ميدو الأهلي بيحاول يخطف أربع لاعبين من الزمالك غير زيزو واحنا نقدر نضم لاعبين من عندهم بشيكات مفتوحة ..حازم إمام : زيزو أكد لى إنه ممضاش للأهلي
ميدو الأهلي بيحاول يخطف أربع لاعبين من الزمالك غير زيزو واحنا نقدر نضم لاعبين من عندهم بشيكات مفتوحة
كشف أحمد حسام ميدو، عضو لجنة التخطيط بنادي الزمالك، عن محاولات النادي الأهلي لضم نجم الفريق أحمد سيد «زيزو»، مؤكدًا أن مسؤولي الأهلي جلسوا مع والد زيزو، في محاولة لإقناعه بالانضمام إلى الأهلي ، إلا أن زيزو مستمر مع الزمالك ولن يرحل.
وقال ميدو خلال ظهوره عبر قناة «أون سبورت»: «الأهلي مش بس بيحاول مع زيزو، ده بيحاول مع 4 لاعبين ناشئين من الزمالك، ولكن إحنا موقفنا واضح، وعندنا شيكات مفتوحة نقدر نضم بيها أي لاعب من الأهلي، بس دي مش سياستنا».
وأضاف: «في لاعبين من الأهلي، أقسم بالله، طلبوا يقعدوا معايا علشان يجوا الزمالك، لكني رفضت، وقلت لهم إحنا مش عاوزينكم، لأن الزمالك لا يستخدم أساليب الضغط أو الإغراءات».
وشدد ميدو على أن الزمالك متمسك بسياسة المنافسة الشريفة، في الوقت الذي يواصل فيه الأهلي، السعي خلف عدد من نجوم الزمالك.
من جانبه حازم إمام ، عضو لجنه التخطيط في الزمالك عبر قناة أون سبورت
وقال إمام : زيزو زملكاوي جدآ وشخصية محترمه جدا هو مبسوط بفترته في الزمالك ومقدر اللي عمله نادي الزمالك والجمهور
اليومين اللي فاتوا لما اتكلمت معاه طمني جدا مش علشان فكره يكمل في الزمالك لا بتكلم دماغه عجبتني لانه بيفكر عموما
زيزو ممضاش في اي حته وانا متأكد من كده لانه لو مضى كان هيقولنا بكل سهوله أنا مضيت والموضوع خلص لان احنا ملناش حاجه عنده هو يحق ليه يمضي لأي نادي
اتوقع قصه زيزو دي هتحسم الاسبوع الجاي بشكل عام ومش لازم اقول القعده دي امتى بس قريب إن شاء الله
بحضور بيسيرو .لاعبي يعتدون على الحكم تعليق مثير من ميدو على تعادل الزمالك أمام سيلينتوش في الكونفدرالية
ميدو : الزمالك مش هيسيب حقه . ممدوح عباس يقصف جبهة الرابطة من أنتم؟ وكريم رمزى القرار ميتخدش الأ على
موضوعات ذات صلة
