تفاصيل خناقة أيمن عبد العزيز مع إكرامي قبل مباراة الزمالك وبيراميدز في السوبر المصري

19 اكتوبر 2024 الساعة 2:06 مساء

 
تفاصيل خناقة أيمن عبد العزيز مع إكرامي قبل مباراة الزمالك وبيراميدز في السوبر المصري 
 
شهد برنامج اللعيب الذى يقدمه مهيب عبد الهادي، على قناة mbc مصر مشادة كلامية بين أيمن عبد العزيز، نجم الزمالك السابق وإكرامى، حارس مرمى الأهلي السابق، وذلك بعد أن قال إكرامي تعليقا على توقعاته حول مباراتي الزمالك وبيراميدز في قبل نهائي بطولة كأس السوبر المصري، والأهلي أمام سيراميكا كليوباترا ،ان المفاجأة أن يفوز الزمالك على بيراميدز 
أيمن عبد العزيز، أظهر دهشته حيث لشعوره أن إكرامي يقلل من الزمالك صاحب التاريخ الكبير .
أيمن قال كابتن إكرامي بيقول لو الزمالك كسب بيراميدز هتكون  مفاجأة بطولة السوبر المصري طبعًا ده كلام مستفز جدًا ولكن أيمن عبد العزيز اعتباره هزار و رد بمنتهي المنطق أن الزمالك دائما كعبة عالي على بيراميدز وكسبهم قبل كدا بالناشئين وفي فرق كبير بين الزمالك وبيراميدز في التواريخ، طيب الموضوع خلص ع كدا طبعًا لا عشان يرد عليه كابتن إكرامي ما في فرق كبير في التاريخ بين الأهلي والزمالك وهنا كان لازم يرد علي كابتن أكرامي لأنه هنا في تقليل كبير من تاريخ نادي الزمالك لأنه لما بيقول أن الزمالك لو كسب بيراميدز هتكون مفاجأة السوبر اعتقد كان بيهزر و ولكن لما تتعمد ده وترجع تقول أن في فرق في التاريخ بين الأهلي و الزمالك فـ هنا أنت بتتعمد تقلل من نادي الزمالك وده مرفوض شكلاً وموضوعًا وعشان كدا لازم احيي أيمن عبد العزيز على رده عليه وأي زملكاوي كان موجود كان هيرد ع كلامه ده .
وجاءت تفاصيل المشادة الكلامية 
 
 
أيمن: الزمالك أعظم نادى فى العالم أنت زعلان ليه 
إكرامى: مين قال كده 
أيمن: إحنا قولنا كدة إحنا أحرار 
إكرامى: إحنا عندنا 4 فروع وأنتم فرع واحد
أيمن: ما فيه سوبر ماركت كتير عندهم 500 فرع يبقوا هما أحسن سوبر ماركت 
إكرامى: أنت بتشبه الأهلى بالسوبر ماركت 
أيمن: وإيه يعنى 
إكرامى: أنتم بتكدبوا الكدبة وبتصدقوها 
أيمن: الكدب ده عندكم أنتم من يوم ما إتنشأتوا  .