موسي البطران يقصف جبهة شوبير ..حلال علي الأهلي .. حرام علي الزمالك !!

موسي البطران يقصف جبهة شوبير ..حلال علي الأهلي  .. حرام علي الزمالك !!

في مثل بيقول : اللي ما يشوفش من " الغربال" أعمي ! وفي ناس كده بعيد عنك .. يصابوا بحالة من " الارتكاريا"  والعمي "الحيسي "  لما بيشوفوا ان الزمالك بيحاول يدافع عن حقه  .. وبيعتبروا ده حالة من نظرية المؤامرة  والمظلومية اللي صدعونا بيها !

لما تشوف إعلامي أهلاوي  " حاشر نفسه" مع كل صغيرة وكبيرة في الزمالك " ويدس " انفه تحت غطاء  النصح والارشاد .. ويقولك : بصراحة كده انا  زهقت من نظرية المؤامرة اللي بنسمع عنها كل سنة، مش كل مرة يقل مستوى لاعب أو ناد نعلق السبب على التحكيم !

طب يا عم الواعظ والمرشد الجامد قوي مش تسال نفسك الاول وتفتكر  البيان الرسمي اللي اصدره النادي الاهلي اللي انت بتتكلم باسمه وحارس امين عليه  ..  واللي اصدره قبل ما يلعب الاهلي اي مباراة  في الدوري  واللي طالب فيه اتحاد الكرة بإسناد منظومة التحكيم إلى خبير أجنبي .. وقال ان البوادر التحكيمية لا تدعو للتفاؤل .. في إشارة واضحة منه لاعتراضه علي محمد عادل  حكم مباراة الزمالك والبنك الاهلي 

ياعزيزى :  بيان الزمالك لم  يدخل من قريب او بعيد في مجاملات وهدايا الحكام للاهلي هذا شانه ولكنه طالب بتحقيق عاجل وشفاف بالنسبة للاخطاء التحكيمية التى يتعرض لها  في مباريات الدوري وقد تكون ادارة الزماالك قد تاخرت كثيرا  في اصدارها لهذا البيان من اجل الحفاظ علي حقوها علي عكس بيان الاهلي الذى صدر دون ان يكون فريقه قد لعب اي مباراة !

الزمالك تعرض ومايزال لظلم تحكيمي فادح  كان آخرها من الحكم امين عمر حكم مباراة الزمالك وسيرميكا كليوباترا والذى ارتكب اخطاء فادحة متعمده اضرت بالفريق في مباراة سيراميكا 

واكد الزمالك في بيانه حرصه علي المنافسة الشريفة  والنزيهة وان مايحدث من اخطاء  متكررة  يهدد بارهاب الحكام  وخلط اوراق  لصالح اطراف اخري !

يا تري من الذى  تنطبق عليه نظرية المؤامرة  والمظلومية  ؟ وهل هو حلال علي الاهلي .. وحرام علي الزمالك ؟! .

شوبير يصدم الزمالك في الصفقة المنتظرةالزناري يواصل الغياب عن الزمالك أمام طلائع الجيش .. بوزيان يقود تدريبات بدنية وتأهيلية للاعبين وجروس يجتمع بعواد وتعليمات خاصة للثنائي