ميدو يكشف سر تراجع مستوى الزمالك مع أوسوريو وسر سعادته بمعتمد وغيرته من صلاح ويؤكدا هذا اللاعب محتاج تغذية

11 نوفمبر 2023 الساعة 3:27 صباحا

 
ميدو يكشف سر تحول أوسوريو وسر سعادته بتعيين معتمد جمال والغيرة من محمد صلاح 
 
 
مهاب ممدوح
كشف أحمد حسام ميدو نجم الزمالك السابق كواليس انقلاب خوان كارلوس أوسوريو مدرب الزمالك وتحوله إلى مدرب ضعيف للغاية.
وقال ميدو في تصريحاته عبر قناة الزمالك:"أنا اللي جبت أوسوريو مع الإدارة السابقة عملت معاه 3 اجتماعات كل اجتماع ساعة ونص عن طريق الزووم سألته في كل حاجة أوسوريو أول لما جه عجبني اسلوب لعبه وقولت هنجيبله 3 لاعيبة يخدموا على اسلوب اللعب ده قبل أزمة إيقاف القيد"
وأضاف: "أوسوريو في الأول في شهر ونص كان بيعمل اجتماعات مع الجهاز الفني كل يوم ويجيب اللاعيبة 8 الصبح وكان مركز لحد ما فلوسه اتأخرت لحد هذه اللحظة أوسوريو تحول تماما وبقى مش مركز خالص"
وواصل مبدو :"سعيد جدا بتولي معتمد جمال المهمة الفنية للزمالك ، مشيرا إلى أن الفريق الابيض محتاج يكون بيعرف يدافع الفترة اللي جاية محتاج نص الملعب يحمي المدافعين اللي لازم يكونوا اجمد من كدة ومع حل أزمة القيد الفريق هيكون في حتة تانية"
وعن محمد صلاح نجم ليفربول قال ميدو :"كنت بقول لازم شخصيته تبقى قوية ويكون عنده كاريزما في الملعب من دافع النصيحة وليس الغيرة وسباليتي اللي دربني في روما أكد على كلامي وقال نفسي صلاح يبقى زي ميدو في الملعب يكون عنده شخصية صلاح دلوقتي عنده الشخصية القوية في الملعب ولما كنت بنصحه مكانش عنده الشخصية دي".
ميدو حسام عبد المجيد محتاج أخصائي تغذية وسعيد بقرارات مجلس الزمالك 
علق أحمد حسام ميدو على قرارات مجلس إدارة نادي الزمالك بشأن الثلاثي المتمرد. 

قال ميدو في تصريحاته عبر قناة الزمالك:"قرارات مجلس إدارة الزمالك الأخيرة بشأن الثلاثي الخاص بالفريق خلتني متفائل القرارات دي كانت بالنسبة لي مفترق طرق الناس دي يا تنجح من اول يوم يا تاخد وقت وبصراحة الناس خدت قرارات تاريخية النادي الكبير لازم يمشي بنظام الكبير قبل الصغير يمشي على النظام ده وده اللي حصل"
وعن حسام عبد المجيد قال:"محتاج أخصائي تغذية محتاج يهتم بأكله ولياقته والبدني بتاعه اكتر من كدة عشان يبقى مدافع أفضل"
وتطرق للحديث عن مصطفى محمد المحترف في نانت قائلا:"مكانه مارسيليا او الدوري الانجليزي مصطفى بيتطور فنيا جدا الفترة الأخيرة وسعيد بما يقدمه"