أمير هشام يكشف كواليس تدخل صندوق التمويل الأهلي لرعاية النشأ والشباب فى عقد زيزو ودور وزارة الشباب والرياضة واتحاد الكرة

كتب محمد حسين

كشف الإعلامي أمير هشام ،بقناة النهار كواليس  ما تردد عن تدخل جهات رقابية،  للإستفسار عن عقد أحمد زيزو،  مع النادي الأهلي، .

أمير هشام يكشف كواليس تدخل صندوق التمويل الأهلي لرعاية النشأ والشباب فى عقد زيزو  ودور وزارة الشباب والرياضة واتحاد الكرة 

هشام قال برنامجه المذاع على قناة النهار  انتشر كلام إن في هناك  جهات رقابية ترغب في التحقق من  عقد أحمد زيزو مع النادي الأهلي

وأضاف هشام ، نا عندي رد من الاتحاد المصري لكرة القدم، وماحدث  بالتفصيل من خلال وزارة الشباب والرياضة

وأوضح  ما حدث داخل وزارة الشباب والرياضة بكل تفصيلة  أن  صندوق التمويل الأهلي لرعاية النشأ والشباب، بوزارة الشباب والرياضة، اللي بيحصل إيه؟ الصندوق ده بيتجمع فيه الفلوس إزاي؟ من خلال الحصول  نسب من عقود اللاعبين مع أنديتهم في الدوري المصري الممتاز

مشيرا إلى أن النسبة بتبقى كام في المية لكل لاعب؟ 2%

واضاف النهاردة  الظهر، اتفاجأ بعض الموظفين في وزارة الشباب والرياضة بإن اتحاد الكرة بيحول مبلغ وقيمته 200 ألف جنيه،  تحت بند إن يا جماعة ده دي نسبة الـ 2% من عقد أحمد مصطفى زيزو مع النادي الأهلي

 فطبعًا أنتم عارفين الكلام الكتير اللي طلع على الأرقام الكبيرة اللي ممكن يكون زيزو عشانها راح النادي الأهلي أو خدها من خلال النادي الأهلي، فالبعض داخل وزارة الشباب والرياضة قال لك إيه؟ 200 ألف جنيه ونسبة 2%، ده إزاي؟ يعني زيزو كده بياخد كام؟ لقوا إن عقد اللاعب مع النادي الأهلي 10 مليون جنيه

 وطبعًا ذلك  بالنسبة ، للمسؤولين إنه أمر غير منطقي ويعني ايه زيزو مع النادي الأهلي بياخد 10 مليون جنيه، ده كلام بالنسبة للوزارة كلام مش منطقي بالنسبة لهم نظرًا لقيمة زيزو الفنية ونظرًا للضجة الكبيرة اللي حصلت حوالين الصفقة

 وكشف ان المسؤولين أجرو إتصال  هاتفيًا بالاتحاد المصري لكرة القدم قالوا لهم يا جماعة أنتم ارسلتم  النسبة خطأ  ولا في إيه القصة؟ ولا دي حاجة بتاعة عقد لاعب تاني غير زيزو ولا القصة ماشية إزاي؟ فموظفي الاتحاد المصري لكرة القدم بلغوا الوزارة قالوا لهم لا يا جماعة دي قيمة العقد بالظبط بتاعة زيزو ودي بنسبة بتاعة الـ 2% طبقًا للمكتوب في العقد، 

وأكد أمير هشام ان الوزارة طلبت من الاتحاد ، صورة العقد الخاص بين النادي الأهلي وأحمد زيزو.

 مضيفا أن الجبلاية ارسلت ،  صورة العقد لوزارة الشباب والرياضة ..فوجدوا  إن العقد قيمته  بـ 10 مليون جنيه

فبالتالي الوزارة اقتنعت بعد الإطلاع على صورة العقد  وإن هي 10 مليون جنيه، فبذلك تكون  النسبة المئوية اللي هي 2% يبقى تساوي 200 ألف جنيه، 

 وأمال الدنيا قامت ليه؟ كل ما في الأمر أن طبقًا لمعلوماتنا أن الدكتور أشرف صبحي، أبلغ بعض المقربين منه من الإعلاميين والصحفيين، أبلغ بحسن نية ربما، بتعمد أو لا الله أعلم، إحنا برضه بنطرح تساؤل، بنطرح تساؤل، فأبلغ بعض المقربين منه ومن هنا الموضوع انتشر بشكل كبير لحد ساعات قبل بداية الحلقة .. دي حقيقة الأمر تمامًا بالظبط طبقًا لمعلوماتنا إحنا ومصادرنا

أما من جانب الاتحاد المصري لكرة القدم، فروحنا تواصلنا مع الأستاذ المحترم حمادة الشربيني اللي  قال ليس لنا علاقة بالكلام المنتشر، وهو أولًا عارٍ تمامًا من الصحة وغير صحيح

وواصل أن الجهات الرقابية لم تحقق مع الاتحاد المصري لكرة القدم أو لم تطلب الاطلاع على العقود الخاصة بين النادي واللاعب

 وأضاف هناك  نقطة مهمة إنه لا يمكن الإفصاح عن قيمة عقد اللاعب ولكنه مسجل بأكثر من المبلغ المنتشر

 وقال الضرائب تقع على الأندية ولسنا طرف أو لدينا مصلحة للتلاعب بالعقود وقال لك إيه كمان؟ قد يكون انتقال اللاعب للأهلي مادة دسمة لتناقلها بين الساعة والأخرى، ولكن ما يتم تداوله غير صحيح

 وده كان كلام الوزارة لان المبلغ المنتشر أصلًا غير دقيق اللي هو 5 مليون جنيه، لإن اللي وصل بالفعل  200 ألف جنيه النهارده نسبه 2% يعني  عقد زيزو  مع الأهلي ب10 مليون جنيه .

 واختتم أمير هشام إنه سرد القصة كاملة  جبت لك من الناحية دي ومن الناحية دي عشان الرؤية تبقى واضحة بالنسبة لك وأنت تقيم الوضع براحتك كمشاهد .

طاهر أبو زيد: زيزو عمره ما هيكون من أساطير الأهلي وارفض رئاسة بيراميدز لهذا السبب

ثلاث أزمات صداع فى رأس الأهلي قبل مواجهة بالميراس النارية تدخين بن شرقي وتجميد الشحات ومشكلة زيزو