعي ، الفيس بوك ، عقب إطلاق تصريحات تلفزيونية عبر برنامج البلدوزر ، على قناة الشمس ، طالب خلالها إتحاد الكرة برئاسة جمال علام ، بإلغاء بطولة الدوري العام ، هذا الموسم ، رحمة باللاعبين اللذين تم إستهلاكهم مشيرا إلى إنه يطالب بعدم إستكمال المسابقة على أن يبدأ الموسم الجديد فى شهر أغسطس وذلك فى ظل كثرة اللاعبين اللذين اصيبو بالإجهاد  جراء طول الموسم   وذلك رغم أن ناديه الزمالك هو المتصدر لبطولة الدوري العام ويلاحقه بيراميدز ثم الأهلي وفيوتشر .

المناصرون للشركة الراعية لمسابقة الدوري العام ، برزنتشن ، وأحمد دياب، رئيس رابطة الأندية المحترفة المعروف إنه على خلاف مع المستشار مرتضى منصور ،   شنو حملات عدائية ضد رئيس الزمالك ، على مواقع التواقع التواصل الإجتماعي مستغلين اللجان الإلكترونية التابعة لهم  مؤكدين إنه لايبحث عن مصلحته بعد أن حصل على مستحقاته من الشركة الراعية متجاهلا الخسائر التى سوف تتحملها الشركة الراعية فى حالة إلغاء بطولة الدوري العام هذا الموسم  .
 
لجان برزنتشن ودياب تهاجم مرتضى منصور 

فلقد كتب أحدهم  ،أمبارح سمعت تصريحات رئيس الزمالك ، اللي عاوز يلغي الدوري ويبدا ع نضيف..
طيب انت واخد كل مستحقاتك من الشركة الراعية ومش هتبقى مضرور من الغاء الدوري باقي الاندية تعمل ايه اااي لسه ليها فلوس ومستحقات، اكيد كله هيبقى بخ ونرجع تاني لايام ايقاف الدوري والاندية مش لاقي تاكل واللاعبين بتشحت ولف بينا يا دنيا،،
وثانيا الغاء الدوري في مصلحة نادي واحد بس هو الحاج الزمالك اولا علشان لاعيبته ليها مستحقات متاخرة فيهخلع منها بداعي الغاء الدوري
ثانيا عدد كبير من لاعبينه عقودهم بتخلص بنهاية الشهر الجاري والغاء الدوري مصلحة ليه علشان ميكملش الدوري من غيرهم..
ثالثا وده الاهم احباط فكرة رابطة الاندية ويبقى شكلهم وحش علشان الخناقة اللي بينه وبين احمد دياب وبكده يبقي منصور الشجاع اللي انتصر على دياب ولغى الدوري
الحقيقة مش شايف تصريحات رئيس الزمالك ،  مناسبة الا لمصلحته فقط لكن مصلحة الكرة المصرية اخر حاجة بيفكر فيها
مينفعش الدوري يتلغي
وعلى نفس المنوال ، كتب أخر  ليه مرتضى ،  عاوز يلغي الدوري في الوقت ده بالذات؟ ليه مش قبل كده مثلا؟
ليه بعد ما لجنة المسابقات اعلنت باقي ماتشات الدوري لحد اخر يوم، وليه بعد ما الشركة الراعية اتفقت مع الجانب الاماراتي على ماتشين السوبر المصري في ابوظبي، يعني ف عقود وغرامات وفلوس وهكذا
طيب فين اصلا في اي دولة في العالم بيتم الغاء الدوري علشان ابو امير مش عاوز يكمل المسابقة…
اكيد في حاجة في نفس يعقوب قصدي نفس مرتضى
يعني الغاء الدوري (طق في دماغه) بعد ما خلص نفسه وخذ كل فلوسه من الشركة الراعية وباقي الاندية تولع مثلا تاكل تراب.
يعني الشركة الراعية تقعد تصرف ع المسابقة وتدفع مستحقات وفي الاخر نلغي الدوري
يعني الرابطة نقولها شكرا انتي فشلتي في اول موسم ليكي ويبقى منصور انتصر في خناقته مع رئيس الرابطة ويقوله انا اللي كسبت وانا اللي لغيت.
طيب هل الشركة الراعية هتدفع فلوس الاندية في حال الالغاء ، اكيد لا طبعا، وبكده الاندية تكح تراب
يعني مرتضى عاوز يقنعنا انه عاوز يلغي الدوري علشان يا عيني اللاعيبه مجهدة يا ولا بصوت روبي
يعني مش عاوز تلغي علشان في لاعيبه كتير ليها مستحقات والالغاء هيفيد مرتضي انه مش هيدفع الفلوس دي
يعني مش عاوز يلغي علشان نص لاعيبته عقودهم بتخلص 30  يونيو وممكن ميكملوش الموسم
يعني مش عاوز تلغي علشان تحرم الاهلي من الدوري والكاس وغيره وتطلع تقول اهو الخطيب طلع بلوشي ولا بطولة
يعني مش عاوز تلغي علشان تبوظ موسم الرابطة وتطلع تاني وتقول كسبت دياب وخلصت ع الرابطة
يعني مش عاوز تلغي علشان وعلشان وعلشان لا عاوز الغي علشان مصلحة الكرة المصرية وعدم ارهاق اللاعيبه
#الصورة للفت الانتباه ليس الا
#ماينفعش نلغي الدوري .





5  تصريحات ساخنة من مرتضى منصور



مهاب ممدوح

هاجم المستشار  مرتضى منصور رئيس نادي الزمالك محمود البنا حكم مباراة الزمالك ضد البنك الأهلي، في الدوري هذا الموسم.

ونستعرض 5 تصريحات نارية للمستشار مرتضى منصور عقب فوز الزمالك على البنك الأهلي كان أبرزها الهجوم على الحكم وكذلك رحيل اتحاد الكرة المصري وإلغاء دوري الموسم الحالي.

ملخص تصريحات مرتضى منصور على النحو الآتي:

- محمود البنا حكم ظالم ولابد من الاعتماد على الحكام الشباب

- اتحاد الكرة فاشل ولازم يرحل "اللي اختشوا ماتوا"

- اتحاد الكرة يطالبني بـ78 مليون جنيه ولا أفهم لماذا وأنا لم أتعاقد مع أي صفقات، أنا لن أدفع مليم نهائي والمجالس المعينة السابقة هي المتسببة فيها".

- من يتحمل مسؤولية إجهاد اللاعبين وضغط المباريات في الدوري هو النادي الأهلي، ومحمد مصيلحي (رئيس الاتحاد السكندري) من أصدقائي المقربين وفايز عريبي (رئيس طنطا) اجتمعت معهما وكتبنا مذكرة ألا يتم استكمال دوري كورونا حتى لو الأهلي سيحصد اللقب".

- لكي يتم حل أزمة الكرة في مصر، أولًا يتم إلغاء الدوري هذا الموسم، ثانيًا رحيل اتحاد الكرة، ثالثًا رحيل الرابطة، رابعًا أن يجتمع رؤساء الأندية ويتم وضع سقف للتعاقد مع اللاعبين، هذا كله لصالح المنتخب، أنا أحب جمال علام وأحترمه لكن لا يصح أن يكون رئيسًا للاتحاد".