حازم إمام يؤكد الرمادي كأنه زمالكاوى ويعلق على تعيين فيريرا ورحيله عن لجنة التخطيط .طارق يحيي يهاجم مجلس لبيب بعد تعيين هذا الثنائي ويقول أين اولاد الزمالك

كتب أحمد عادل الشريف

                حازم إمام 

تحدث حازم إمام ، نجم الزمالك السابق عبر راديو اون سبورت،  عن موقفه من لجنة التخطيط بعد تعيين جون إدوارد، مدير رياضي بنادي الزمالك  وعلق على تعيين يانيك فيريرا، المدير الفني الجديد لفريق الزمالك،  ومنشور أيمن الرمادي، حيث وصفه كأنه واحد من أبناء القلعة البيضاء 

حازم إمام يعلق على منشور الرمادي وتعيين فيريرا ورحيله عن لجنة التخطيط مع الجنايني وميدو 

حازم إمام قال : شوفت بوست لكابتن ايمن الرمادي في منتهى الجمال وكأنه واحد من أبناء الزمالك وإنه مش هيشتكي علشان مستحقات وكان كلامه محترم جدا وربنا يوفقه

واضاف إمام ، اليوم  المدرب الجديد للزمالك يانيك فيريرا وصل  واعتقد هيتقدم النهارده أو بكره بالكتير وكل التوفيق 

وأكد نجم الزمالك السابق  الملقب بفنان الشعب ، الفكرة اللي موجوده اتمنى ليها التوفيق مدرب كويس اشتغل فى الدوري البلجيكى والدوري السعودي عارف المنطقة العربية وصغير فى السن هو ال staff هياخدوا الأربعة تقريباً 50 الف دولار

وكشف حازم إمام،  بخصوص لجنة التخطيط خلاص مبقناش موجودين ومبقاش لينا دور ومفيش حاجة  اسمها لجنة تخطيط

واوضح والكلام ده قولناه من زمان اول ما يجيي مدير رياضي إحنا خلاص ملناش وجود واصلا الموضوع مكنشي بالشكل ده يعني .. وفي حاجة  مش هقول بتضايقني لكني مش مبسوط منها لما اطلع اتكلم في حته ..  الناس حصراني في حته حازم إمام عضو لجنه التخطيط .. كأني بقول حاجة  من جوا الزمالك لأ...

وأكد حازم إمام،  الموضوع انتهى تماما و حالياً مش متواجدين سواء أنا ولا الأستاذ عمرو الجنايني وميدو كان كتب كمان .. وكل التوفيق لمجلس الإدارة وكل التوفيق  لجون إدوارد لو فى حاجة استشاري اكيد مرحب فى اى وقت من الأوقات

وأشار إلى أن هناك أشخاص يتحدثوا معه بتقولي كلم جون فى لاعب فلاني والله هو اللى مسؤول عن كل حاجة واحنا منعرفش حاجة ومدخلناش في اي حاجه وهو اللي بيقود مع كابتن حسين لبيب والمجلس وانا والله العظيم مكنتش اعرف مين  المدرب اللى جاي والمجلس وكابتن حسين هما اللي جابوا الناس .

طارق يحيي: انا نفسى مسدودة من اللى بيحصل فى الزمالك مين الناس اللى جايبنهم دول 

قال  طارق يحيي ، المدير الفني سابقا لفريق الزمالك عبر قناة النهار  أنا نفسي مسدودة من اللي بيحصل في نادي الزمالك ده بصراحة أنا مصدوم منه ومذهول وقرفان ... حاجات كتيرة أوي

واضاف يحيي لأ لأ مينفعش يا جماعة .. حسن جمعة دخل نادي الزمالك، والكابتن عبد الناصر محمد دخل نادي الزمالك، مين دول مع احترامي ليهم؟ شخصيات على راسي من فوق بس يا جماعة مينفعش 

وقال نجم الزمالك السابق،  وأنتم هتخلونا نوصل لإيه بعد كده معاكم؟ ده إحنا صابرين على بلاوي كتيرة جدًا وكوارث كتيرة بتحصل داخل نادي الزمالك ومبنتكلمش فيها وبنساند نادي الزمالك عشان إحنا أولاد نادي الزمالك

وأضاف يحيي لكن مفيش بقى ولاد نادي الزمالك... فين ولاد نادي الزمالك؟ وائل القباني مشي وعبد الواحد السيد مشي وإسماعيل يوسف فين يا جماعة! فين هوية الزمالك؟ هوية نادي الزمالك بتروح يا جماعة والله العظيم بتروح اللي يزعل يزعل ويتفلق .

• أنا بتكلم لمصلحة النادي ورب الكعبة ما عايز حاجة .. لا عايز أشتغل في النادي ولا عايز أشتغل في أي حتة.. أنا راجل بتكلم كزملكاوي... هيجي يقولك أصل مش عارف إيه محسوب على فلان

• هات زي ما أنت عايز مدير رياضي للنادي، ممكن يبقى من بره النادي، معنديش مشكلة... أنا إدوارد معترضتش عليه ومش لازم يكون لاعب كورة، ده شغل إداري

• لكن أنت بتتكلم في مدير كورة وده شغل فني لازم لاعيب كورة ومع احترامي وتقديري لعبد الناصر، راجل على راسي من فوق وشخصية مهذبة، لكن بصراحة يا جماعة أنا مصدوم ومستغرب... هو في إيه؟ لأ فعلًا يا جماعة في حاجة غلط

• اللي سامع عنه كمان إنهم هيغيروا ناس من عمال أوضة اللبس، يعني واصلة للمرحلة دي كمان... ده اللي بيتردد داخل نادي الزمالك... ماشي نجيب ناس من أوضة لبس النادي الأهلي بقى والله العظيم

• أقسم بالله العلي العظيم أحسن مدربين في مصر دلوقتي مدربين نادي الزمالك... طارق مصطفى، مؤمن سليمان، خالد جلال، محمد صلاح، محمد حلمي، والشيشيني... إيه يا جماعة؟ موصلناش للدرجة دي إن إحنا معندناش حد خالص

• أنتم مش واثقين في أي بني آدم زملكاوي وبتضيعوا هوية الزمالك وبتضيعوا الزملكاوية كمان

حتى عشان نشجع الزمالك بقينا مترددين من اللي بيحصل داخل نادي الزمالك 

إحنا ساكتين وبندعم وبنقول نادي الزمالك وإحنا زملكاوية، لكن مش للدرجة دي بقى... والله الواحد ما عارف يتكلم بصراحة

بعد تعيين يانيك فيريرا. الزمالك يعلن ذبح جهاز الرمادي مع محمد أسامة وتعليق طبيب الزمالك

صدمة الزمالك بسبب فيصل ومرعي وربيع يقترب . مفاوضات المهدى سليمان ..خليفة الرمادي يقترب