بعثة الزمالك اليوم فى قطر ..وأستقبال أسطوري من الكورنيش حتى هيلتون الدوحة..رسالة مرتضى منصور إلى لاعبي الزمالك وعمرة وقبلة الحياة لهذا الثنائي

7 سبتمبر 2022 الساعة 8:54 صباحا

بعثة الزمالك اليوم  فى قطر ..وأستقبال أسطوري على الكورنيش حتى هيلتون  الدوحة
 
 
تغادر القاهرة ظهر اليوم ، بعثة فريق الزمالك لكرة القدم ، فى طريقها إلى قطر ، لمواجهة الهلال السعودي على بطوبة  كأس سوبر لوسيل  ، بين بطلي الدوري المصري والسعودي ، فى أفتتاح ملعب لوسيل ، الذى يسع ل80 الف متفرج ، حيث نفذت جميع التذاكر  ويسبقه حفل عمرو دياب قبل إنطلاق المباراة بساعة ونصف .
ورفعت الجالية المصرية فى قطر ومعظم دول مجلس التعاون الخليجي ، خاصة من عشاق الزمالك ، شعار دعم الفريق الأبيض ، منذ ساعة الوصول وذلك تحت إشراف رابطة الزمالك فانز قطر برئاسة نجم الزمالك السابق والمحلل بقناة بي أن سبورت ، لتكرار نفس الدور الذى قامت به من قبل خلال لقاء السوبر الأفريقي بين الزمالك والترجي التونسى والذى فاز به الفريق الأبيض .
وتم التنسيق مع المسؤولين فى دولة قطر ، أن يتواجد جماهير الزمالك على جانبي الطريق من الكورنيش حتى فندق هيلتون الدوحة ، الذى سوف تقيم به بعثة الزمالك والقريب من ملعب لوسيل .
 
رسالة مرتضى منصور  إلى لاعبي الزمالك وعمرة هدية بعد لقاء الهلال وقبلة الحياة لهذا الثنائي 
محمود هنداوي 
حرص المستشار مرتضى منصور، رئيس نادي الزمالك ، على عقد جلسة مع اللاعبين حيث ظهر ذلك من خلال مقطع فيديو تم بثه عبر قناة الزمالك قبل السفر للدوحة لمواجهة فريق الهلال السعودي بافتتاح ملعب لوسيل على كأس سوبر لوسيل . 
مرتضى منصور قال : أسعدوا جماهيركم بالملايين، وإن شاء الله نفوز ونأخد المليون ونصف دولار وممكن ناخد المليون التاني علشان عندهم كل حاجه وأحنا عندنا برضو، وانتم مش ناقصكم حاجه كلكم رجال أقوياء وفي المنتخب، الهلال فريق كبير، لكن إنتم أكبر، الهلال فريق جامد، لكن انتم أجمد أوعوا تتخضوا أن الهلال يضم 7 أجانب أنتم في عز تألقكم ، كسبنا قبل كده الهلال في عز جبروته في السعودية وجمهور الهلال كبير وعظيم، وانتم مسافرين تمثلوا مصر ودي بطولة بداية موسم وقفلنا صفحة  جميلة  الموسم المنتهي بالفوز بالدوري والكأس، ربنا يوفقكم هتسافروا قطر وهتطلعوا من هناك على السعوديه لاداء العمرة وترجعوا تبداوا الموسم الجديد .                                                       وأكمل حديثه... أنا وأضاف رئيس الزمالك ، قلت من فترة مش عايزين لاعب ليه عند الإدارة جنيه، وعندنا ماتش مهم جدًا وسهل جدا لكنه صعبة جدًا، ومهم لأن الزمالك هنا يمثل مصر.
                                                                 واوضح ان احمد مرتضي ممكن ميسافرش بسبب الجلطات وهنسأل الدكتور بس كل مجلس الادارة مسافر معكم.
كما اشار مازحا... لو خالد لطيف امين الصندوق  قال جمله بايخه اضحكوا  لانه هو اللي بيطلع الفلوس بتاعتكم .                                        وطالب اللاعبون... اسعدوا جماهيركم، جمهور الزمالك بقطر حجز الـ40 الف تذكرة بالكامل لحضور مباراة الهلال.
الهلال فريق كبير، لكن إنتم أكبر، الهلال فريق جامد، لكن انتم أجمد أوعوا تتخضوا أن الهلال يضم 7 أجانب أنتم في عز تألقكم
ببارك لزكريا الوردي، وهو لاعب جيد وبياصي كويس وبيوصلك باسهل الطرق، اهلا به وكل اللعيبه المغاربه اللي تعاقدنا سابقا مثل حميد احداد وبنشرقي واوناجم معهم محترمين زي التوانسه.
 عندنا سيف بيه مين وكيلك؟ سيف: مفيش، مرتضى خد ابو زيزو وكيل شاطر ومحترم.
المثلوثي حاجه راقيه ومحترمه بيفنش صح الطاقه بيخبيها لنهاية الموسم.
 اهلا بابراهيما نداي، مين هيترجم؟ شيكا هيترجم له؟ يا ابن الايه علشان كده جمهور الاهلي مش طايقك بسبب الترجمه.
اوباما لازم تدبح انت محسود وفي حاجه في وشك مش طبيعيه،احنا مش هنستغنى عنك، انت حاجه محترمة
واختتم: “عبدالله جمعه فقد كتير من وزنه، عليه طلب كتير، بس مش هتمشي، انت مبسوط هنا؟ ليرد اللاعب: ايوه ياريس
نداي اناشوفتك مع الفريق السويسري انت ماشاء الله، وفيك ميزه بتلعب بالراس وبرجلك وهتعوضنا عن بن شرقي بتلعب برجيلك الاثنين وبتشوط كويس وربنا يوفقك