هاني شاكر عن أهلاوية نجله: في غفلة من الزمن بقى أهلاوي وزعلان من هذا الثنائى

17 ابريل 2020 الساعة 12:52 صباحا

مهاب ممدوح 
تحدث الفنان هاني شاكر عن انتماء شريف نجله للأهلي رغم انتمائه هو للزمالك.
وقال هاني شاكر في دعابة: "شريف في غفلة من الزمن انتمى للأهلي فهو كبر في الفترة التي سيطر فيها الأهلي على اغلب البطولات تحديدا من 2004".
وأضاف:"محبتش أجبره على حاجة خاصة أن ده مش اسلوبي".
وتابع: "حمادة إمام وألدو وحسن شحاتة وفاروق جعفر  وكذلك خالد الغندور وشيكا وحازم إمام كل دول حببوني في الزمالك شيكابالا غزال ماشي بيلعب واللي هيفرق معاه اللياقة شيكا لما بيلعب لا فارق في الفرقة جامد والوردة عمرها ما بتدبل، رغم انه بيحب منير اكتر مني".
واختتم حديثه قائلا:" حزين ان الكرة المصرية بدون جمهور اكني بغني في قاعة فاضية"
وقال هانى شاكر ، انه زعلان  من حمدى النقاز وكهربا  اللذان تركا الزمالك فى وقت صعب مؤكدا ان الثنائى خسر كتير  بترك الزمالك .
هانى  شاكر : كهربا والنقاز خسرا بترك الزمالك 
أكد الفنان هاني شاكر أن محمود عبد المنعم كهربا لاعب الأهلي الحالي والزمالك سابقا وكذلك الدولي التونسي حمدي النقاز الثنائي خسر الزمالك برحيلهما.
وقال هاني شاكر في قناة الزمالك تحديدا ببرنامج زملكاوي: "زعلت طبعا لما النقاز وكهربا مشيو خاصة أنهم مشيو في وقت صعب ومش عارف ليه الزمالك هان عليهم كدة ولكن هما اللي خسروا الزمالك وشوفنا نجاحات بعدهم".
وعن فيروس كورونا قال: "متفائل إنه هينتهي قبل موسم الحج والموضوع غريب علينا كأنه كابوس بس ان شاء الله بالالتزام بالتعليمات كله هيرجع بشكل طبيعي".
وعن حبه للاعبي الزمالك قال:" بحب فرجاني ساسي وبن شرقي وشيكابالا وطارق حامد وحازم إمام وكلهم  رجالة لما الفرقة دلوقتي بتتأخر بهدف بنبقى مطمئنين وعندنا ثقة اننا هنرجع"