هل إنتصر الأهلي في مسلسل إمام عاشور الهابط ? بقلم موسى البطران
هل إنتصر الأهلي في مسلسل إمام عاشور الهابط ? بقلم موسى البطرانبصراحة كده اللي بنشوفه قدامنا في النادي الاهلي وحكايته مع امام عاشور تخطي حاجز المسلسلات الهابطة !! هو ايه اللي حصل ونهاية المسلسل ده ايه وياتري الاعتذار " المتفبرك " والمعد مسبقا هو اللي حيوصلنا لمشهد النهاية ويرجع امام عاشور علشان يلعب مع الاهلي في الدوحة بطولة الإنتر كونتننتال
المسلسل الهابط
لو عايز تعرف الحكاية قصدي المسلسل خليك معايا وانا حقولك القصة ايه جمهور الاهلي مش مستريح لأمام عاشور من فترة علشان حاجات كتيرة منها في الملعب وخارج الملعب .. الامر زاد بعد مياراة الاتحاد السكندري اللي ضيّع فيها امام عاشور ضربة الجزاء .. وكان طبيعي ان كولر يعمل حاجه فقرر انه يركن امام علي الدكة في مباراة أسيك الايفواري .. وده اللي زعل امام وكشف عن وجه الاخر زي مابيقولوا " خليها علي طبيعته " اللي شيط امام ان كولر طلب منه التسخين علشان ينزل في الشوط الثاني .. لكنه رجع في كلامه وديه وجعت. امام عاشور حبتين !وحصل بعدها اللي حصل .. حنكمل معاكم بقية المسلسل خناقة في أوضة اللبس مع الشناوي كابتن الفريق قول عليها زي ما تقول امام قال للشناوي متحبش اسمي وانت بتتكلم علي تجديد عقدك المهم كان القرار من محمد رمضان المدير الرياضي اللي معاه كل الاختصاصات والصلاحيات بتوقيع عقوبة المليون جنية زي ما بتكون العقوبة ديه بقت ماركة مسجلة ومش بس كده لا حرمانه من التدريب الجماعي مع الفريق ويدرب لوحده يعني زي ما تقول كده عزل إنفرادي يسكت امام علي كده علشان تهدي الأمور لا .. يشارك في استوري بسخر فيه من محمد رمضان مكتوب فيه انت كرهتنا في الشهر الكريم امام عاشور بعد ما الدنيا انقلبت عليه مسح الاستوري بعد خمسين دقيقة لكن بعد ايه وعلشان كده اتعمل معاه تحقيق في مكتب محمد رمضان ويتردد ان العقوبة تصل الي 350 الف جنيه ده غير المليون !! وبكده المسلسل يكون وصل للعقدة الدرامية ولازم المخرج يبحث عن حل للنهاية السعيدة ويلموا الحكاية اللي اثبت فيها الاهلي انتصاره للمبادئ والقيم التربوية .. قوم يعملوا ايه يكتب امام عاشور اعتذار علي شكل بيان ويقبلوا الاعتذار طبعا " همه اللي عاملينه " وبعدين يخففوا عقوبة المليون لنصف مليون زي ما حصل مع كهربا .. وترجع ريما لعادتها القديمة !!!!.
اقرأ أيضًا: بعد خناقته مع عاشور.كولر يذبح الشناوي. ثورة الأهلي بعد حضور إمام عاشور فرح ملكة جمال مصر
زيدان يكشف إمام عاشور يستعين بصديق من الزمالك بعد خناقته مع الشناوي وغرامة رضا سليم السرية
إمام عاشور يواصل إثارة الجدل بمنشور جديد ضد مدير الكرة بالأهلي
موضوعات ذات صلة
.jpg)
