نجل رمز الزمالك يكشف قصة الغديري أحدث الصفقات من الألف إلى الياء

12 اكتوبر 2022 الساعة 11:04 مساء

 
نجل رمز الزمالك يكشف قصة الغديري من الألف إلى الياء 


 
هاني عصام 
 
كشف إيهاب عبد الحليم ، إداري قطاع الناشئين فى نادي الزمالك ونجل الكابتن أحمد عبدالحليم  والذى قام بدور  الوسيط في صفقة انتقال السيد الغديري لنادي الزمالك عن بعض الكواليس والتفاصيل الهامة في الصفقة.
 
وقال  إيهاب عبد الحليم :" الغديري  ورقه سليم مليون ف المية ثانياً الغديري كان لاعب في نادي النصر و انبي اشتراه ب 65 الف جنيه و قعد معاهم ٤ سنين و في خلال الفترة دي انضم لمنتخب القاهرة و سافر معاهم اليابان و بعد كدة راح من انبي لنادي اف سي مصر لعب معاهم موسم و بعدين راح الجزيرة الاماراتي و تم دفع ٥٠٠ الف جنيه لنادي اف سي مصر و لعب ٤ سنين في الجزيرة الاماراتي".
وتابع:"  كان المفروض يلعب فريق اول بس طبعا في اعتبارات تانية منعت الموضوع ده لأن في شروط عندهم و قوانين للاحتراف و عشان سنه صغير محصلش نصيب و قرر انه يرجع مصر و تواصلنا مع بعض و بعت الفيديوهات بتاعته لكابتن حسين ياسر و كابتن اسماعيل يوسف و كابتن اسامة نبيه وكابتن عصام مرعي و كابتن تامر عبد الحميد دونجا و جه الزمالك لكن كان في ظروف عندنا منعت انه يوقع عقد وقتها في شهر 7  و راح طلائع الجيش عمل معاهم فترة الاعداد بحكم قرابته من كابتن طارق العشري و بعد ما الناس شافوا مستواه قرروا يعملوله عقد".
وأكمل عبد الحليم  :" و تواصلنا مع بعض و وقع بس من غير ولي امره عشان هو تحت السن القانوني و فضلنا بنتكلم لغاية ما كابتن طارق خلص الموضوع بالتراضي مع الجيش و رجعلنا تاني و اتمرن عندنا و كان المفروض يوقع العقد بس جاله سموحة الفريق الاول و راح و عمل عقد محترم بس حصل تغيير في الكلام و كانوا عايزينه يلعب مع فريق الامل فهو قرر انه لو هيلعب ناشئين يلعب في نادي الزمالك و فعلا كابتن طارق خلص الموضوع هو و دكتور عطية السيد و رجع الغديري و وقع عقد عندنا على بياض و ان شاء الله هيكسر الدنيا و هيبقى اضافة كبيرة .. مبروك عليك وجودك في اكبر نادي في مصر يا غديري و ربنا يوفقك".