دونجا يكشف مفاوضاته مع الأهلي ويؤكد عاشور بيدور علي اللقطة والدوري بتاعنا ومينفعش حد يقلل من الزمالك

30 سبتمبر 2024 الساعة 7:02 صباحا

 
دونجا يكشف تفاصيل خناقته مع إمام عاشور ومفاوضاته مع الأهلي
كشف نبيل عماد  دونجا  نجم الزمالك، تفاصيل مشادته الأخيرة مع أمام عاشور، لاعب وسط النادي الأهلي، خلال مباراة الفريقين الأخيرة، ببطولة السوبر الأفريقي، والتي توج من خلالها الأبيض باللقب القاري.
وقال «دونجا» في برنامج الكورة مع فايق: «في ضربة جزاء الأهلي إمام عاشور جه يتكلم معايا، قولت إرجع إنت مش هتشوط لاقيته غلط في أهلي»


وأضاف دونجا: «وأنا مقبلش حد يغلط في أهلي، عشان كدا حصلت مشادة بيني وبينه».

دونجا: إمام عاشور بدأ بالإساءة لي.. و«جاي مخصوص يعمل لقطة»
وتابع: «أنا وإمام عاشور زمايل في الملعب عادي زي أي لاعيبة، ومافيش أي علاقة تربطنا، مش من الصح أنك تبقى مركز بس أنك تعمل لقطة، ما تركز في الملعب إنك تلعب كورة».
وزاد: «إمام جاي الماتش مركز في إنه ياخد اللقطة، ويتصور لما يجيب جون وينزل اللقطة على السوشيال ميديا ويكتب عليها كلام يعمل بيها تريند على السوشيال ميديا زي ما عمل في نهائي الكأس.. إحنا مش ممثلين إحنا لاعيبة كورة».
وأوضح: «أقسم أن إمام عاشور هو من بدأ الإساءة لي، ولم أتحدث معه بعد نهاية اللقاء».
وأتم: «أنا لسه كسبان الأهلي من شهرين عادي جدا إني أكسبه تاني حتى لو محدش استفزنا».


كشف نبيل عماد دونجا، لاعب وسط نادي الزمالك، تفاصيل مفاوضات النادي الأهلي معه خلال فترة سابقة، وبالتحديد أثناء تواجده في بيراميدز وقبل انتقاله لصفوف النادي الأبيض.
وقال «دونجا» مع إبراهيم فايق : «أمير توفيق كلمني للانضمام للأهلي.. وقلت له أتواصل مع بيراميدز ولكن كانت رغبتي في هذا التوقيت هي الانتقال إلى صفوف الزمالك فقط


وتابع «دونجا»: «رغبتي كانت لآخر وقت الزمالك فقط، وتنازلت عن مستحقات لي في بيراميدز قبل الانتقال للزمالك.. وأنا جئت للزمالك من أجل حصد البطولات».
وزاد: «لسة معملتش حاجه من إللي بفكر فيها خالص، ونفسي أحقق الدوري الموسم الجديد وحاسس أن الدوري هيكون من نصيبنا».


نبيل عماد دونجا، لاعب الزمالك، راية التحدي، بعد الفوز بلقب كأس السوبر الأفريقي، مؤكدًا أن الأبيض سينافس وبقوة على بطولة الدوري الموسم الجديد.
وقال دونجا في تصريحات عبر برنامج «الكورة مع فايق»: «إن شاء الله الدوري بتاعنا، وكل البطولات اللي احنا فيها، بس أنا نفسي في الدوري».
وأضاف: «ليه لا؟ فريق فيه كل النجوم دي، عبدالله السعيد وعمر جابر وسيف الجزيري وزيزو وشيكابالا وناصر ماهر، واللاعيبة الأجانب اللي جت، واللعيبة الصغيرة اللي معانا».
وقال دونجا بشأن التصريحات التي تم التقليل فيها من شأن نادي الزمالك: «الناس كانت بتقلل مننا أنا مش فاهم ليه؟! الزمالك نادي كبير حتى لو في كبوة، مينفعش حد يتكلم بالطريقة دي».

وأضاف عبر برنامج «الكورة مع فايق»: «لاعيبة الزمالك كبار. المفروض اللي يتكلم يحترم الزمالك واللعيبة اللي موجودة، الموضوع استفزنا، ومحدش بيعمل كدة خالص يعني».
وأكمل: «إزاي تفكر تطلع تقول كدة، الفريق كله لعيبة دولية، احنا طلعنا المعسكر وكنا بنتمرن جامد جدًا، واللعيبة كانت مضايقة لكن ردنا كان في الملعب».

كما تطرق دونجا عن استبعاده من معسكرات منتخب مصر، قائلًا: «وجهة نظر في الأول والآخر، معنديش مشكلة خالص، كنت بلعب مع كابتن حسام حسن في بيراميدز».
وتابع: «أنا بشتغل كورة بس ومش بعمل أي حاجة تانية، أنا بحترم وجهة النظر، كابتن حسام كابتني، ولو موجود هأدي 100% وأساعد الناس