نادر شوقى يحرر محضر ضد والد زيزو بسبب عمولة الأهلي. الصقر يتهم زيزو بسبب جلسة الخطيب وخداع الزمالك
نادر شوقى يحرر محضر رسمي ضد والد زيزو
كشف تقارير صحفية، أن نادر شوقى وكيل اللاعبين، والوسيط فى صفقة إنتقال أحمد مصطفى زيزو، إلى النادي الأهلي، قام بتحرير محضر رسمي، فى قسم الشرطة يتهم مصطفى سيد زيزو، والد زيزو لاعب الزمالك ، بالنصب لعدم منحه العمولة المتفق عليها فى إنتقال زيزو إلى النادي الأهلي .
وكشف التقارير الصحفية، أن إتفاق نادر شوقى، مع مصطفى سيد زيزو، على إنتقال زيزو، إلى النادي الأهلي، ان يتقاسما العمولة البالغة مليون دولار أمريكي ، لكن والد زيزو، طلب أن تكون عمولته 600 الف دولار، من أصل المليون دولار ثم زادت إلى 700 الف دولار .
وكشفت التقارير الصحفية، أن نادر شوقى ،اكتشف ان إدارة النادي الأهلي، قامت بصرف شيك ، بمليون دولار أمريكي، والذى حصل عليه والد زيزو.
الصقر يلوم زيزو ازاى تطلع تأشيرة أمريكا قبل ماتش مهم للزمالك وكان متفق مع الخطيب
وكشف أحمد حسن عبر برنامج الكابتن ، المذاع على قناة دي ام سي
موضوع إنتقال زيزو ،إلى النادي الأهلي تدخل فيه نادر شوقي في البداية لذهابه للنادي الأهلي وحصل كلام فيها
وأضاف الصقر أنا يوم 12 مارس عرفت أن في جلسة جمعت بين زيزو وكابتن محمود الخطيب في منزله بحكم قريبي من مكان السكن وقولت خلاص يبقى الزمالك مش هيجددله ورايح الأهلي
وأضاف أحمد حسن ، بعدها قابلت الاستاذ عمرو الجنايني وبسأله على زيزو .. قالي زيزو مستمر في الزمالك ومفيش اي حاجة واستغربت مشيرا لان اللي عرفته أن زيزو في الجلسه دي مع الخطيب وقع ووالده قبض فلوس وصرفها كمان .. فازاي يا زيزو تطلع تقول للزمالك انك عايز تكمل
وقال الصقر أنا لومي في القصة على زيزو لو انت خدت قرار انك مش هتستمر في الزمالك ورايح الأهلي كان لازم تقول للناس اللي احترمتك وبتتواصل معاك زي الاستاذ عمرو الجنايني
وأضاف حسن ، مشكلة زيزو أنه لم يقول الحقيقة وانكر مفاوضات الأهلي أو أنه وقع ليهم وقال إنه متمسك بالزمالك وفي نفس الوقت مقعدشي مع المسؤولين هناك علشان يجدد لانه اصلا موقع للأهلي
وأكد بلوم برضو زيزو في حاجه تانية وهي فكره انك تروح تطلع تأشيرة امريكا قبل مباراة مهمة لفريقك الحالي الزمالك اللي انت لسه على ذمته وانت مصر تنكر وتقول أنا موقعتش وانت مخلص كل حاجه مع الأهلي
عتابي زي ما قولت أن مفيش صراحة من اللاعب واضحه وده سبب حزن الأستاذ عمرو الجنايني والناس في الزمالك والجمهور.
والد زيزو يرد على أكاذيب المواقع التابعة للأهلي ويقول الموضوع بقى بايخ
موضوعات ذات صلة
