عصام صاصا يرد على حمو بيكا ويقرأ القرآن على الهوا . مفاجآت فى الحلقة 12 من المداح بعودة زين من الموت وصابر المداح يواجه فتنة الأربعين

المداح 4 الحلقة 12.. حمادة هلال في مواجهة فتنة الـ40 يوما وعودة زين من الموت

تستمر أحداث مسلسل "المداح 4 - أسطورة العودة" في تصاعدها، حيث تنكشف المزيد من خيوط الصراع بين الخير والشر، ممثلة في صابر المداح (حمادة هلال) والدكتور سميح الجلاد (فتحي عبدالوهاب).
*مقام سيدي جعفر ورسالة غامضة*
في الحلقة الـ12، يصل صابر المداح إلى مقام سيدي جعفر في واحة سيوة، حيث يجد رسالة غامضة تحذره من فتنة الـ40 يوما، مشيرا إلى أنه من قادة الحرب ضد قادة الجن.
الهروب من الخطر
يحاول الدكتور سامح (أيمن طعمة) وزوجته هبة (هلا السعيد) الهروب من بطش الدكتور سميح وكاسيا (مي سليم)، لكن هبة تفضل البقاء إلى جانب صابر المداح، والإنصات لتعليمات ونصائح الدكتور سميح معتقدة أنه الوحيد القادر على حمايتهما.
ثم يواجه "الدكتور سامح" ضغوطا من كاسيا لتسجيل فيديو يظهر مرض زوجته النفسي، لكنه يقاوم هذه الضغوط.
*عودة زين إلى الحياة ومفاجأة جديدة*
يفاجئنا المسلسل بعودة زين (محمد عز) بعد نجاته من موت محقق على يد حسن سلام (خالد سرحان)، ليخبره بأن هناك أشخاص دبروا لقتله ولكنه نجا منهم. 
فيطلب الدكتور سميح من زين أن يستمر في إرعاب حسن وأنه عفريته، وعدم إخبار زوجته منال (دنيا عبدالعزيز) بأي شيء. 
*اختفاء غامض*
يقابل صابر المداح في المسجد "عم فاروق" الذي يبحث عن ابنه "سيد" المختفي منذ عام، يساعد صابر المداح "عم فاروق" في رحلة البحث عن ابنه، ليكتشف أنه محتجز في مكان مرعب.
ولكن يظهر تامر شلتوت لأم سيد ويخبرها أن لا تترك ابنها لهم، ويطلب منها قتل ابنها حتى لا يعثر عليه أحد بعدما منحها كيس أسود به ثعبان الكوبرا. 
*صراع جديد بين المداح والجن*
تنتهي الحلقة بوصول صابر المداح و"عم فاروق" إلى مكان احتجاز "سيد"، وينجح المداح في الدخول إلى المكان ويعثر على سيد ولكن فجأة تظهر أمه وتحاول قتله بالسكين بتحريض من "الجن موت" (حمزة العيلي) الذي ظهر بجانبها، لتبدأ أحداث معركة جديدة بين المداح والجن.

عصام صاصا يقرأ قرآن على الهواء لأول مرة: معرفش أن صوتي حلو غير من القرآن

 

عصام صاصا: معرفش ان صوتي حلو غير من  القرآن.. مكنش في نيتي أغنيعصام صاصا: معرفش ان يوتيوب بيكسب فلوس ومكنش في نيتي اتشهر
علق مطرب المهرجانات عصام صاصا على دخوله المجال الفني قائلًا: "اشتغلت على توك توك اكتر من سنتين، وبدأت انا وواحد صاحبي، ابتدى الحوار من 3 اعدادي، وصاحبي كان بيقعد مع موزعين، وحبوا يعملوا حاجة لأول مرة، فا قلت لهم تعالوا البيت عندي لانهم مش لاقيين مكان، ومعرفش ان صوتي حلو غير من  القرآن لكن مكنتش جربت اغني، قلت اقعد اتفرج مش انا اللي هغني يعني".
  وقال عصام صاصا، خلال استضافته ببرنامج "أسرار" مع الإعلامية أميرة بدر المذاع على قناة النهار: "دخلت اجرب، ومكنش ف دماغى انى هوصل، وكنت بنزل الاغاني بأسم عصام طه مكنتش ابقى صاصا لسه، وكنا احنا الاتنين بنعمل الاغاني و مفيش تالت يسمعنا، وصاحبي عبدة روقة سبب من أسباب اني ابقى عصام صاصا، والكلام ده من 7 سنين، ومكنش ف نيتي اصلا اني ابقى كده ومعرفش ان اول اغنية تنجح نزلت عاليوتيوب اصلا".  وأضاف صاصا قائلًا: "نقعد نحط الكوبليه في يوم، وفي خيالي كبيري 1000 واحد هيسمعني، لقيتها نزلت على تيك توك ايام ما كان اسمه ميوزكلي، وجابت ملايين واخري افتح الواتساب، وبعدها موقع مهرجانات تواصلوا معايا، ورحت قعدت معاهم، وقالولي هناخد منك الشغل وننزله على يوتيوب وتبقى بتاعتنا، ومكنتش اعرف انهم هيكسبوا فلوس من اليوتيوب ، معرفش انه بيجيب فلوس اصلا".
كما قدم مطرب المهرجانات عصام صاصا لأول مرة، القرآن بصوته على الهواء مباشرة، حيث قدم سورة الفاتحة.


برنامج "أسرار" تقدمه الإعلامية أميرة بدر على شاشة النهار يومياً خلال شهر رمضان، في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.

عصام صاصا: اكبر مشكلة بيني وبين حمو بيكا هي إدارة أعماله

عصام صاصا: صوتى حلو وراثة من امي

علق مطرب المهرجانات عصام صاصا على تصريحات حمو بيكا قائلًا: "وافقت على التنازل ومضيت عشان مكنتش مصدق نفسي، كنت 18 سنة، واغنيتي جابت 100 مليون، وكنت مازلت شغال على التوك توك زيي زي اي حد، وال 100 مليون مكنوش يعرفوا شكلي، ولا يعرفوا اني انا اللي بغني الاغنية دي،ومبعرفش اغنيتي نازلة امتى، لاني متأكد ان الناس اللي معايا شغالين صح، وأول فلوس ليا كانوا 1000 جنيه، وكنت بنزل الفرح ب 2000 جنيه، ووالدتي مكانتش معارضة ده، وصوتى حلو وراثة من امي". 
  وقال عصام صاصا، خلال استضافته ببرنامج "أسرار" مع الإعلامية أميرة بدر المذاع على قناة النهار: "حمو بيكا لو قال انه ساعدني يجتمع بيا ونشوف، ومفيش حد بينجح حد غير ربنا، وممكن يكون ربنا اختارني، اكبر مشكلة بيني وبين بيكا هي ادارة أعماله، وكان الناس تقولي ادارة اعمال بيكا نصاب وحرامي، ولما ساب بيكا جالي وبقى معايا، ومهما الناس تقولي عنه مكنتش بصدقهم، اول مرة اقابل بيكا كانت ساعة تسجيل أغنية رب الكون ميزنا بميزة، وقلتله وشي حلو عليك".  
وأضاف صاصا قائلًا: "اكتر مرة اتضايقت لما حد نزلني انا واخويا من عربية في مكان ما وامي قعدت تعيط، ومفيش حد وقف معايا غير امي ومفيش حد خيره عليا، وبعد والدتي ستي أم والدي، ولو الشخص ده طلب مني اي حاجة مش هعملها". 

برنامج "أسرار" تقدمه الإعلامية أميرة بدر على شاشة النهار يومياً خلال شهر رمضان، في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
https://fb.watch/qYkLZ4UFNH/