مرتضى منصور يكشف تفاصيل الصفقة الجديدة لفريق الزمالك والإتفاق الجديد مع برزنتشن على الرعاية
محمود هنداوي
تحدث المستشار مرتضى منصور ، رئيس نادي الزمالك ، الذى حل ضيفا في برنامج زملكاوي عبر قناة الزمالك تقديم الاعلامي خالد لطيف بحضور جمال عبد الحميد والإعلامي محمد رحب وكريم أبو حسين ومصطفى يونس .
وقال رئيس الزمالك : لقد أنهينا صفقة يوسف حسن من نادي دجله ومتبقي لي صفقتين لفريق كرة القدم بالزمالك .
وبارك مرتضى منصور لفريق اليد، وكلمتهم ووعدوني امبارح بالفوز رغم ان الاهلي اقوى من الترجي والعودة بالكأس وقد اشار ان هذا درس لما خسروا من الترجي بلعبه في الثانية الاخيرة بعض المتزملكين المباراة ممكن تخلص في اخر ثانيه، العيال بيقولوا يارب الزمالك يخسر دول كلاب ضالة.
وتسائل منصور ، ان الفريق اخذ اكثر من بطولة وبيتم الهجوم عليه، جمهور الاهلي يعمل ايه؟ يولع في العيال دي، ماخدوش ولا بطولة وانتم قبيضه من عباس وعبدالخالق والعتال واحمد سليمان، وصلوا للنهائي وكسبوا الأهلي ، في كل المباريات ودي رياضة، وتقول الفانله اتقطعت بطلوا سفاله كل اللي بتعملوه ولايهز شعره من راسي اللي جابني الجمعية العمومية وكلكم بالجزمه لكن المحترمين اللي بيدعموا الفريق فوق دماغي.
وتحدث مرتضى منصور ، عن يحيى الدرع وسيف انهم رحلوا ايام اللجان ولوكنت موجود والله ماكانو مشيوا، واسامه انس بعكس اسمه علشان قرفان منه، بتقولوا بيب بيب يا حسين لبيب علشان القبض رغم انه مالوش تاريخ في الزمالك.
اما ما يخص التعامل مع الاتحاد السكندري انتوا بتقولوا سيبتوا محمود علاء سيبته ليه ؟ " انتوا اللي قتلتوا محمود علاء بقله ادبكوا واجرامكوا، فيه شوية عيال اتسنتروا في المدرجات يشتموه هو وامه ومراته والراجل يبقى رد فعل يتقال بص بيشتم الجمهور، انتوا اللي مشيتوا محمود علاء و جايين تعيطوا عليه ، وبعدين القاضيه ممكن انتوا عارفين ظروف الماتش ده ايه، محمود علاء راح قال للراجل انا مش عاوز العب هو واوباما.
وقال رئيس الزمالك ، مؤكدا انا معنديش مشكلة مع اسكندرية او اسماعيلية او اي محافظه ، لكن ممكن يبقى عندي مشكلة مع مجلس إدارة نادي ، هل ده معناه اني اعاقب محافظة كامله عشان خاطر محمد مصيلحي ؟، اعاقب بلد كاملة عشان انس اسامه ابو ضفيره ؟ بنروح هناك اي ماتش يستقبلونا احسن استقبال عشان لعيب اسمه مروان ؟ ايه التفاهة دي.
وأوضح ان محمود علاء عقده 12 مليون ومش هيلعب وهيلاعب عليه حسام عبد المجيد ، الراجل قالي مش هلاعبه الموسم ده ، هو كان يتبقي 4 مليون و 200 الف و ال2 مليون كمان ، اسيبه فالنادي عشان تشتمه ؟انتوا عاوزنا نتهان في كل بلد زي الاهلي و نمشي في عربية ترحيلات ؟.
وتابع مرتضى منصور انا كلمت خالد جلال المدير الفنى لفريق البنك الأهلي ، قولتله احنا عندنا مشكلة كبيرة في الفريق ، محمود علاء أحسن مدافع في مصر وهداف بس عنده مشكلة نفسية ، ممكن يا خالد تاخده .انا كلمت نائب رئيس مجلس نادي البنك الأهلي ، قالي خالد بس يوافق وهنخلص وخالد مخادوش ، اسيبه بقا يتشتم في النادي ؟.
واشار انه سيتم انشاء ” ستور ” في سور النادي لبيع قميص الزمالك الجديد للجماهير من خلال المنافذ الرسميه للنادي .
كما افاد ان الشركة المتحدة محترمه هو حاليا اصبح وسيط بين الاندية وشركات الاعلان كان يقولك هتاخد 100 مليون وهو ياخد كل عوائد الاعلاتات، لكن دلوقتي لا النظام اختلف، نقول عندنا تيشرت لاي نادي وفيه اعلان، هوجاب اعلان ناخد 80٪ من قيمته وهو 20٪ لكن مفيش مليارات كما تردد، كل واحد وشطارته، لكن مفيش 100 مليار و200 مليار الكلام ده بيسئ للاهلي ومجلس إدارته برئاسة محمود الخطيب لان الجمعية العمومية مبترحمش.
هاني عصام فجر مصدر داخل نادي الزمالك مفاجأة بشأن الأزمة الأخيرة التي حدثت في مباراة الزمالك وبيراميدز في نصف نهائي كأس السوبر المصري.وأكد المصدر أن البرتغالي جوزيه جوميز مدرب الفريق طلب من عبد الواحد السيد مدير الكرة عقب نهاية المؤتمر الصحفي لمباراة بيراميدز
نكشف موقف جوميز من الانسحاب من نهائي السوبر هاني عصام كشف مصدر داخل نادي الزمالك عن موقف البرتغالي جوزيه جوميز مدرب الفريق بشأن الأحداث الأخيرة داخل الفريق.وأكد المصدر أن جوميز رفض بشكل نهائي فكرة الانسحاب من مواجهة الأهلي وتمسك
عاجل .. المحكمة تصدم الزمالك بقرار صادم ضد ثلاثي الفريق في الإمارات قبل نهائي السوبر صدمة جديدة يتلقاها مسئولو نادي الزمالك قبل مباراة نهائي السوبر أمام الاهلي في الإمارات، على خلفية أزمة مباراة بيراميدز التي على اثرها تم احتجاز ثلاثي الزمالك نبيل
خالد النبوي تعليقًا على هدم قبة حليم باشا التاريخية: عاوزين تخلوا عمرها صفر ليه؟ علق النجم خالد النبوي على لقطات هدم قبة حليم باشا التاريخية في منطقة السيدة عائشة والتي آثار هدمها غضب وحفيظة الكثيرين لكونها معمارا تاريخيا لا يعوض.وقال
يخوض الفريق الأول لكرة القدم بنادي الزمالك تدريبه الأساسي في السابعة والنصف مساء اليوم الأربعاء بتوقيت الإمارات، السادسة والنصف بتوقيت مصر على ستاد محمد بن زايد، استعداداً لمباراة الأهلي في نهائي السوبر المحلي.وقررت اللجنة المنظمة للبطولة أن يكون تدريب كل فريق