ميدو خايف من تكرار مذبحة بورسعيد بعد لافتة الفارس الكذاب ويكشف سبب الأزمة ويحذر عواد من " قلبة الوش "

21 فبراير 2024 الساعة 2:44 مساء

ميدو يحذر من تكرار مذبحة بورسعيد بعد لافتة الفارس الكداب 
 
 
سارة عبد الباقي
 
تحدث أحمد حسام "ميدو" نجم الزمالك السابق، عن اللافتة المسيئة التي رفعتها جماهير الإسماعيلي في مباراة الزمالك الأخيرة، والتي تحتوي على عبارة: "الفارس الكداب"، في إشارة إلى الزمالك الملقب بالفارس الأبيض، في موقف غريب خاصة أن الزمالك هو أكثر الأندية مساندة للإسماعيلي على مر التاريخ.وقال ميدو: "أنا أول واحد كنت بقول الأهلي يروح يلعب في الإسماعيلية، دلوقتي بقول لأ الأهلي ميروحش إلا لما يتسيطر على الجمهور واللجان الإلكترونية، لأن الأهلي لو راح الإسماعيلية هتحصل مصيبة الناس هتموت والكرة هتقف ودول مش جمهور الإسماعيلي".وأكمل: "يافطة الفارس الكداب أتعملت عشان زيارة مجلس إدارة الأهلي لنادي الزمالك، في ناس بتدفع ملايين الجنيهات عشان يعملوا أزمة تانية زي بتاعة بورسعيد وأنا عارف أنا بقولكم إيه، وده مش جمهور الإسماعيلي وفي ناس زعلانة إن عدد الجمهور زاد لـ 20 ألف مشجع".وشدد: "لافتة الفارس الكداب وبونوكيو اللي اترفعت في ماتش الإسماعيلي والزمالك مش شغل جمهور الإسماعيلي لأني عارف جمهورهم، كنت أنا مدرب الإسماعيلي في نهائي كأس مصر بين الأهلي والزمالك اللي جاب فيه باسم مرسي جونين، كنا بناكل سمك وكل ما باسم يجيب جول إسماعيلية بتترج".وفي شأن آخر قال ميدو: "على مسؤوليتي، مدرب حراس الزمالك شايف إن محمد صبحي أحسن من محمد عواد، عواد مش مريح في التعامل وعشان كدة كل مدربين الحراس اللي بيشتغلوا معاه ونصيحتي له خليك لذيذ شوية، أوسوريو كان بيتجنن منه في حاجات بيعملها غلط بالقصد ويقلب وشه، أنا لما كنت مدربه كنت بعمل نفسي مش واخد بالي بس مش أي حد هيعمل نفسه مش واخد باله ويعرف أتعامل معاه".

الاكثر قراءة