مرتضى منصور : يكشف صفقات تبادلية مع ثلاث أندية ويرد على بيان وزارة العدل ويهاجم الثلاثي الأهلاوي ويرفض تعليق شوبير على ماتش الزمالك والإتحاد السكندري

21 اغسطس 2022 الساعة 8:33 صباحا

 
مرتضى منصور : يكشف صفقات تبادلية مع ثلاث أندية ويرد على بيان وزارة العدل ويهاجم الرباعي الثلاثي الأهلاوي ويرفض تعليق شوبير على ماتش الزمالك والإتحاد السكندري
 
محمود هنداوي 
قال  المستشار مرتضى منصور، رئيس نادي الزمالك ،   في مداخلة  هاتفية ببرنامج زملكاوي عبر قناة الزمالك طارق يحيى :  لقد تابعت بيان وزارة العدل وعلشان كده بقول للخطيب بلاش المحامي بتاعك يتكلم عن الأحكام من فضلك خلال فيه جهات حكومية محترمة، مالك تعبان وعمال تلف انا قولت انا مش هجرح قاضى او حكم لان ده حقي، وانا موفق تمامًا وبقلهم بلاش لعبة التقطيع بيني وبين القاضى.
وأكد مرتضى منصور ،  لن  أتعرض للإهانة لأى قاضى بالإساءة، ووجهت الشكر لمعاون النيابة، بقول للعيال دى لمو نفسكم، ولما قلت “شفتيرو ” كان قصدى على “شوبير”، وبلاش اللعبة الوسخة اللى انتوا بتعملوها.
وأضاف أقول  للخطيب لم اللجان اللى عندك، احنا قرفنا يا محمود وخليك في فريقك، وملكش دعوة بينا. 
واوضح منصور ،  بقول لمحامي الأهلي بلاش اللعبة دى ، وشوبير هو اللى (شفاتيرو) وبقول للخطيب هل عايز تمسك الأهلي والزمالك مع بعض انت نزلت الأهلي من الدور الـ 26 للدور الأرضى عايزين شوية هدوء.
واكد مرتضى منصور ، ان  الزمالك  مركز وأن شاء الله ربنا يوفقهم في مباراة الاتحاد ،وكان هناك  مكالمة مع محمد مصيلحي، علشان اباركله على ضمان البقاء في الدوري. 
وأستكمل رئيس الزمالك ،حديثه قائلا ان شوبير قال انه عايز يذيع ماتش الزمالك والاتحاد بقوله أرجوك من فضلك رفقا بيك انت، بلاش تذيع وممكن يطقلك عرق بسبب جون الزمالك، وابعد عن الزمالك ،رسالتنا للمسؤلين فيه مذيعين كتير محايدين بلاش تستفزونا به، بقول لـ شوبير كلمة “شفاتيرو” مش سب وقذف ده وصف علشان عرفت انك بتزعل منها، وعرفت انك مشغل بنتك في الشركة المتحدة بـ 60 ألف ، وبقول له انتظر المفاجأت في الموسم الجديد وصدقنى كل الخريطة هتتغير.
وعن زيادة اعداد الجماهير بمبارة الاتحاد.... اكد انه كانت هناك مكاملة مع الأخ أحمد دياب ومع سيف الوزيري المسؤول عن الشركة المتحدة وتذكرتي، اتمنى ان شاء الله يتم زيادة عدد التذاكر وانا مش بحب احرج حد، إن شاء الله ربنا يوفق الأولاد والواحد من جماهير الزمالك بـ 20 ألف واحد من الجماهير الثانية
اما عن ما يتردد بمواقع التواصل من بعض الفنانين بقول لـ نبيل الحلفاوي انت راجل كبير عيب انك تعمل حاجة زى كده وتكتب أن الأهلي وافق على إعارة درع الدوري للزمالك، لما مرة لسعتك واحدة عيطت ولفيت على مصر كلها، وكلنا عارفين حالتك النفسية وانا كلمت الدكتور أشرف زكي علشان الواقعة دى، بقولة احترم سنك وابنك، واحنا عارفين حالتك النفسية عاملة إزاى، انت دلوقتي بقى عمرك 105 سنه ياريت تحترم نفسك وتبعد عنا.
بقول لـ إبراهيم سعيد متخلنيش احكى حاجات تقعدك في بيتك، اهمد يا نبي واهدى احنا مش ناقصينك دماغنا وجعنا، انت خدت حقنة بقيت أهلاوي مرة واحدة في الأول كنت زملكاوي، وبقوله اهمد بقى احنا عندنا حاجات تانية مش فاضيين ليك، انت مشكلتك الوحيدة انك كنت عايز تشتغل في الجهاز الفني للزمالك في الفريق الأول وانا قولتلك ابدا بتدريب الناشئين .
وأكد مرتضى منصور ده أصعب دوري في العالم وأقول لجماهير الزمالك إن شاء الله نعمل احتفالية تليق بيكم تكون في الشوارع وفي كل حتة وده بفضل ربنا، عندنا تبادل لاعبين مع فيوتشر والإتحاد السكندري والجيش، وكل الأندية ومعندناش مشكلة مع أي نادي في مصر”
اللى بيقولى خلى امير يقول أسماء الصفقات من فضلك بلاش كده، جميع الصفقات اللى تم التعاقد معها بتعلميات من فيريرا، امير مش بيقولى على أسماء الصفقات وجماهير الزمالك واعي ومحترم عنده ثقة في الإدارة
اللى بيحب الزمالك ميقلش أسماء الصفقات على صفحاته والقنوات بتاعته