الدكتور محمد عامر: الزمالك طول عمره بيلعب كورة لكن حظه وحش وهتاف بص شوف حمادة إمام ايه بيعمل جبته من شارع فؤاد

5 يونيو 2021 الساعة 10:04 مساء

مهاب ممدوح 
هو صاحب اشهر هتاف فى تاريخ الملاعب المصرية، والذى ارتبط كثيرا بفريق الزمالك وجماهيره يازمالك يامدرسة لعب وفن وهندسة كما هتف في المدرجات بص شوف حمادة إمام بيعمل ايه ، إنه الدكتور محمد عامر ، رئيس الزمالك سابقا والذى كان ضيف على قناة الزمالك اليوم،مع  مع الإعلامية فرح علي .
 
تحدث الدكتور محمد عامر ،  رئيس الزمالك سابقا عن العديد من الكواليس الخاصة بعشقه للزمالك مشددا على أن فريق الزمالك،  ليس محظوظا على مر التاريخ. 
وقال الدكتور عامر  ، في تصريحاته عبر قناة الزمالك:"كنت في مدرسة اسمها مدرسة النصرية الخاصة وكنت انا وتلاتة بس زملكاوية وكان لها طابع خاص ولما بنكسب بنروح المدرسة ولما كنا بنخسر كنا بنعمل تعبانين ونقعد في البيت وده في سنة54."
اضاف: "كان في الجريدة اسمها الملعب والدليل الرياضي وكانوا بيجيبوا صور الماتشات فضلت عايش وجامع كل صور الزمالك في الماتشات وكنت بعمل مجهود رهيب في تجميع الصور ومرة اتعادل الزمالك مع الأهلي على أرضه وجاب الجونين علاء الحامولي وكنت مبهور بالهدف الذي لم تشهده ملاعب الكرة المصرية من ربع قرن وفضلت معلق صورة الهدف ده انا زملكاوي منذ الطفولة وذكرياتي كلها مرتبطة بالطفولة"
تابع:" حببت العيلة في الزمالك وكنت بعيط عشان اروح الماتشات وده كان له أثر كبير في تحويل عائلتي إلى زملكاوية"
واشار:" حمادة إمام ، نجم الزمالك السابق الملقب بثعلب الكرة المصرية، ووالد حازم إمام،  كان معايا في المدرسة وكان في ماتش في الستينات بين الاهلي والزمالك وكنا واخدين الدوري وهنلعب الماتش الاخير مع الأهلي ولو كانوا كسبوا الدوري ضاع وحمادة وقتها جاب جونين وكسبنا ف انا قولت بص شوف حمادة بيعمل ايه وكان في راجل بيقف في شارع فؤاد وكان في راجل بيقعد يقول بص بص على المحلات فعملتها على حمادة إمام."
ختم:" الزملكاوية بيحبوا الأداء مش لازم المكسب ع طول ومش عايزين المكسب من غير مستوى ولكن الزمالك بخته وحش ياما ماتشات ضاعت بسبب وحاشة بخته ولو حظنا حلو الزمالك كان زمانه في حتة تانية خالص الزمالك غير محظوظ على مدار كل الاجيال."