ترند مصر اليوم..شهود عيان تروى تفاصيل مصرع روان ناصر طالبة كلية علوم الزقازيق

روان ناصر طالبة كلية علوم الزقازيق 

شهود عيان تروى تفاصيل مصرع  روان ناصر طالبة كلية علوم  الزقازيق 

شهدت كلية العلوم جامعة الشرقية فى الزقازيق، حادث مروع أسفر عن مصرع الطالبة روان ناصر، اثر سقوطها من الطابق الخامس وذلك يوم ظهر يوم الإحد وهو ما كشف تفاصيله شهود العيان من طلاب الكلية اللذين تواجدو وقت الحادث وتم تداوله عبر مواقع التواصل الاجتماعي، ويكشف الحالة السلبية لمسؤولي كلية العلوم، جامعة الشرقية والمسعفين اللذين تكاسلو فى إنقاذ الطالبة روان ناصر، حيث كانت تلفظ أنفاسها الأخيرة وهى فى بركة من الدماء بعد ارتطام رأسها فى الأرض 

               روان ناصر 

تفاصيل الحادث  

اليوم :

يوم 2025/5/4

الوقت : تقريبا حوالي الساعه 1:40 لحد الساعه 4

المكان : كليه علوم الزقازيق  مبني رياضة  

الشباب خلال تواجدهم  في القاعات اللي بيمتحن واللي بياخد محاضراته يسمعوا صوت خبطة  جامدة 

ولما الشباب تطلع تلاقي طالبة  واقعة  من دور عالي من علي السلم تقريبا الدور الخامس  علي دماغها وسايحه في دمها 

الناس بتتجمع الصوت بيعلي كل بيسال في اي اي الصوت ده ويبدوا يقربوا يلاقوا بركة دم وجنبه جثة طالبة  

الصوت بيعلي أكتر والناس بتتجمع اكتر وكله بيقول حد يكلم الاسعاف 

ووسط ما الناس بتتفرج علي المنظر منتظرين حد مسؤول يجي  ينزل بعض الشباب علي الأرض يشوفوا  هل في نبض ومش عارفين يحددوا في نبض ضعيف فعلا ولا هما اللي بيتمنوا تكون عايشه ويصرخوا بعلوا صوتهم اتصلوا بالاسعاف بسرعه يمكن نحلقها 

والمسؤولين جاءو  والشباب شاهدة  مين حاول يساعد ومين وقف يتفرج زي زي الطلبة  

وجت السيده المحترمة  المسؤوليه عن الإسعافات الأولية ونلاقيها منهارة  من العياط ومش عارف تعمل حاجه

وينزل تاني الشباب يحالوا بكل الطرق ينعشوا عضله القلب بكل الطرق الممكنه يمكن يمكن ربنا يمد في عمرها لحد ما الاسعاف تيجي 

الوقت بيعدي الشباب بتصرخ ارجوكم اتصلوا بالاسعاف بسرعه والمسؤولين تاتي فيهم اللي قال برن وفي اللي بيتفرج

وها بعد ما ممر حوالي 20-25 دقيقة من السقوط  

نسمع أخيرا ان الاسعاف جه والشباب بتوسع لأن اخيرا حاجة  حصلت في مصلحة  البنت 

ونلاقي المسعف نازل "بيتدلع"  وحاطط ايده في وسطه ومش هامه روح البنت ومتحركش  

لدرجه ان احد الشباب بقا واقف وراه بيزقوا علشان يجري يلحق البنت 

و شباب تسمع بيقول أعمل اي مهي كده كده ميته 

وللعلم هو مكنش حتي شاف الطالبة 

اه صحيح نسيت اقولكم قبل ما المسعف يجيي نلاقي نقاله الاسعاف جايه بدون المسعف اه صدقني زي ما بقولك كده النقاله جت قبل ما المسعف يدخل اصلا و مش عارفين ازاي هنشيل البنت لأن مينفعش نشلها ممكن تتشال شيله غلط ونبص للمسؤولين ها اي العمل 

وإذ نلاقي الاجابه انزلوا شلوها انتوا وينزل الشباب يشلوها ومعاهم دكتور يشليوا البنت ويحطولها علي النقالة  وهنا المسعف شرف أخيرا ولما لاقي ناس كتير بدأ يجري أخيرا وكان الجري هنا لقطة  مش واجب عليه

وخلاص البنت اتحطت في سيارة الإسعاف والباب مقفلش حتي ونلاقي العربيه تجري لأنهم ادركوا أخيرا انهم اتاخروا وإذ العربية  تاكل مطب كافيل يموت البنت أساسا والشباب تطلع جري علي مستشفي الجامعة  علشان لو احتاجوا تبرع بالدم ونتفاجاه من الشباب اللي راحت المستشفى بيقولوا ان البنت لسه مدخلتش المستشفى لي يعم أصل مفيش ممثل للكليه معاها! نتكلم ونصرخ يعني يقولك المسؤول رايح ان في الطريق 

راح المسؤول نكتشف ان المستشفى طالبة  هوية  البنت 

فين يا جماعه الهوية بتاعت الطالبة روان ناصر  وبرده المسؤولين ولا هما هنا الاقلة  قليلة 

فين وفين شباب تطير بالموتسيكل للمستشفي تروح تودي الهوية 

وفي وسط العك اللي بيحصل من المسؤولين نفاجاه بان شباب اتحاد الكليه بيمسحوا دم الطالبه من علي الارض ودي في حد ذاتها جريمه لانك مده بتدمر مسرح الواقعه انتا دلوقتي ضعيت اثباتات البنت دي ماتت ازاي و لو اللي حصل ده  لصالح مين 

ولك ان تتخيل ان والبنت واقعه علي الارض حوالي 25 دقيقة نسمع كلام من المسؤولين 

"سبوها سبوها باين عليها انتحرت"

"اعملكم اي رنوا علي الاسعاف"

" طب شلوها انتوا  "

"وهي  اي اللي طلعها الخامس"

" عادي يا شباب مش اول مره تحصل "

وأقسم بالله قسم اتحاسب عليه أمام ربنا اني شفت عميد  الكلية  بيضحك بعد الحادثة  ويحلف أنه ده محصلش

فاحب اقولك أن بعد شويه هيقولك

1- البنت دي انتحرت 

وانا شخص كنت علي تواصل معاها بخصوص مواد بتاخدها بقولك لا البنت كانت فرحانه انها فاضلها شهر وتتخرج 

شهر وتلبس بالطول التخرج

شهر وتفرح أهلها انها كبرت خلاص

2-البنت ماتت من الواقعه ومهما عملنا كانت هتموت 

خلاص خلاص بقيتوا كلكم دكاتره في الطب الشرعي خلاص؟ وانتا اي عرفكم كانت ماتت ولا لا 

يعني بتداري تقصيرك بالقرف ده بتداري انك معملتش اللي عليك بده؟

3-البنت كانت بتتكلم في التليفون ووقعت 

الله واعلم بنيتهم هنا بس مش فاهم اي الرابط بين كلامها في التليفون والوقوع غير اللي بيقول كده معندوش اخلاق

شهادة جديدة تروى تفاصيل مصرع روان ناصر 

وفاة طالبة كلية علوم الزقازيق 

من كام ساعة فيه بنت في كلية علوم الزقازيق وقعت من الدور الخامس حيث لقت مصرعها .

الدنيا مقلوبة في الزقازيق والبلد كلها بتتكلم عنها.

طيب إيه الحكاية؟

في كلية علوم الزقازيق، بنت اسمها (روان ناصر)، فجأة بتقع من الدور الخامس بشكل مرعب قدام الطلاب.

البنت دمها كله بيتصفى، وبتفضل نص ساعة بتصارع الم.وت.

الكلية اتقلبت وحصلت حالة هلع.

الكارثة مش في كدا، الكارثة إن كلية علوم جنب كلية طب تقريبًا بينهم كيلو يعني دقيقتين بأي عربية، البنت فضلت حوالي نصف  ساعة على الأرض بتطلع في الروح لحد ما الإسعاف جت خدتها وهي خلاص روحها بتطلع.

فيه دكتور اقترح ياخدها كلية الطب بعربيته ولكن المسئولين هناك رفضوا إن حد يلمسها.

الطلاب هناك بيقولوا إن المسئولين في الكلية كانوا بيتعاملوا مع الموضوع بمنتهى البرود وعدم المسئولية وسابوا البنت تمــوت قدام عين زمايلها.

ولما حد كان بيصور كانوا بياخدوا تليفونه والكارنية بتاعه.

الطلاب بيقولوا إن الإسعاف لما وصل تعاملوا مع الموضوع بمنتهى البرود وعدم المهنية وكانوا بيتحركوا ببطء شديد.

كمان لما البنت وصلت المستشفى رفضوا إن حد يدخل معاها علشان الطلاب زمايلها مكنش معاهم إثبات شخصية.

ماحدش عارف لحد دلوقتي البنت وقعت ازاي، ومافيش لسه أي تحقيق اتفتح علشان نعرف إذا كانت جـ ـريمة بفعل فاعل ولا لا.

المصيبة الأكبر إن الكلية مفيهاش كاميرات، يعني علشان تعرف الجاني وتحقق في الواقعة وتتأكد إذا كانت جريمة أو لا، هنرجع لعصر ما قبل التكنولوجيا علشان نثبت مين القـ ـاتل ويتفتح تحقيق يقعد شهور وممكن تتأيد في النهاية ضد مجهول أو انتحار أو تعثر أدى لسقوط.

الله أعلم البنت وقعت ازاي خصوصًا إن ماحدش شافها وهي بتقع.

ولكن بنناشد الحكومة المصرية في فتح تحقيق عاجل ومحاسبة كل من تخازل في حق البنت.

-