رسالة شيكابالا إلى جماهير الزمالك بعد الفوز بكأس مصر ..ونجوم الزمالك تودع المسمار طارق حامد بكلمات مؤثرة ..عمرو أديب يقصف جبهة سيد عبد الحفيظ

22 يوليو 2022 الساعة 11:56 مساء

رسالة شيكابالا إلى جماهير الزمالك بعد الفوز بكأس مصر 



مهاب ممدوح 


وجه محمود عبد الرازق شيكابالا قائد الفريق الأول لكرة القدم بنادي الزمالك رسالة خاصة لجماهير الزمالك عقب التتويج بكأس مصر.
وكان الزمالك حقق الفوز على الأهلي بهدفين مقابل هدف في نهائي كأس مصر لموسم 2020-2021 .
ونشر شيكابالا مجموعة خاصة من صور جمهور الزمالك وأولتراس وايت نايتس الذي حضر على مدار المباريات الماضية وكتب معلقا َ: "عودتكم كان لها مفعول السحر، دمتم المُلهم واللاعب رقم ١ دائماً"
يأتي ذلك في ظل تحقيق الفريق لخمسة انتصارات متتالية في مختلف المسابقات تحت قيادة مدربه جوسفالدو فيريرا المدير الفني لفريق الكرة الأول بنادي الزمالك.

عمرو أديب يقصف جبهة سيد عبد الحفيظ بعد رفض المرور من الممر الشرفي 


هاجم الإعلامي عمرو أديب، سيد عبد الحفيظ مدير الكرة بالنادي الأهلي، بسبب رفضه الدخول في ممر شرفي بعد خسارة الأهلي بنهائي كأس مصر بهدفين مقابل هدف.
قال عمرو أديب في تصريحاته عبر إم بي سي مصر عبر برنامجه الحكاية: "اتحاد الكورة لازم يعاقب سيد عبد الحفيظ لازم حد يعاقبه والموضوع ميمشيش كدة انت بتزرع تعصب الكل هيقولي طبعا ازاي تقول كدة انت بتقول كدة على مدير الكورة بتاع الكيان ازاي انا بقول اللي مفيش اعلامي رياضي قادر يقوله قناة أون اللي بيقولوا عليها زملكاوية محدش اتكلم فيها عن اللي حصل"
وعن اللقاء قال:"لاعيبة الزمالك كانت بتودي لاعيبة الأهلي الهرم والمعادي مفيش هجمة اتعملت لاعيبة الزمالك مكانتش بترقص لاعيبة الأهلي، بن شرقي كان عايز يلف هدية خاصة لجمهور الزمالك قبل ما يمشي ودفاع الأهلي مفيش محمد هاني وياسر إبراهيم الزمالك عنده لاعيبة موهوبة وبقولكم إمام عاشور لو ركز هيبقى في أوروبا السنة الجاية"


وختم حديثه قائلا:" انا مش بحفل انا بقول اللي حصل الزمالك كان يكسب 5 صفر الشوط الأول لولا إهدار الفرص".

رسالة حب من نجوم الزمالك إلى طارق حامد 
سارة عبد الباقي 

ودع لاعبو الفريق الأول لكرة القدم بنادي الزمالك، زميلهم طارق حامد الذي انتهى مشواره مع الزمالك بشكل رسمي.
وكان مسؤولو الزمالك أعلنوا من قبل عدم تجديد عقد طارق حامد الذي ينتهي مع الزمالك بنهاية الموسم الجاري، بعد أزمة سفره وتحويله للتحقيق.
ونشر لاعبو الزمالك رسائل عبر حساباتهم الرسمية على موقع التواصل الاجتماعي انستجرام، ودعوا من خلالها طارق حامد، وتمنوا له التوفيق في خطوته المقبلة.
ويقترب طارق حامد من الانضمام بشكل رسمي إلى صفوف نادي اتحاد جدة السعودي، في صفقة انتقال حر.
حيث كتب إسلام جابر ، نجم خط وسط الزمالك من أنضف الشخصيات اللى لعبت وأتعاملت معاها فى حياتي ربنا يكرمك يامسمار .وكتب زيزو ، أخويا الكبير أكيد انت عارف هتوحشني قد أيه لكن أتمني لك التوفيق فى خطوتك الجاية وانا عارف أنك هتكسر الدنيا ، حبيبى يا مسمار .
وكتب إمام عاشور ، طبعا مهم أتكلم مش هاعرف اوصفك انت بالنسبة ليا أيه فى كل وقت كنت بتقف جمبي برة الملعب وجوة الملعب وكل الكلام اللى كنت بتقوله ليا مهما  أتكلم مش هاعرف اديلك حق ربنا يكرمك يا حبيبي واشوفك كويس على طول ومكسر الدنيا كلها علشان انت تستاهل كل خير هتوحشني يا مسمار .
وقال عبد الله جمعة مش عارف أبدا كلام منين ، والله بس شكرا على كل حاجة كنت جمبي فيها وانك أخ كبير وسند ليا بأتمنى لك حظ سعيد يا مسمار  هتوحشني يا كابتنى كان ليا شرف أني لعبت مع حضرتك .وكتب محمد أشرف روقا ، والله هتوحشني يامسمار جدا .
 
أقرأ المزيد من أخبار الزمالك 
 
شيكابالا يشعل المدرجات فى نهائي كأس مصر أمام الأهلي بهذه التصرفات ..رسالة فرجاني ساسي