بوبو يفتح النار على فيوتشر. تغيير اسم فيوتشر قرعة. دوري المحترفين

22 اغسطس 2023 الساعة 1:33 مساء

 
بوبو يفتح النار على فيوتشر 
مهاب ممدوح



انتقد محمد رضا "بوبو" لاعب فريق الكرة الأول بنادي بيراميدز، أحد مسؤولي نادي فيوتشر الذي لعب له قبل انتقاله إلى بيراميدز بسبب المستحقات المتأخرة له لدى النادي قبل رحيله.

وأوضح محمد رضا بوبو عبر حسابه الرسمي على فيس بوك، حقه في الحصول على 4 ملايين و200 ألف جنيه كمستحقات متأخرة، مشددا على أنه تلقى وعدا باستلام تلك المستحقات فور إمضائه على الاستغناء الخاص به، ولكن هذا لم يحدث.

وكت بوبو عبر حسابه الرسمي على فيس بوك الآتي: "خلاص مبقيتش قادر اصبر اكتر من كده بصراحه حته لو العواقب كتير ولو هيحصل اي المهم اهدي النار الي جوايا شويه عشان اكون حته ارتحت من جوايا وكده كده ربنا موجود وهيجبلي حقي، انا كنت خلصت وجالي اتصال تعالا ضروري النادي عشان تمضي الاستغناء بتاعك عشان خلاص انت مشيت قولت حاضر وركبت عربيتى وطلعت علي النادي. الساعه 11 بليل الناس قبلتنى ف النادي وقالولي عامل اي يارضا عايزينك تمضي ورقتين ورقة مخالصة  والاستغناء  قولتلهم الاستغناء حاضر همضي مفيش مشكله امال اي الي يخليني امضي مخلصه وانا ليا4 مليون.   200 الف جنيه ف واحد لاداعي لذكر اسمه لانه ده ميعرفش ربنا طبعا قعد يكلمني ولازم تمضي ولازم تمضي اقوله ازاي  ياكابتن امضي مخالصة  وانا ليا فلوس قولت مش همضي ومشيت ومضيت علي الاستغناء جالي اتصال امضي وانت فلوسك عندي ومتقلقش امضي وانت وزملائك  الي ماشييين هنيجي ونسلم عليكم وتاخدو الشيك بالدولار زي باقي الفرقة ونشكركم اكيد يعني قال اه امضى بس اتفقت مع الاتنين الي كانو معايا عشان كنا متفقين اننا هنعمل كل حاجه بالإتفاق مع بعض فاقالو هنضمي كلنا ونروح التلات ناخد الفلوس مضينا علي الورقه ومكناش مدين اي خوانه لحاجه جه يوم التلات لقينا اللعيبه كلها صحبنا الي ف الفرقه طلعلهم فلوس وكل واحد شيك ماعدا  احنا التلاته والتلاته المعاريين الي مشيو من النادي اتصلت بالشخص ده قولتلوً الشيك بتاعنا امته قالي بليل ف ناس الصبح وف ناس بليل وانت بليل قولتلوً ماشي جه بليل كلمتو قالي الصبح فضلت علي الحال ده كل يوم يوم يقولنا التلات الجاي  ييجي التلات يقول الاسبوع الجاي ييجي الاسبوع الجاي يتقال بكرا كمان يومين علي الحال ده ف حد مشكور طبعا بدون ذكر اسمو قالي انا بحبك وانت اخويا الصغير  لو انت مفكر انك طلعلك فلوس يبقا بتحلم مصدقتيش وقولت لا اكيد الفلوس هتطلع الناس كلموني وقالولنا الفلوس عندنا وانا مصدقهم ومعايا بس من الواضح ان مفيش فلوس جايه ولا اي حاجه علي العموم حسبي الله ونعم الوكيل ف كل واحد اكل حقي وتعبي الي شقيت فيه سنتين تعبت وسفر هنا ولعبنا افريقيا وخدنا بطوله وطلعنا مركز رابع سنتين  يعني الحمدالله مقصرتيش ف حاجه بس فكرت ان حد ياكل حقك   ف دي صعبه عليا اوي وانا زعلان لان مشفتيش التقدير"

واختتم: "انا اتبعت انا وصحابي وحلينا ازمه للنادي برقم كبير يعني انا ممشيتش ببلاش ولا مكنتش بلعب ولا مكنتش مساهم ف ده كله عشان تاكل حقي بلطريقه دي انا عارف الكلام ده هيضايق ناس بس دي الحقيقة انا ليا حق وعلي حق وانا عمري ماكنت بخاف من اي حاجه.  بس اذاي بتعرف تنام تحط دماغك علي المخده وانت اكل حق وشقي واحد طلع عيونو عشان يجمع رقم ذي ده وانت عايز تاكلو عليه بكل سهوله كده انا مكلمتيش حد من الصحافييين صحابي والي اعرفهم انهم ينزل الكلام علي لساني انا حقي عند ربنا وربنا هيجبهولي اضعاف وانا متاكد لاني مقصرتيش ف حاجه وربنا يعلم كده انا من جوايا ارتحت"
 
تغيير اسم فيوتشر
فجر مصدر مفاجأة من العيار الثقيل فيما يتعلق بنادي فيوتشر ومصيره في الموسم المقبل.
وقال المصدر :"نادي فيوتشر حاليًا أصبح ملك لوليد دعبس وتم تغيير اسمه إلى مودرن فيوتشر".
وتابع :"وليد دعبس هو المالك الوحيد لنادي فيوتشر في الوقت الحالي على عكس ما كان عليه الأمر في الموسم الماضي من تواجد مجموعة من رجال الأعمال".
وأكمل :"دعبس عقد جلسة مع اللاعبين مع بداية فترة الاعداد لتوضيح خطة العمل للموسم الجديد وأكد على حل كل مشاكلهم المالية والوفاء بكل الالتزامات لهم".
ووقعت مشكلة في الموسم الماضي من تأخر حصول اللاعبين على مستحقاتهم المالية لفترة طويلة قبل أن يتم إنهاء الأمر قبل بداية الموسم الجديد ومنح اللاعبين كل مستحقاتهم.
 
قرعة دوري المحترفين
أقيمت اليوم مراسم سحب قرعة بطولة دوري القسم الثاني "المجموعة الاولى" والمعروف بدوري المحترفين.
واسفرت قرعة الجولة الأولى من البطولة عن المواجهات التالية:

راية X طنطا
وادي دجلة X المقاصة
السكة X لافيينا
النصر للتعدين X بترول اسيوط
بروكسي X القناة
بتروجيت X اسوان
النجوم X مكادي
دكرنس X المصرية للاتصالات
جمهورية شبين X غزل المحلة
حرس الحدود X ابو قير للاسمدة

وسبق القرعة إجراء قرعة علي ٣ ملاعب مشتركة بين ٦ اندية، لتفادي تسكين مباراتين علي نفس الملعب بالجولة ذاتها، وتمت تلك القرعة بين اندية راية وحرس الحدود، والاتصالات ووادي دجلة، واسوان والنصر للتعدين