رضا عبد العال ادو للأهلي الدوري والكأس وخلو بقية الأندية تلعب على كاس الرابطة علشان تستريحو .احمد سليمان مع قرار الزمالك فى الإعتذار عن السوبر ومنظومة التحكيم طول عمرها فاشلة في مصر ومفيش حد بيتحاسب

8 مايو 2023 الساعة 12:53 مساء

رضا عبد العال ادو للأهلي الدوري والكأس وخلو بقية الأندية تلعب على كاس الرابطة علشان تستريحو 

قال رضا عبدالعال نجم الزمالك والأهلي السابق  : انا مش هخاف من حد لو علي رقابتي  مؤكدا ان لقاء  السوبر بين الأهلي وبيراميدز  كان  مسرحية  مشيرا إلى أن الاهلي لا يستحق الفوز به.
 
وأضاف عبد العال الاهلي جايب الحكم علي مزاجة والماتش اتلعب من غير فار عشان الاهلي عاوز كده .
وقال هو لما لاعب يتوقف والقرار لم ينفذ ويحصل إتفاقات بين الأهلي واتحاد الكرة علي كده يبقي دي مش كورة... 




وقال عبد العال  -ملخص الحكاية ان بعد مالاهلي خسر اتنين دوري الدنيا اتقلبت والاعلام وكل المنظومة بقت تقول معاك يا اهلي عشان كده كل حاجة متظبطة الموسم ده ان الاهلي يكسب دوري وكاس وكل البطولات تعويض عن البطولات اللي خسرها السنتين اللي فاته.. 
واكد رضا عبد العال ؛ انا بقترح علي اتحاد الكرة قبل كل موسم يعلن ويقول للاندية الدوري والكاس دول بتوع الاهلي. كده كده الاهلي هيكسبهم بالحكام بااي طريقة.... وباقي اندية مصر عندها كاس الرابطة تنافس بعض بقا واللي يكسب يكسب  

احمد سليمان قرار الزمالك بالإعتذار عن السوبر صح من اجل كرامة الكيان 



اكد اللواء أحمد سليمان عضو مجلس إدارة نادي الزمالك السابق : قرار الإعتذار عن مباراة السوبر هو قرار جماهيري إستجابت له الإدارة وهو قرار صحيح أتفق عليه الجميع بعد كل الأخطاء التي حدثت من جانب إتحاد الكرة تجاه كيان عظيم زي الزمالك جماهيره بالملايين في كل مكان.

وقال سليمان :مصر حصل فيها ثورة مرتين وكل شيء فيها إتغير إلا الإعلام الرياضي هما نفس الناس اللي بتظهر على مدار سنين. 
مضيفا الإعلام الرياضي في مصر تحكمه المصالح والتوجهات وكل واحد بيشوف مصلحته مع مين، بنشوف إعلامي شهير بيدعم ناديه بكل وضوح وفاتح برنامجه لمصلحة ناديه وتصدير أزمات للمنافس مقابل بقى مصالح مقابل أبني بيلعب في النادي ده فتلاقي الإعلام الرياضي هو أحد أسباب تراجع الكرة المصرية، أنا اربعين سنة في الرياضة مشوفتش مسئول واحد أتحاسب رغم كل الكوارث اللي بنسمعها مفيش واحد بس إتحاسب.


واكد أحمد سليمان: مشكلة الرياضة في مصر هي غياب التخطيط والإدارة بشكل صحيح واحترافي وتطبيق اللوايح على الجميع لكن المسئولين عن الرياضة المصرية بيعملوا حساب للأهلي والزمالك أكتر من إهتمامهم بتطبيق القانون والتنظيم.
لو كنت موجود في المنتخب ولقيت الحراس الأجانب بقوا موجودين بكثرة في الأندية طلبت إيقاف الموضوع ومنح الفرصة للحراس المصريين عشان مصلحة المنتخب أولاً، لو كل مسئول بص للمصلحة العامة مش لمصلحة شخصية هنقدر نطور ونتقدم لكن ده هيحصل إمتى الله أعلم.



أحمد سليمان: منظومة التحكيم في مصر  فاشلة من ايام إلغاء جون حسن شحاتة 

اكد اللواء أحمد سليمان عضو مجلس إدارة نادي الزمالك السابق ، ان منظومة التحكيم في مصر أحد أهم أسباب المشاكل والأزمات، ولم يحدث أي تطوير رغم التعاقد مع خبير أجنبي. 
تطبيق العقوبات والمساواة بين كل الأندية أهم شرط للنجاح، لكن بنشوف لاعب واخد عقوبة من 4 شهور ولسه بيلعب ومحدش عارف العقوبة هتتنفذ إمتى يبقى من حق جمهور الزمالك يحس بالظلم. 
من زمان والتحكيم بيظلم وبشكل فج و صريح من أيام حسن شحاته وهدفه الملغي اللي تم إحتسابه تسلل وهو متغطي بـ8 متر، ثم واقعة قدري عبدالعظيم وحاجات كتير متراكمة خلال سنوات، جمهور الزمالك لا يدعي المظلومية ولكن في ظلم حقيقي وقع على النادي وطبيعي نطالب بحقنا وندافع عنه.