سيف زاهر وإبراهيم فايق وشوبير.. ملخص تعليقات المقدمين على فوز الزمالك أمام بيراميدز

2 اغسطس 2022 الساعة 12:25 مساء

سيف زاهر وإبراهيم فايق وشوبير.. ملخص تعليقات المقدمين على فوز الزمالك أمام بيراميدز
 
مهاب ممدوح
قدم الزمالك مباراة رائعة خلال فوزه على بيراميدز بثلاثية نظيفة، ضمن منافسات الجولة الثامنة والعشرين من الدوري المصري لكرة القدم، حيث سجل ثلاثية الزمالك، أحمد سيد زيزو، وسيف الجزيري، وكذلك شيكابالا.
ونستعرض أبرز تعليقات سيف زاهر وإبراهيم فايق وكذلك أحمد شوبير على فوز الزمالك الكبير على بيراميدز أمس وانفراد الزمالك بصدارة جدول الترتيب.
قال سيف زاهر في تصريحاته عقب المباراة: "فيريرا بيواصل صناعة الملحمة في الزمالك، لسة بيعمل الإعجاز، روح مميزة بين اللاعيبة، وكمان الجمهور دايما رقم 1 ولكن حذاري، لسة الدوري متحسمش اللي يقولك الدوري اتحسم قوله ده محصلش، ولكن من خلال المؤشرات ومستوى الزمالك لا الزمالك في حتة تانية"
من جانبه قال شوبير: "أقدر أقولها بالفم المليان مبروك الدوري للزمالك، ده اللي انا اقدر اقوله محدش يزعل مني، فريق عامل كل حاجة صح، ومنظومة كلها عاملة كل اللي عليها من إدارة وجهاز فني، اتفرج على اللاعيبة الشباب اتفرج على الثقة اتفرج على شيكابالا القائد، كل الحاجات دي تقولك سر انتصارات الزمالك، فهو الأحق بلقب الدوري، ومحدش يزعل مني، أنا بقول اللي انا شايفه، لا فريق جمهوره معاه، وبيدعمه في كل وقت"
إبراهيم فايق قال: "الزمالك مع فيريرا المخضرم والعبقري، لا بيعمل عظمة، لازم نعترف بكدة، اتفرج على ثقة لاعيبة الزمالك واتفرج على روحهم في الملعب، متكلمنيش في حظ وتوفيق، الحظ مش بيجي غير للمجتهد، والزمالك قدام بيراميدز أثبت إنه فريق كبير مع فيريرا رغم الظروف الصعبة وقدر يتصدر الدوري بأكبر فارق هذا الموسم"
 
اقرأ أيضًا:

اخبار الزمالك اليوم | مزاد على بن شرقي .. صفقة إيبوكا تقترب .. فيريرا يطلب عبد الله السعيد .. صفقة شادي حسين .. عودة الفن والهندسة .. البروفسيور يتحدث