أحمد مرتضى منصور يكشف مفاجآت مدوية عن كوماندوز الزمالك وصفقات الطائرة والسلة الجديدة

9 مايو 2023 الساعة 4:13 مساء

 
أحمد مرتضى منصور يكشف مفاجآت مدوية عن كوماندوز الزمالك وفريق الطائرة والسلة


مهاب ممدوح
 
أكد أحمد مرتضى منصور المشرف العام على ألعاب الصالات بنادي الزمالك، أن فرق الطائرة واليد سوف تخوض البطولات الأفريقية رغم صعوبة الأمور المادية لاتي يعاني منها الفريق.

وقال أحمد مرتضى عبر قناة الزمالك: "إجتمعت بكابتن حمادة عبد الباري بعد مباراة السوبر وبكابتن أحمد الأحمر، وطلعنا التعهد مش ضربا فيهم لا، تأكيد انهم رجاله وانهم عاوزين يشاركوا في البطولة رغم الظروف"

أضاف: "كابتن حماده عبد الباري طلب مننا طلبات واعطيناه حرية الإنسحاب وقالنا الزمالك مبينسحبش"

وواصل أحمد مرتضى : "في اشاعه سخيفه اننا هنبيع عمر الفولي وهذا غير صحيح، مسئولي فريق اليد طلبوا طلبات محدده ممثلا في كابتن أحمد الأحمر او حماده عبدالباري وطلبوا يكملوا في البطوله والمستشار مرتضى كلمته وقال واثق فيهم وياما فرحونا وكانوا رجاله"

وتابع: "عاوز اقول للناس علشان الناس مش متذكره الزمالك اخد الدوري عدد 17 بطولة في اليد منذ بداية ولاية مرتضى في ، 2014 لما استلمنا النادي كان الزمالك بينزل درجه تانيه"

وعن ميلكا محترفة الطائرة كشف : "ميلكا محترفه الطائرة قالتلي ازاي النادي بيتحارب كده، وايه النادي الغريب ده، الرياضه بقت فلوس"

وتطرق عضو مجلس إدارة نادي الزمالك  للحديث عن فريق السلة قائلا: "بيقولوا جدد لمايو لاعب السله انتم عارفين بكام ده بـ15 مليون، ولا فاكرين انه 200 الف.
فريق الطائره بيستعد على قدم وساق علشان بطولة إفريقيا، ومكنش ينفع امنعهم يسافروا بعد الفوز بالبطولتين ودي اقل حاجه نقدمها لهم"

واختتم: "بنجدد تعاقد محمد مصطفى لعبة  وفي صفقة لألعاب الصالات هيتم الإنتهاء منها اليوم، الأهلي راح جاب علي زين بـ20 الف دولار ، انابموت نفسي علشان اجيب فلوس، الدعم في المنافس بمليارات واحنا مفيش دعم، اللعيبه بتعيط علشان تشارك في بطولة إفريقيا للطائرة وبالفعل هيسافروا، نثق في فريق اليد وسيتم تدارك الاخطاء الفنيه وبنحاول ننقذ الموسم ببطولة تانيه علشان فزنا ببطولة بدايه الموسم"