مرتضى منصور يدعو ممدوح عباس لمناظرة فى قناة الزمالك ويدعم فيريرا وكوماندوز اليد ويدافع عن هناء حمزة ويدعو بشفاء الخطيب ويؤكد عبد الحفيظ واخد دكتوراه فى ضرب الحقن وكهربا هيفضح الأهلي

14 اكتوبر 2022 الساعة 3:00 مساء

مرتضى منصور يدعو ممدوح عباس لمناظرة فى قناة الزمالك ويدعم فيريرا وكوماندوز اليد ويدافع عن هناء حمزة ويدعو بشفاء الخطيب ويؤكد عبد الحفيظ واخد دكتوراه فى ضرب الحقن وكهربا هيفضح الأهلي


محمود هنداوي

تناول المستشار مرتضى منصور رئيس نادي الزمالك ،  العديد من الأحداث ببرنامج زملكاوي عبر قناة الزمالك حيث تحدث عن  ممدوح عباس موجها له الدعوة لمناظرة على الهواء فى قناة الزمالك بحضور محاميه كمال شعيب ونجله أيمن عباس كما تحدث رئيس الزمالك عن أزمة ريم مصطفى لاعبة الكرة الطائرة بالأهلي ووالدتها هناء حمزة ودعم فيريرا الذى سيتم تجديد عقده  ،

حيث تحدث رئيس الزمالك  عن إنتقاد فيريرا المدير الفنى لفريق الزمالك  وقال.: مجلس الإدارة  كله في ظهر فيريرا و هيكمل عقده كامل و هنجددله كمان ان شاء والله، احنا ورا فيريرا ومستمر وناجح وواخد دوري وكاس وهيكمل معانا ان شاء الله.

واكد مرتضى منصور ان  جمال عبد الحميد لم يتدخل مع فيريرا ولا راح له وبنثق فيه هو وجهازه ثقه كاملة ، الكلام اللي بيتقال ان الاداره وضعت مسمار الاولاني لرحيل فيريرا  ومهيب يقول اشاعات و شبانه، في ايه؟ ايه الهيجان ده، جمال عبد الحميد واي محلل يقول اللي هو عاوزه في القتاة ولا هقوله بتقول ايه ، لا تحزن ياجمال.

 وعن رئيس النادى الأهلي ، أكد  ربنا يشفي الاستاذ محمود الخطيب هو مريض بالفعل وعنده مرض من فتره، وربنا يرجعه بالسلامة لزوجته وبناته واحفاده وانا قلت قبل كده احفاده مع احفادي في المدرسة .

وعن اللجان الألكترونية قال مرتضى منصور  لمجلس ادارة الاهلي خلوا العيال بتوع الصفحات متشتمناش انا قدمت فيهم بلاغات، اسهل حاجة قلة الادب، مجلس ادارة الاهلي سهل اقول ده مين وده مين وكل واحد له تاريخ عندي بس علشان البلد واستقرارها والدوري الجديد.

وعن الدكتور سيد فى إشارة إلى سيد عبد الحفيظ مدير الكرة بالأهلي ..... الرجل معه دكتوراه، هو انتم بتهرجوا؟، واحد معه دكتوراه وهو مش معه اعدادية ، اه دكتور في الحقن يعنى  تمرجي.

وعن كوماندوز كرة اليد.... انا  مش زعلان، أنا سعيد رغم الخسارة، أولا لأن المدرب بتاع الترجي هو ابن الزمالك باسم السبكي، يعني إحنا مساهمين في الإنجاز ده، ثانيا ده يؤكد أن أبناء الزمالك مبيفوتوش لينا زي ما ناس تانيه بتعمل، وبقول للاعبي فريق اليد هاردلك دي رياضه انتم بالنسبة للفرق المصرية رقم 1.

وتحدث عن  منتقدى أحمد مرتضى منصور المشرف على فريق اليد..... قائلا الناس اللى بتهاجم مرتضى هو أحمد مرتضى شغال عند “يور مازر” أحمد مرتضئ ده محامي مش شغال عندك، وأكد ان  أحمد وأمير مرتضى مبقاش فيه فلوس في رصيدهم علشان الزمالك اوعى تتكلم عنهم، وفوق انت وهو مش انت اللي هتقيمنا.

وعن القضية المثارة بالكرة الطائرة .... الاهلي اكبر من بنت هناء حمزة، ده وضع طبيعي واكبر من اي حد من ولاده، والزمالك اكبر من مرتضى وجمال واي حد، من فتره في لاعب اسمه جدو وبيقل ادبه دلوقتي مش مشكله، عمل عقد مع الزمالك زي مابنت هناء حمزة عملت عقد، هو وقع على بياض وممدوح عباس ملى العقد مخالف للي اتفقوا عليه، وجدو راح لاهلي قالهم الحقوني الحقوني وقدموا بلاغ، والنيابه عملت ضبط واحضار لاعضاء مجلس الزمالك، خش زووم يا ابني على اللي هيتحسبوا من مجلس الاهلي هم ومحاميهم، اللي هيتحبس يوم السبت وواخد سنه سجن، وقولت عندك كورونا ورحت بعدها 3 ايام تقدم بلاغ ضد البنت، انت ياكداب ياعصاية الغليه، مجلس الاهلي هيتحبسوا 3 سنين، لان البنت مضت على بياض وهم كتبوا العقد بعد ما وقعت، وانا واقف وراها لحد اخر المشوار، وبطلوا سفاله وقلة ادب لها ولوالدتها، دي كابتن مصر والاهلي هناء حمزة لمده18 سنه بتتسب وتتشتم، بنت صغيره وطفله، كل ده علشان ابن هناء حمزة تزل الانتخابات مع محمود طاهر، ايه الافترا ده انتم مين مفيش كده مفيش افترا كده جوز خالته اتفصل ابراهيم عبد الصمد و البنت بتبهدلوها، مين حمدي الصافي ده، كل ده علشان ابنها نزل الانتخابات، وعامل للبنت شرط جزائي 3 مليون، ادخل ياوزير الشباب لحل المهزله دي
الموضوع سهل النيابه هنعرف هل الخط بعد التوقيع ولا قبله، ولو كان بعد التوقيع العقوبه وفقا للقانون 3سنين سجن، ولو ثبت ان التوقيع بعد كتابه العقود البنت من حقكم، وامها تتشتم واعراض، لالا يا وزير الشباب انت فين؟، قاعدين نتفرج عليها هي وامها متبهدلين، طيب انا متحمل وانما بنت صغيره، انا معرفش انها جت للزمالك ولاوقعت لنا، علشان بيقولوا لازم ننتصر على مرتضى الموضوع بسيط النيابه تفصل، في بنت اسمها دعاء لاعبة الزمالك راحت الاهلي في ستين داهية  انتٍ وفؤاد عبد الباقي خالك، وعندها اخت في النادي قولتهم عاملوها كويس وضعوها فوق الرؤوس، شروق فؤاد قالت الزمالك  جري ورايا انت كدابة ، الكاميرات والمكالمات تشهد، بس قالولك مصيرك زي بنت هناء حمزة، فطلعتي البيان، هي مين علشان الزمالك يجري وراها.

واحد فى  الاتحاد الافريقي، اسمه فؤاد عبد السلام ،  كلم واحد ابو بنت من اللي وقعوا للزمالك، وقاله هتزعل بيبو، قولت لابو البنت تعالى اشتغل في الزمالك، انتم بتهددوا الناس، مالك يا ياسر ياقمر خايف من ايه من الضغوط اعمل الصح متخافش من زمالك او اهلي

ووجه حديثه لـ ممدوح عباس.... لوانت دكر تعالى الاستديو بكره وهات البلطجيه اللي بتمشي بيهم أنت ومحاميك تعالوا اقعدنا معنا، هتطلع مستند مستند، علشان احط المستند في عينك وأقول لكل مسئول ابنه شغال عند شركات عباس اتقوا ربنا بقى
، الحجز على أرصدة الزمالك تم لسببين عشان الفريق ميقدرش يعمل صفقات جديدة، وإثارة جماهير الزمالك على مجلس الإدارة.

وعن غرامة كهربا....... ده من مصر القديمة  وفضحي والمحكمه لمحت ان الاهلي هو اللي حرض كهربا و لو ثبتت الاهلي هينزل درجه تانيه عادي، فوق يا كهربا انت وابوك انت ضيعت نفسك ومعناه انك اعتزلت ، انا هحجز عليك وعلى املاكك حتى فانلتك الداخلية هاخدها، بنصح الاهلي من الناحية الاخلاقية ادفع فلوس كهربا ، انت قولت مش هدفع عشان الصفقات انا جبت 11 صفقه، حرام ادفع الفلوس ده شاب عنده 37  سنه ، انت بتكذب وبتقنع نغسك انك