مرتضى منصور يوجه دعوة إلى الخطيب لزيارة الزمالك ويؤكد على إستعداد لفتح صفحة جديدة مع الأهلي ويهاجم هذا الثلاثي

30 يوليو 2022 الساعة 3:15 صباحا

مرتضى منصور يعلن عن الإستعداد للصلح مع الخطيب وفتح صفحة جديدة مع الأهلي 
 
 
 فاجأ المستشار مرتضى منصور ، رئيس مجلس إدارة نادي الزمالك ، متابعي قناة الزمالك بالظهور فى برنامج زمالكاوي ، الذى يقدمه خالد لطيف ، مع جمال عبد الحميد ومصطفى يونس .
 
وأكد المستشار مرتضى منصور ، إنه على إستعداد لفتح صفحة جديدة مع محمود الخطيب والصلح بين إدارتي الزمالك والأهلي .
وقال مرتضى منصور : أدعو محمود الخطيب ومجلس إدراته لزيارة نادي الزمالك كما إنه على إستعداد للتوجه إلى مقر النادي الأهلي بالجزيرة مع مجلس إدارة نادي الزمالك ،   أذا تلقى الدعوة من مجلس إدارة النادي الأهلي من أجل التصالح من أجل مصر وحتى لا يتم إعطاء  فرصة لأعداء الوطن للصيد فى الماء العكر وتحويل مصر لحرب ميلشيات بين مشجعي الزمالك والأهلي .
و لقن المستشار مرتضى منصور رئيس نادي الزمالك مجلس إدارة النادي الأهلي برئاسة محمود الخطيب درسا كرويا من خلال تصريحاته عبر قناة الزمالك والتي نستعرض لها مخلصا شاملا على النحو الآتي:


انا جيت قناة الزمالك  عشان اطمأن الجمهور انا شغلت مصطفي يونس عشان هو راجل محترم وصريح وبيقول كلمه حق 
جمال عبد الحميد معندوش اي مشكله وهو عضو معانا فى المجلس 
مع أحترامي للاستاء محمود إبراهيم الخطيب انت اختلفت مع اتحاد الكوره واختلفت مع بيراميدز واختلفت مع ترك ال الشيخ واختلفت مع الاتحاد الافريقي كل ده سهل لكن انك تخالف الدوله المصرية  لا دي جريمة 
للأسف الولد الهارب في قطر بيقول كلام وفالاهلي بينفذوه كانه بيديهم اوامر انا اتحليت ومكنش عندي ولا مخالفه ولكن القضا المحترم رجعني ومعملتش زي الخطيب واستقويت بالجماهير علي الدوله 
الفتره الاخيرة  مصر كلها ملاحظه ان الولد الهارب علاء كاذب هو اللي بيدير الاهلي والادمن بتاعه هو رئيس تحرير برنامج ملك وكتابة 
انا اسمي مرتضي منصور وانا تاريخ واسال عمي هتعرفني وبلاش انا 
معتز مطر عضو فالاهلي حتي الان وبقول للخطيب ليه ملغتش عضويته 
الواد علاء كاذب كان في يوم من الايام بيقول عليا بطل وانا بقوله انت خايب وخاين واللي ماشي وراك خايب وخاين 
بقول لدوله قطر المحترم هو الولد علاء نفايات كاذب عندك بيعمل ايه ..الواد ده بيسئ وهيبوظ العلاقات بينا 
انا صعب عليا لاعبي كل الفرق من الاجهاد وعملت مداخله مع ك مجدي عبد الغني اللي هو كابتنك يا خطيب وقولته انا موافق ان الدوري يتلغي وانا كنت الاول كمان عشان اللاعبين تريح 
طلع سيد ابو حفيظه وقال علي كلامي انه فكر فاسد فانا رديت عليه باني قولته انه عمل حوار وقال انا اتربيت وسط الحمير يعني كلامه مش كلامي والجنرال موجود لحد الان 
سيد هو اللي قال انا اتربيت وسط الحمير وانا مش هانزل بمستواي وارد علي واحد زي ده والمهم قفلنا الصفحه لحد كدا 
روحت ماتش الكأس وعملنا برتوكول والخطيب لما عرف اني رايح قالهم انا تعبان ورايح المانيا وبعت العامري فاروق اقصد الاستاذ العامري عشان ميروحش يرفع عليا قضيه 
العامري فاروق قال للناس لو مرتضي جه هيعمل خناقه مع احمد دياب وانا بقولكم قولوا لمرتضي ميجيش واحمد دياب رد وقاله مرتضي رجل دوله ومش هيعمل حاجه غلط وانا بشكر احمد علي كلامه ده 
العامري فاروق رفض يسلم عليا فوق وانا تجاهلت هذا التصرف الصغير ولما نزلنا نسلم الميداليات كنا عاملين بروتوكول وانا اتنازلت عادي عشان الدنيا تمشي وجمال علام خد الميداليات ووزعها كلها لوحده 
الممر الشرفي ده اتعمل للشرفاء لانه اسمه شرفي وكل لاعبي الزمالك راحوا للاعبي الاهلي وكل الليله كانت كويسه الا الواد اللي متربي وسط الحمير
انا سلمت علي كل لاعبي الاهلي واحد واحد وكلهم ولاد مصر و والواد بتاع الحمير لف من ورا ولما جه لحظه السلام وراح معديني وللعلم انا ممدش ايدي اصلا لان عارف انه اخوانجي وكان في رابعه وانك مش معاك اي شهاده وكنت بتبوس الجزمه عشان ادخل مداخله معاك وكنت بطرقعلك وكنت بتكون مبسوط 
في ماتش الاهلي والجونه جه الواد بتاع الحمير وشتمنا كلنا وانا متفق مع الدوله لما حد يغلط مردش لان الفيلم اتحفظ هو يشتموا وانا اطلع ارد وهما ياخدوا لقطه عليا ولكن انا اشتكيت والاجهزه اتحركت الشركه المتحده المحترمه خدت قرار بحذف الشتيمه واحنا في دوله قانون 
الخطيب طلع بيان انه هيقاطع قناه النادي بتاعه اللي هي قناته
بتحدي سيد تربيه الحمير ينزل بلده ويعمل فيديو هناك 
الخطيب عمل بيان كنت فاكره هيعتذر فيه عن الاساءه لقيته بيهدد عشان يرجع فيديوهات الشتيمه 
لما مدحت عبد الهادي و امير عزمي غلطوا انا اقالتهم واعتذرت لان ده الصح وياريت تتعلم 
انا نزلت نعي لوفاه زوجه المحترم طاهر ابو زيد والاهلي منزلش نعي هو الموت بقي فيه خلافات كمان 
عمرو مصطفي فهمي الله يرحمه الزمالك نزله نعي فالاهرام والاهلي منزلش 
مجدي عبد الغني كابتن الاهلي بتشتمه وبتشتم مصطفي يونس ليه وانا محاول علي ابناء الزمالك الحمد لله واللي مش شغال بديله معاش والاهلي ساب صفوت علي الحليم لحد ما مات محروق ولما مات منعوا الفلوس عن ولاده 
الخطيب اتحدي الدوله وعمل بيان يرجع الشتيمه والبيان ده كان عظيم وخدمني جدا  لاني خدت قرار ان اي بلاغ كتبت ان الخطيب هو المحرض 
ياخطيب انت لو فضلت انت والواد تربيه الحمير ده يشتموا فيا مليون سنه مش هيغير حاجه انا اسمي مرتضي منصور وليا اسمي
الخطيب جري راح ليعقوب السعدي عشان يخليه يشتري مباريات الاهلي وتم الرفض وابو ظبي طلعت بيان رفض  وانا اللي شهرت يعقوب السعدي ده بمقوله انا استفدت ايه 
مدحت شلبي اهلاوي وشوبير بتاع هبه اهلاوي وبقوله تحذير اخير ابعد عن الزمالك وبلاش كلامك العبيط وبقولك اتكلم عن النادي اللي ابنك بيلعب فيه وركز معاه  وسيف زاهر بتاع حته تانيه اهلاوي
شوبير بيشتغل الصبح فالاذاعه هو وبنته هند والضهر فالموقع وبالليل علي اون وكل واحد جايب ابنه معاه لكن مرتضي يقولك توريث 
التحفيل ده دمه رخم ورزل وكل يوم فريق هيفوز وهيخسر عادي 
بقول للعاملين في قناه الزمالك بلاش اي تعرض للاهلي واي حد هيغلط هنحاسبه بالادب 
انا بقيت ملاك بجناحين وتخيل اني قولت لسيد تربيه الحمير الله يسامحك انا مش مصدق
 
 
الشركة المتحدة للخدمات الأعلامية تتخلي عن قناتى الزمالك والأهلي 
 
وعقد مجلس إدارة الشركة المتحدة للخدمات الإعلامية عقد  اجتماعا مشتركا مع مجلس إدارة الشركات التابعة التي تقوم بتحمل كافة تكاليف تشغيل قناتى الأهلي والزمالك، وتم تدارس ما دار اليومين السابقين واضعين في الاعتبار المصلحة الأولي لرفعة الرياضة المصرية وكرة القدم كلعبة شعبية هامة، وكذلك الحياد عن أي خلافات، وأن جمهور رياضة كرة القدم يمثل الاهتمام الأول لدي مجلس الإدارة.
وكانت الشركة المتحدة للخدمات الإعلامية  أصدرت بيان تم اتخاذ القرار بالإجماع على رد القنوات المعنية للناديين المعنيين، وفقا للآليات القانونية الجاري إعدادها والاتفاق عليها مع الناديين أو من يمثلهما، وفقا لأحكام القانون، بحيث تؤول إدارة وتشغيل القناتين للناديين أو من يمثل كل منهما في هذا الشأن بشكل كامل.