مرتضى منصور يكشف راتب خوان كارلوس أوسوريو مع الزمالك ويؤكد طهرنا المدرجات من" العيال القبيضة ومفيش مجمدين وقضيتك معايا يا خطيب

10 ابريل 2023 الساعة 2:39 مساء

مرتضى منصور يكشف راتب خوان كارلوس أوسوريو مع الزمالك ويؤكد  طهرنا المدرجات من" العيال القبيضة ومفيش مجمدين
أكد المستشار  مرتضى منصور،  رئيس نادي الزمالك، أن إدارة النادي الأبيض وفرت كل العوامل التي ساهمت في فوز الزمالك الأخير على البنك الأهلي في بطولة الدوري المصري.
وقال مرتضى منصور ، في تصريحات تليفزيونية على قناة الزمالك مع محمد ساهر : "أهم ما وفرته الإدارة، تطهير المدرجات من الجماهير المحسوبة على الزمالك وهم في الأصل عيال قبيضة".
وتابع: "دي جماهير مدفوعة الأجر، مش هتشوف مدرجات الزمالك تاني، بالأدب وبالاحترام، لأنهم هتفوا ضد الزمالك واللاعبين، ولما غابوا فاز الزمالك".
وأردف مرتضى منصور، قائلاً: "مفيش ألتراس تاني، الظاهرة دي انتهت للأبد، الجماهير دي كانت فين في أزمة اتحاد الكرة، مروحوش اتحاد الكرة ليه عشان يدعموا الزمالك، أو في القضية اللي رفعناها عشان نقيد اللعيبة؟، لعيبة الزمالك كانت بترفض الاحتفال مع الجماهير دي، لكن دلوقتي هيرجعوا يحتفلوا تاني مع طرد القبيضة والمنتفعين، هي مجموعة لا تمثل جماهير نادي الزمالك الحقيقية".
وأشار مرتضى منصور،  إلى أن مشاركة اللاعبين الذين تم ادعاء تجميدهم أكبر رد على الإعلام، حيث قال: "ماتش البنك الأهلي درس للإعلام الفاسد اللي قال فيه 4 لاعبين مش هيلعبوا وشارك منهم 3 دونجا وفتوح والسيسي، والزناري كان مصاب، أحمد عبدالمقصود تعمد أن يخسر الزمالك بتغييراته، ومدحت عبدالهادي قلبه حديد".
وعن راتب مدرب الزمالك الجديد خوان كارلوس أورسوريو، قال مرتضى منصور أنه سيتقاضى مليون و500 ألف دولار، بدلاً من مليون و800 ألف دولار خلال 16 شهراً، بعد تخفيض المبلغ.
وقال رئيس الزمالك : "فيه ناس كانت بتقول إن مرتب أوسوريو ، 40 ألف دولار، ده يعقل مدرب دولي وكان ماسك منتخب المكسيك، ياخد الرقم ده؟ وكيل المدرب هو محمد الحبشي وهو نفسه وكيل جروس مدرب الزمالك السابق".
وعن فترة حبسه قال مرتضى منصور: "من يضحك أخيراً يضحك كثيراً، من قبل تنازلت عن قضايا ضد عبدالناصر زيدان وسما المصري والمحامي طارق جميل سعيد، هستفيد إيه من حبسهم؟، الخطيب استفاد إيه لما اتحبست، بينا كلام كتير وقضايا، معاك أنت وأسرتك ومش هسيبك".