حازم إمام يعاتب عمرو أدهم ويرفض كلام أيمن عباس عن زيزو ولو جينا بدري كنا خلصنا بن شرقي
قال حازم إمام ، عضو لجنة الكرة بنادي الزمالك، عبر برنامج ملعب اون تايم سبورتس، أتمنى ان الصفقات التى ابرمها نادى الزمالك ، خلال فترة الإنتقالات الشتوية تبقى خير ان شاء الله على الفريق واعتقد الارقام جيدة جدا والأعمار كمان
حازم إمام ينتقد عمرو أدهم وأيمن ممدوح عباس ويؤكد لو كنا موجودين كنا هنتكلم على صفقة بن شرقي
واضاف الامبراطور ، الذى حل ضيفا مع سيف زاهر، على ملعب اون تايم سبورتس ، احنا تعبنا عليهم واشتغلنا عليهم وكان معانا محللين اداء وسألنا لعيبه الكرة اصحابنا
وقال نجم الزمالك السابق ، بشكر مجلس الإدارة احنا مش لجنة إحنا دورنا استشاري فقط وبشكر كابتن حسين وقعدت معاهم وعايز اشيد برامي نصوحي واحمد خالد حسانين هما اللي اشتغلوا في العقود وكلهم ساعدونا
وأشار الى ان اللواء احمد سليمان لو موجود كان هيساعدنا، إحنا مش جايين نضايق حد وكابتن احمد راجل محترم
وإكد إمام رد فعل الناس فاكره ان أعضاء مجلس الإدارة ، فى إشارة إلى احمد سليمان وحسين السيد، ضدنا وده محصلش مؤكدا كابتن حسين السيد ساعدنا
وأضاف واضح ان الاستاذ عمرو أدهم اتاثر بالكلام ان الناس ضدنا، هو منزل ليه الورق؟
أساله هو ليه نشر، وانا محبش ان العقد ده ينزل وكنا عاوزين الولد ده والصفقة فشلت للأسف
وقال حازم إمام : لازم اشكر عمرو الجنايني هو اللي كان حلقه التواصل بينا وبين اللي وفروا الفلوس، معنديش فكرة بالامور الماليه الموضوع المادي كان مع عمرو الجنايني وكابتن حسين لبيب
وكشف عضو لجنة الكرة بنادي الزمالك، كان في لاعب هنحط فيه 2 مليون دولار فكان لازم ناخد رأيهم والناس بتقول طالما معاكم الرقم مجبتش لاعب تاني ليه، الوقت كان ضيق، وان تأتي متأخرا افضل من الا تأتي
وتحدث حازم إمام عن تصريحات أيمن ممدوح عباس، المتعلقة بزبزو حيث قال
رأي أيمن ممدوح عباس في تجديد زيزو؟ أيمن عباس ده رأيه الشخصي عن زيزو لكن هو مش في النادي ولا يمثل الزمالك، وجهة نظره كده، هو شايف كده إحنا مش أصحاب قرار، والله اعلم ممكن استاذ ممدوح عباس نفسه مش رأيه كده، هو ماله نجدد أو لا
وقال حازم إمام : لو كنا موجودين كنا هنتكلم علشان نجيب بن شرقي؟ اللاعب حاليا في الاهلي ومينفعشي نتكلم عنه خلاص، لكن الوقت كان هيفرق معاك
وكشف حازم إمام ان تركيز لجنة الكرة كان على التعاقد مع لاعبين أجانب ، وذلك رد على حقيقة رغبة الزمالك فى التعاقد مع رمضان صبحى ومحمد شريف ، حيث اوضح كلام الوكلاء في الموضوع ده كتير اوي اوي
• عايز اقولك يا سيف ان في الاسبوع ده تواصل معايا فوق الف 1000 سي في من الوكلاء وكل شويه يتعرض علينا حاجات والموضوع صعب جدا .. وفي ناس زملكاويه بقى مش سمساره كانت بتحاول تساعد وترشح
اخبار الزمالك اليوم: مصير صفقة رمضان صبحي ورحيل جروس وصدمة فتوح .. 4 صفقات شتوية وغضب نجم الزمالك
محكمة استئناف مطروح تصدم أحمد فتوح لاعب الزمالك بقرار جديد .. اقرأ التفاصيل
موضوعات ذات صلة
