"اخبار الزمالك" تنشر تفاصيل تجمع الوايت نايتس قبل لقاء الجونة
10 يناير 2012 الساعة 11:54 مساء
أعلن ألتراس الوايت نايتس عن تجمع أعضائه لمباراة البلانكو الصعبه والهامه أمام الجونه مساء الأربعاء والتي ستقام باستاد القاهره في إطار مباريات الإسبوع الـ 13 للدوري.
وينقل "أخبار الزمالك" لأعضاء الوايت نايتس وجمهور الابيض الذي يحرص علي حضور اللقاءات مع أبطال الوايت نايتس , تفاصيل التجمع كما نشرتها الصفحه الرسمية للوايت نايتس علي الفيس بوك والتي جاءت كالتالي:
"بسم الله الرحمن الرحيم :.الدورى بدأ يسخن يا فرسان و الفريق رجع للانتصارات بس مش هى دى كورة مدرسه الفن و الهندسة اللى متعودين عليها
بكرة لازم حشد كبير لانى دا ماتش صعب و فريق الجونة من الفرق الرخمة و الماتش دا مفيهوش قسمه على اتنين لازم مكسب بأذن الله
عارفين انى دى فتره امتحانات بس الشهر دا فيه تحديدات صعبه للفريق و لازم نساندهم عشان يحققوا الانتصارات
أن شاء الله هنتجمع (الاربعاء) الساعه 5.30 عند تالته يمين (المنصة)
محدش يتأخر".