زيزو يزف بشرة خير لجماهير الزمالك عن تجديد عقده ويعلق على علاقته بجماهير الزمالك والأهلي

زف أحمد مصطفى زيزو، نجم الزمالك ، بشرة خير لجماهير الزمالك، عن تجديد تعاقده مع  الزمالك  خلال ظهوره برنامج صاحبة السعادة ، مع الإعلامية إسعاد يونس. 

زيزو علاقتى بجماهير الزمالك حالة خاصة وعن تجديد عقدى هنقعد ونتفق والاولوية للزمالك 

الفنانة إسعاد يونس وجهت سؤال لزيزو : مش هتقول طيب بعد نهاية الـ 6 شهور المتبقين من عقدك هتعمل إيه؟

زيزو قال  : هنقعد ونتفق والأولوية لنادي الزمالك لأني مدين لجمهور نادي الزمالك بالفضل وهو السبب الرئيسي في وجودي في النادي رغم الظروف الصعبة التي تحيط بنادي الزمالك من تغيير مجالس إدارات وعدم تلقى رواتبنا لمدة 6  أو 7  شهور.

وأضاف زيزو: عارف أن نادى الزمالك عنده أولويات شغال عليها وفي 7 لاعيبة عقودها بتخلص ولازم ياخدوا نفس أهمية تجديد زيزو وفي لعيبة بره الزمالك عقودها بتخلص محدش بيتكلم عليهم .

وقال زيزو : انا جي من البرتغال مكنش حد يعرفني ولا يعرف مين زيزو ، جيت الزمالك اتعرفت و بقيت مشهور و عايش احسن خمس سنين في حياتي داخل نادي  الزمالك  ، و انا مكمل عقدي مع نادي الزمالك و مبسوط هنا

قال زيزو: كان كل همي في التتويج بجائزة أفضل لاعب في أفريقيا أني اكون أول لاعب في تاريخ الزمالك يحصل عليها .. جمهور الزمالك عارف أنا بحبه قد أيه وهما بيحبوني اد ايه

 .

زيزو: جمهور الأهلي بيحبني لأني بحترمهم ومش بتاع حركات ومشفتش منهم حاجه وحشة.

واكد علاقتي بجمهور الزمالك حالة خاصة أنا عشت أجمل سنين حياتي في نادي الزمالك .