حمو بيكا يقصف جبهة محمد رمضان ويؤكد محدش بيفهم كلام وبجز

17 نوفمبر 2023 الساعة 10:26 مساء

حمو بيكا: محمد رمضان لو بدأ في الغناء مكنش هيتشاف وويجز مشرفنا بره وجوه مصر بس محدش بيفهم كلامه

كشف مؤدي المهرجانات حمو بيكا، رأيه في نوعية أغاني الفنان محمد رمضان، بجانب رأيه في أغاني الراب وويجز، مؤكدًا أن جميع المهرجانات الخاصه به ناجحة ونالت على إعجاب الكثير من الجمهور.
وقال محمد رمضان في حواره مع الإعلامية فرح شاهين، ببرنامجها يومنهم، المذاع عبر شاشة قناة هي، إن الفنان محمد رمضان ناجح فنيًا، مشيًرا أنه لو بدأ الفن بالغناء لم يحقق هذا النجاح الذي هو عليه اليوم.
وأوضح حمو بيكا: محمد رمضان له جمهوره الخاص ويتحط مع ويجز في النجاح، لو كان بدأ في الغناء مكنش اتشاف من قبل التمثيل لأنه خدمه، ومسحبش مننا البساط واحنا نجوم ولينا ناس وشعبية وجمهوره جمهورنا،
وتطرق حمو بيكا للحديث عن  رأيه في أغاني الراب ومطربه الشهير ويجز، إذ قال: أنا مبفهمش كلام الراب إزاي الناس هتفهمه، أنا اختارت أغني مهرجانات شعبية عشان بتحكي عن الواقع واللي بنمر بيه، وفي كلام جوانا كتير مبنعرفش نعبر عنه ف نعبر عنه بالمهرجانات، انا بحب الأغاني بشكل عام مش مهرجانات بس.

وأضاف حمو بيكا: ويجز حد محترم ومشرفنا برا مصر وجوه مصر، بس ممكن في ناس مبتفهمش لغة الراب وكلام ويجز مش مفهوم برضو، يعني الطفل اللي عنده 11 سنة حافظ أغاني المهرجانات كلها، وممكن يغني أجنبي أفضل يتفهم.
وأشار حمو بيكا إلى أنه طرح العديد من أغاني المهرجانات وحققت نجاحًا كبير، متابًعا: عندي أغاني كتير نجحت، 2600 أغنية، ولو أنا عملت أغنية مش حاببها همسحها مش هقدر أسمعها تاني، بس كل أغانيا ناجحة، وأكتر أغنية اتعرفت بيها رب الكون ميزنا بميزة.

برنامج يومينهم، هو برنامج اجتماعي لأول مرة في مصر والوطن العربي الذي تناقش فيه الإعلامية فرح شاهين الفرق بين الأجيال في العادات والتقاليد بشتى المجالات، وتستضيف خلاله الإعلامي عصام حلاوة ممثلًا عن جيل الثمانينات والتسعينات، والعديد من الفنانين ومشاهير المجتمع، ويعرض كل يوم جمعة في تمام السابعة مساء بتوقيت القاهرة على شاشة قناة هي.   
  

حمو بيكا يكشف إمكانية اعتزاله الغناء: هبقى بزنس مان.. وبنتي ممكن تغني مهرجانات
كشف مؤدي المهرجانات حمو بيكا، إمكانية اعتزاله الغناء، متحدثًا عن المهنة التي سيعمل فيها عقب الابتعاد عن الفن، بجانب حديثه عن ابنته تاج.
وأكد حمو بيكا في حواره مع الإعلامية فرح شاهين، ببرنامجها يومينهم، المذاع عبر شاشة قناة هي، أنه سعتزال الغناء في يومًا من الأيام، متابعًا: هيجي عليا وقت وأبطل غناء، ولما أبطل هدير الأستوديوهات بتاعتي، وهبقى بيزنس مان.
وعن نشأته، قال حمو بيكا: كنت حاطط أمل أن ربنا هيكرمني بشكل عام، طول عمري كنت راجل شقيان وكان عندي أمل أني هكون حاجة في يوم من الأيام، واشتغلت جزار ونجار ومافيش شغلانة مشتغلتهاش، ومكنش هدفي الأغاني اطلاقا، والدي اللي شجعني أغني وقالي أعمل أغنية زي زمايلك، وكانت من كلماتي وألحاني اسمها قشطة.
وأعرب حمو بيكا عن سعادته الكبيرة بقدوم أول مولود له تاج، مؤكدًا أنه لا يمنعها من غناء مهرجانات إذ أرادت: تاج اسم جديد وأنا أول اسم اسميه، ولو كبرت وطلبت تغني وتعمل مهرجانات، هي لما تحب حاجة لازم أعملهالها، نفسي أعمل لبنتي كل حاجة حلوة.

ووجهه حمو بيكا نصيحة للرجال في طريقة تعاملهم مع زوجاتهن، قائلًا: لو دلعتها وأنت فاضي أو تجبلها برفان ، الأهم الرجالة تتقي ربنا في مراتاتها وهما جنس ناعم وطيبين بس هما فراعنة بقى لكن بنضحك عليهم بكلمتين، ومش في كل الأوقات ملاك، اللي أنا بطلبه منها بتعمله واللي هي عايزاه مني بعمله وأنا مبسوط في حياتي.

Previous Next