وجه مرتضى منصور رئيس نادي الزمالك رسائل نارية عبر مداخلته في برنامج زملكاوي أمس على قناة الزمالك رافضا فكرة عودة محمد صبحي حارس مرمى فاركو الحالي للزمالك مرة أخرى.
قال مرتضى في تصريحاته عبر قناة الزمالك:"انا عاوز العيال اللي بتقل ادبها يستنوا مذكرة النقض وبراهن بكل تاريخي لو الاحكام متلغتش هعتزل المحاماة وهترك الزمالك"
أضاف: "بلاش استفزاز انا مبهربش واخر إشاعه إني اتمنعت من الظهور في قناة الزمالك أنا رئيس مجلس إدارتها إزاي هتمنع احنا كنا بنتعامل مع شركة محترمة وايه رايكم انا على قناة الزمالك دلوقتي"
واصل:" انا بتكلم في قناة الزمالك وبلاش تكلموا في موضوع الشهر لأنه يسيء لكم انتم، لي عتاب على جمهور الزمالك، فيه ناس بتقول متتكلمش علشان خايفين على الزمالك، واسكت يقولك ممنوع من الظهور ودول مش جمهور الزمالك دول بيقبضوا"
تابع:" لو طلعت أوضحت وارد يقولك هتعيش النادي في قلق القضايا من 2018، والنبي ماتطلعش انت خايف على الزمالك ومش خايف علي وعايزني اتحبس، وانا لواخد 20 سنه مش هتعذر، ومجهز حاجات لجمهور الأهلي ولو نزلت كل ده جمهور الزمالك هيولع فيكم، ياجمهور الزمالك اطمنوا شوفتوا صفقة السله، صفقات القدم على تفس المستوى واكتر"
وأشار:" بقول لكل الولاد الصغييرين اللي بيهروا ان عامل لكم مشاكل، حسين لبيب جنتلمان ورجل شيك لما اتشتم قال لهم السوقه والعوام، *المقصود مش مرتضى المقصود اي حد بيرجع الزمالك للبطولات وييرجع له هيبته"
واستطرد:"انا متحمل علشان الجمهور والجمعيه العموميه واللي عملته في النادي *وخلاص هنبني فندق عالمي وارض 6 اكتوبر هتتبني من فضلكم سيبونا تشتغل انتم عاوزين تطفشوني ليه؟, هيطلع 100 اتوبيس مع وجبات وميه لنقل الجماهير لدعم الفريق امام فاركو والاتحاد، اسكندرية مش بعيده، التواجد يكون الساعه 11 الظهر من امام النادي واهم شئ الفان اي والتذكره، هنعمل احسن احتفاليه لوفزنا بالدوري في الاستاد ابورجيله وحفله هيتواجد فيها هاني شاكر وواحد من 2 عمرو دياب او محمد منير"
وواصل مرتضى:" ياجمهور الزمالك ركزوا مع الفريق وانسوني لو قراتوا مذكره النقض هنقولوا الرجل ده جبل، ركز مع الفريق وجايبين صفقات على اعلى مستوى لو ربنا كرمنا بالدوري هنلعب بطولة السوبر المصري السعودي امام الهلال وربنا يوفقنا ركزوا وشجعوا بكل حماس وباذن الله ربنا يكرمنا، بقول لمحمد صبحي انت هتفضل صغير وضئيل علشان لاعب كبير في الزمالك يكلمك وتقوله *مليش مزاج العب في الزمالك ، انت يلا ملكش مزاج تلعب بالزمالك والزمالك مالوش مزاج تعدي من قدامه، *وكنت بتجي تعيط لي علشان 100 جنيه، قولت لـ أمير قوله أنت ترفض الزمالك والزمالك يرفض تشتغل فيه فراش، انت يلا بيدخل فيك 4 أو و5 اجوال خليك جمهور الزمالك قلبهم حنين، الزمالك قال طارق وحامد وابوجبل شكرا، ابوجبل اعتذر وعاوز يرجع وفيريرا مأجل الحسم لنهاية الدوري فيريرا مرفضش ابوجبل، لكن زعلان من طارق حامد لانه غاب وربنا كرمنا بلاعيبه تانيه* عندنا ماتش مهم جدا امام الاسماعيلي لي طلب ياجمهور الزمالك متشغلوش نفسكم بيا فاضل لنا ماتشين الزمالك اهم مني والدوله لوعارفه ان انا غلطان كنت فورا حبستني، عندنا ماتشات مهمة لو فوزنا بفاركو والاتحاد هنحتفل باهم دوري في تاريخ الزمالك كله من فضلك خليك مع الزمالك ركز في الماتش ابعد عني اتحبست هاروح ازور اصحابي في السجن رئيسك لم يحبس في قضية ساعات ولا260 مليون ولا استيلا ع مال عام دي قضية سبوقذف،ومحكمة النقض لو قالت انت غلطان هعتزل.
وختم: "انا ضد اللي حصل مع ياسر ابراهيم لانه مش من حق حد يشتمني امام مراتي و ضد ان رد فعل ياسر يكون بونيات اعتبره سفيه ومتردش، الواد بيقولك لك نفس تاكل وانت خسران دوري وكأس هو لو زملكاوي هيبوس ياسر علشان كان سبب في هدف الزمالك التاني في الكأس، فتوح مبيشربش الشاي يبقى بيسكر ؟ ولو بيسكر دي هتكون حالته في الملعب؟ عيب بجد يا استاذ محمود ابراهيم الخطيب لم العيال اللي عندك انت بتغلط بيتعمل ضدك بلاغ وصلوا 66 بلاغ دلوقت، يوم ما قولت مش هلعب ماتش المقاصه وملعتبش، لما قولت مش هاروح ماتش الاهلي ايام المطره والسيول مروحتش واتحملت المسئوليه، سمعت ان اتحاد الكره بعت خطاب بيعتذر انا عاوز اشوفه"
مهاب ممدوح حسم التعادل الإيجابي بهدف لمثله، نتيجة شوط اللقاء الأول الذي يجمع بين نادي بيراميدز ضد نادي سيراميكا كليوباترا، على ملعب استاد آل نهيان، في مباراة تحديد المركز الثالث والرابع بمسابقة كأس السوبر المصري للأندية الأبطال.شهدت بداية اللقاء تمريرات
رسالة حماسية من جماهير الزمالك قبل السوبر المصري: "الأولى توجع.. التانية تموت" في ظل التحضيرات للمواجهة المرتقبة في نهائي كأس السوبر المصري، تُعلي جماهير الزمالك من حماسها وترسل رسالة قوية ومليئة بالعزيمة إلى فريقها قبل اللقاء الحاسم ضد الأهلي.
مدحت شلبي يعتذر عن التعليق على مباراة الزمالك والأهلي في نهائي السوبر .. تعرف على السبب أعلن الإعلامي الكبير مدحت شلبي موقفه النهائي من التعليق على نهائي كأس السوبر المصري الذي سيقام الليلة بين الأهلي والزمالك على ملعب محمد بن زايد في العاصمة
محكمة أبوظبي ترفض خروج ثلاثي الزمالك المحبوسين قال مصدر بمجلس إدارة نادي الزمالك، إنه تم تأجيل الحكم في قضية الثلاثي عبد الواحد السيد مدير الكرة بالفريق الأول لكرة القدم بنادي الزمالك ، ومصطفى شلبي ونبيل عماد دونجا ثنائي الأبيض لجلسة
نكشف بديل مصطفى شلبي فى نهائي السوبر المصري أمام الأهلي هاني عصام استقر البرتغالي جوزيه جوميز المدير الفني للفريق الأول لكرة القدم بالزمالك على بديل مصطفى شلبي في مباراة الأهلي مساء اليوم الخميس في نهائي السوبر المصري. ويلتقي الزمالك