مانشستر سيتي يحسم صفقة عمر مرموش

أعلن الإعلامي فابريزيو رومانو، خبير الانتقالات في السوق الأوروبية، عن توقيع عمر مرموش المهاجم الدولي المصري ولاعب فريق آينتراخت فرانكفورت الألماني، لنادي مانشستر سيتي الإنجليزي لمدة 5 مواسم، بداية من انتقالات يناير الحالي.

مانشستر سيتي يحسم صفقة عمر مرموش 

فابريزيو رومانو كشف عبر حسابه الرسمي على منصة "إكس"، أن الاتفاق النهائي تم بين مانشستر سيتي وفرانكفورت، ومرموش وافق على اللعب تحت قيادة بيب جوارديولا.

انزعاج والدة عمر مرموش وخوفها على مستقبله

قال عمر مرموش نجم نادي فرانكفورت الألماني: "والدي كان تكنولوجي شغال في المصرية للاتصالات وأمي كانت شغالة في مدرسة".

وأضاف خلال لقاء خاص مع الفنانة إسعاد يونس بقناة "دي إم سي": "طول الوقت كان عندي مشكلة بسبب تزامن مواعيد التدريب مع دراستي، وده كان سبب انزعاج أمي لأنها كانت عايزاني أبقى حاجة كبيرة علميا، بس أخويا وأختي كانوا سند ليا وبيحموني في البيت وداعم ليا في ارتباطي بالكرة ورؤيتهم إني هبقى حاجة كبيرة في الكرة".

وتابع مرموش:"لما كنت باكسر حاجة في البيت بالكرة كان أخويا يروح لأمي ويعتذر لها ويقولها معلش ميقصدش، وكان هو الكوتش بتاعي أو مدربي في البيت وكان بيربط لي رباط الجزمة، وأختي كانت مسئولة عن التغذية ورعايتي، بصراحة أسرتي وقفت جنبي في كل المواقف".

ولفت: "بابا كان عايزنا نبقى متفوقين بس الأهم بالنسبة له إننا مبسوطين، بس كان بيقول لي روح المدرسة ومتروحش التمرين، بس لما كبرت فهمت أهمية إني أكون ملتزم في الدراسة لأنه عايز يأمني في حياتي المستقبلية، وأنا صغير بقى كنت بزعل إنه مش عايزني أروح التمرين بس لما كبرت فهمت وجهة نظره وحرصه على مستقبلي".