مرتضى منصور يصدم الجميع: الزمالك مهدد بإيقاف النشاط .. عندنا 3 صفقات جديدة .. وفرج عامر رايحة منه ومستعد لزيارة الخطيب بشرط واحد
مرتضى منصور يصدم الجميع: الزمالك مهدد بإيقاف النشاط .. عندنا 3 صفقات جديدة .. وفرج عامر رايحة منه ومستعد لزيارة الخطيب بشرط واحد
سارة عبد الباقي
تصدر المستشار مرتضى منصور ، رئيس نادي الزمالك الترند على محركات البحث على جوجل بعد ظهوره عبر برنامج زمالكاوي ،على قناة الزمالك ،حيث تحول إلى مذيع ليدير الحلقة فى حضور خالد لطيف ،مقدم البرنامج مع الضيوف جمال عبد الحميد ليتحدث عن شارع صالح سليم ، فى الزمالك ، والخطيب وصفقات الزمالك .
مرتضى منصور إطلاق أسم صالح سليم على شارع فى الزمالك
حيث أكد المستشار مرتضى منصور ، رئيس نادي الزمالك ، أن هناك 3 صفقات جديدة سيعلن عنهم الزمالك قريباً، مشدداً على أن الفنان الراحل هشام سليم كان رجلاً صاحب كلمة، وأنه امتداد لوالده صالح سليم رئيس الأهلي السابق، حيث قال: "هشام سليم رجل صاحب كلمة، هذا الشبل من ذاك الأسد، سأطلق اسم صالح سليم على شارع داخل نادي الزمالك، هو رمز الكرامة والكبرياء في الرياضة المصرية وعلمنا قيمته عندما مات".
مرتضى منصور يهاجم ممدوح عباس وفرج عامر ويرد على مصيلحي ويقصف جبهة الخطيب
جاءت ، أبرز تعليقات المستشار مرتضى منصور خلال ظهوره على قناة الزمالك:
قال مرتضى منصور : ليس لي فضل في اسم نادي الزمالك، كنت محامياً شهيراً ولكن والناس عرفوني من نادي الزمالك
وأضاف منصور ، الزمالك في كارثة بسبب تقديم ممدوح عباس شكوى لدى الاتحاد الدولي بحجة منحه قرض للزمالك، والنادي مهدد بإيقاف نشاطه الرياضي بسبب شكوى عباس
وقال رئيس الزمالك : " بطمن" الجمهور عندنا 3 صفقات، فيريرا قال دول زيادة بس أنا شايفهم كويسين وهو كمان، أمير وفيريرا شايفين أن كده كفاية والفريق كدة بقى مكتمل.
مشيرا إلى إبراهيما نداي كان بيلعب في احسن نادي في سويسرا، وزكريا الوردي كان في أندية في فرنسا وخناقة بين الرجاء والوداد عليه وجبته، مصطفى الزناري أحسن مدافع في مصر وعمر جابر ودونجا احسن خط نص في مصر كل ده مش عاجبكوا؟ كويس إن إحنا جبنا كل دول والحسابات محجوز عليها
وأكد رئيس الزمالك ، أنا كنت مجبش أي صفقات، واللعيبة دي كسبت الدوري ومش محتاجة تدعيم، الأهلي اللي محتاج تدعيم عشان مركز تالت، أنا بعافر عشان جماهير الزمالك اللي بجد
وأضاف منصور ، سامسون جاي الزمالك قريب، ربنا يسهل والأزمة تفك وهجيب 3 لاعيبة كمان، هتتفك عشان فيه دولة محترمة، كل أجهزة الدولة دلوقتي بتتحرك عشان مؤسسة كبيرة مش مرتضى منصور
وأكد رئيس الزمالك ، مع احترامي للأستاذ محمد مصيلحي، محدش عرض عليه أوباما ولا محمود علاء ولا سيف جعفر ولا 20 مليون، أنا بحترمه لكن هو بيقول كلام محصلش، أنس أسامه مضى مع مصيلحي أيام حسين لبيب، فرط فيه زي فرجاني ساسي وأسامه فيصل وحسين فيصل وجنش وصبحي وغيرهم، عقد أنس اسامه بتاريخ 20 إبريل 2022، محمد عبدالمطلب عضو اتحاد السلة هو اللي مسيطر على أبوفريخة والصديق الصدوق لعمرو مصيلحي، مش معقول يا أخ أبوفريخة يبقى فيه نزاع بين الزمالك وبين الاتحاد وفي عضوين من الاتحاد السكندري عندك، الاخ محمد عبدالمطلب كاره نفسه وكاره الزمالك، دي أول مرة كنت أمضي عقد لاعب سلة، أنا كنت بفوض جلال إبراهيم و خالد لطيف دايماً، لكن دي أول مرة أمضي بشخصي، العقد كان هينتهي مايو 2024، وبعتنا جواب بنشتكي لاتحاد السلة أن أنس أسامة لاعب الزمالك ومن حق نادي الزمالك مع احترامي للاتحاد السكندري و جمهوره
وأنتقل مرتضى منصور للحديث عن فرج عامر ، قائلا راحت عليه بقاله 30 سنة رايحة منه، كل يوم يصحى الصبح يضرب 3 تويتات بس بدل ما" ينزلهم في الحمام بينزلهم على صفحاته ويقرفنا إحنا " مكانه السرايا الصفرا مع ممدوح عباس أو أقرب له نوديه مستشفى العصافرة .
وأختتم رئيس الزمالك تعليقاته أنا ومجلسي مستعدين لزيارة الأهلي لو الخطيب ، وجه الدعوة لينا، لكن أكيد الخطيب مش هيوجه لينا الدعوة عشان إحنا فقراء مش هنعرف نجيب هدايا وساعات وإحنا رايحين الزيارة لكن ارفض الصلح مع ممدوح عباس حتى لو اتنازل عن القضايا مؤكدا ملهوش أى مستحقات .
موضوعات ذات صلة
