الجمعة ١٤ / فبراير / ٢٠٢٥
من نحن اتصل بنا سياسة الخصوصية

خالد طلعت يقصف جبهة جماهير الأهلى. بسبب أهداف زيزو وإمام عاشور الأفريقية ..زيزو يعادل رقم الثعلب العجوز

قصف الإعلامي خالد طلعت،  جبهة جماهير الأهلي، التى تعقد مقارنة ظالمة بين أهداف أحمد مصطفى زيزو، نجم الزمالك ولاعب الأهلي إمام عاشور،  عقب تسجيل الأخير، ثلاث أهداف فى لقاء فريقهم الأخير، أمام ستاد أبيدجان. 

جماهير الأهلي، بحسبة غير مفهومة قالت إن أهداف  إمام عاشور، الأفريقية، أكثر من أهداف زيزو ، فى دورى أبطال أفريقيا بعد تجاهل الأهداف التى سجلها نجم الزمالك ، فى بطولة كأس الكونفدرالية او حتى فى الأدوار الاولي بدوري أبطال أفريقيا. 

خالد طلعت يقصف جبهة جماهير الأهلى. عملو مقارنة "هبلة" بين أهداف زيزو وإمام عاشور الأفريقية 




فيه ناس أهلاوية عملوا مقارنة (هبلة) بين أهداف زيزو وأهداف امام عاشور الأفريقية ، بس عملوا ايه بقى عشان يظبطوا الاحصائية على مزاجهم


أول حاجة حسبوا اهداف زيزو في دوري الأبطال بس وشالوا كله أهدافه في الكونفيدرالية ، وده طبعا عشان هو معظم ماتشاته ومعظم أهدافه في الكونفيدرالية اللي الزمالك بيشارك فيها بقاله فترة


الحاجة التانية الأسوأ بقى شالوا كل الأهداف اللي زيزو سجلها في دوري الأبطال في دور الـ32 ودور الـ16 وحسبوا اهدافه من أول دور المجموعات بس ، عشان برضه معظم أهدافه في دور الـ32 والـ 16 عشان برضه الزمالك مشاركش كتير في مجموعات دوري الأبطال أخر كام سنة


الغريب بقى ان نفس الأهلاوية دول لما بيحسبوا أهداف الخطيب أو أبو تريكه أو حسين الشحات الأفريقية أو أي لاعب في الأهلي ويعملوا بيها أرقام واحصائيات وانجازات بيحطوا كل أهدافهم ويتفاخروا بيها سواء اللي سجلوها في دوري الأبطال أو في أبطال الكئوس أو في كاس الكونفيدرالية أو في كاس السوبر ، مبيشيلوش منهم أهداف البطولات التانية ، ولا بيشيلوا منهم أهداف دور الـ32 والـ16


يعني بتبقى الأهداف دي حلوة ومهمة ومحسوبة للاعيبة الأهلي بس بتبقى وحشة ومالهاش لازمة مع زيزو ونشيلها منه


ولما اخدوا لقب نادي القرن الافريقي كانوا مبسوطين ومقتنعين ان الكاف حسب نقاط أبطال الدوري زي أبطال الكؤوس وان مفيش فرق بينهم لكن مع أهداف زيزو بقى فيه فرق !!!


زي بالظبط لما يتعمل احصائية على أهداف زيزو يقولوا عنده أهداف كتيرة من ركلات جزاء المفروض متتحسبش ، لكن لما يعملوا احصائية لعلي معلول يحطوله كل الأهداف بما فيها ركلات الجزاء الكتيرة عادي وزي الفل


وقال طلعت : أنا هعملكوا احصائية ومقارنة بين أهداف زيزو الأفريقية وأهداف امام عاشور الأفريقية بس في بوست تاني بكرة باذن الله عشان تعرفوا الحقيقة وتعرفوا الفرق


واختتم طلعت حديثه الذى وجهه إلى جماهير الأهلي،  استقيموا يرحمكم الله.





زيزو يعادل  رقم الثعلب فى قائمة الهدافين التاريخيين 


تمكن أحمد سيد زيزو لاعب الفريق الأول لكرة القدم بنادي الزمالك من معادلة رقم الثعلب حمادة إمام أسطورة الزمالك الراحل، في قائمة الهدافين التاريخيين في تاريخ الملكي.


ونجح زيزو في التسجيل في فوز الزمالك على بلاك بولز الموزمبيقي بنتيجة 3/1، ليقود فريقه للتأهل لربع نهائي كأس الكونفدرالية الأفريقية.


وبذلك يصل زيزو للهدف الـ84 في مسيرته مع الأبيض ويعادل رقم الثعلب حمادة إمام ويصل للمركز السادس في قائمة الهدافين التاريخيين للقلعة البيضاء.



أحمد مصطفى زيزو Zizo Zizo يصبح سادس هدافي الزمالك على مدار التاريخ برصيد  84  هدف بالتساوي مع الثعلب حمادة إمام 


هدافي الزمالك طوال التاريخ :


١ عبد الحليم علي  134  هدف

٢ حسن شحاته 102 

٣ جمال عبد الحميد 97 

٤ علي خليل 94 

٥ علاء الحامولي 91 

٦ زيزو 84 

٧ حمادة إمام  84 

٨ جمال حمزه 74 

٩ شيكابالا 72 .





اخبار الزمالك اليوم: صدمة الموسم وكارثة في الزمالك وعودة أوباما .. زيزو في السعودية وشرط الجزيري وصدمة ناصر



بتألق شيكابالا وشلبي. . شاهد حسام أشرف وزيزو يقودا الزمالك للصدارة بفوز عريض على بلاك بولز



مفاجأة .. الزمالك يرحب ببيع زيزو ومحمد صلاح يتدخل لإتمام رحيل اللاعب

موضوعات ذات صلة