ملخص تصريحات أحمد فتوح وقصف جبهة زيزو وعاشور وقصة دفع الدية وتعليقه على مفاوضاته مع الأهلي
علق أحمد فتوح ظهير أيسر فريق الزمالك، على أزمة زميله أحمد مصطفى زيزو ورفضه التجديد للقلعة البيضاء، مفضلا الرحيل بنهاية الموسم الحالي وخوض تجربة جديدة.
ملخص تصريحات أحمد فتوح وقصف جبهة زيزو وعاشور
كتب مهاب ممدوح
وقال فتوح في تصريحات تليفزيونية اليوم السبت: "زيزو اختار مصلحته وطبيعي جماهير الزمالك تشوفه بايع النادي وخاين للفريق".
وتابع: "نادي الزمالك فيه فلوس أكبر بكتير من تجديد عقد زيزو، وأنا مظنش في يوم إني هبقى مكان زيزو، لأن النادي اشتراني وكل الناس وقفت معايا وقت أزمتي الأخيرة".
وعن أزمته الأخيرة تحدث قائلا: "كان في واحد صاحبي موقفش معايا وللأسف كمان شمت فيا وعمري ما هكلمه تاني لأني ساعدته كتير في نادي الزمالك ووقفت جنبه وهو في أصعب موقف ليا".
وأردف: "الناس في الزمالك وقفت معايا وأصحابي في السلام والحج سمير أنا بعتبره خالي لكن هو مش قريبي".
وأتم قائلا: "موضوع الحادثة الأخيرة تعبني نفسيا جدا ومفيش رجل أعمال تدخل في القصة ولا حد دفع لأن دي غلطتي أنا، ومجلس الزمالك ملوش علاقه علشان يدفع مكاني لأنها مشكلتي أنا".
أحمد فتوح عبر قناة ام بي سي : موضوع الحادثة تعبنى نفسيا وبطلت اسهر وواحد من زمايلى فى الزمالك كان "شمتان فيا "
_ موضوع الحادثه الأخيرة تعبني نفسياً جدا وأكثر حاجه تعبتني عم اولاد المتوفي
_ عم أولاد المتوفي تعبنا وكان كل شوية نتفاوض معاه والحج سمير كل شوية يروحله اسكندريه وانا كنت هدفع أكثر من الدية اكيد مش مبلغ الدية بس
_هو طلب 25 مليون جنيه وقولنا ليه لا صعب جدا ربنا كبير ولما خدت إخلاء سبيل الأمور هديت وحصل تفاوض ودفعت رقم كبير 12 مليون جنيه
_مفيش رجل اعمال تدخل لا في القصة ولا حد دفع لان دي غلطتي أنا ومجلس إدارة الزمالك ملوش علاقه علشان يدفع مكاني لأنها مشكلتي أنا
_كان في واحد صاحبي موقفشي معايا وللاسف كمان شمت فيا وللاسف عمري ما هكلمه تاني لاني ساعدته كتير في النادي ووقفت جنبه وهو في أصعب موقف ليا مشوفتش منه حاجه
_الناس في الزمالك كلها وقفت معايا واصحابي في السلام والحج سمير أنا بعتبره خالي لكن هو مش قريبي
رحيل زيزو للأهلي؟
= ده قراره أنا مليش دعوه..
_ زعلت طبعا أنه مشي من الزمالك وراح الأهلي اكيد
_ أنا بقالي سنتين بعيد شويه عن زيزو ومعرفشي تفكيره إزاي
_ الجماهير من حبهم لزيزو وهو راح الأهلي فشايفينه خاين وده طبيعي .. لكن أنا لاعب كورة مينفعشي اقول عليه خاين
_أنا مش في مكان زيزو وكل الناس اللي قالت إني رايح الأهلي.. في الاخر الكلام ده محصلشي
_مظنش اني اروح الأهلي خالص وانا حابب اكمل في الزمالك
_ مجددوش لزيزو علشان مفيش فلوس في الزمالك؟ لا في فلوس في الزمالك تكفي اي حد والقصه كانت في المفاوضات واظن أنه كان ماضي اصلا
_أنا مكلمتش زيزو خالص والله ولا سألته اصلا
_ شالوا صورة زيزو؟ هما احرار أنا مليش علاقه ومكنتش اعرف ان في صور متعلقه اصلا هناك
_ جالي عروض فعلا من أوروبا كتير ولكن الزمالك رفض كل العروض دي لحد ما زهقت بقى خلاص ومبقتش افكر في الموضوع
مين اللعيبة اللي احب العب معاهم؟
= رمضان صبحي
مين اللاعب اللي تتمنى يجي من الأهلي للزمالك؟
= بحب محمد عبدالمنعم
رأيك لو محمد شريف جيه الزمالك؟
= لاعب كويس جدا ولعبت معاه في منتخب مصر
هل اوضه لبس الزمالك فيها مشاكل؟
= والله العظيم عمرها ما كان فيها مشاكل خالص ومعرفشي الاخبار دي بتطلع منين
أنت بتاع مشاكل؟
= للاسف أنا عصبي جدا وممكن ده بعملي مشاكل وبحاول ابقى هادي لكن مبعرفشي .. لكن بعد المشكلة الأخيرة ليا بقيت هادي الحمدلله
_ أنا بحب شيكابالا وأكثر لاعب بقدره في الفريق
نكشف موقف فتوح من المشاركة مع الزمالك أمام ستيلينبوش الجنوب أفريقي
بيسيرو يكشف موقف فتوح ومنسي قبل لقاء سيراميكا كليوباترا ويعلق على تألق زيزو والجزيري مع مصر وتونس
موضوعات ذات صلة
