ملامح من حوار رزاق سيسيه .. إشادة بشيكابالا وانتقادات خالد الغندور

15 اكتوبر 2021 الساعة 12:38 مساء

مهاب ممدوح
 
أثار حوار رزاق سيسيه عبر قناة الزمالك أمس ردود أفعال واسعة من جانب جماهير الزمالك وذلك بعد التصريحات التي تحدث بها عبر قناة الزمالك مع خالد الغندور.

وكان هناك انتقادات لخالد الغندور نجم الزمالك الأسبق بسبب إدارته للحوار بشكل غريب من خلال توجيه أسئلة مستفزة بالنسبة للجماهير.

وكان هناك تعليق من جانب بعض جماهير الزمالك عبر مواقع التواصل الاجتماعي جاء على النحو الآتي:

ملخص اسئلة كابتن خالد المفروض الزملكاوي علي  قناه الزمالك ""
 بداية المقدمة بيقول معانا رزاق سيسية اللي فضة ٣ سنوات في الاتحاد وجمهور الزمالك بيطالب يقضي السنة المتبقية في عقدة
""
بيقوله مش نفسك تلعب في الاتحاد تاني ؟
"
بيقولو انت بتلعب مكان بن شرقى وعلى فكرة العقد بتعكم هينتهي آخر السنة !!
""
انت بتحب مصلحي ؟ مصلحي عمل معاك ايه ؟ لما حصل حادثه لعيلتك مصلحي وقف جمبك ؟ لما سافرت كنت بتفكر ترجع الاتحاد ؟


وفي المقابل كان هناك إشادة واسعة بمحمود عبد الرازق شيكابالا قائد الفريق الأول لكرة القدم بعد تصريحات سيسيه عن استقبال شيكابالا له في التدريبات.

وجاءت الإشادة على النحو الآتي:

تصريح رزاق سيسيه على استقبال شيكا ليه في أول يوم تدريب  في النادي تؤكد قيمه شيكابالا ومدى خبرته كقائد للفريق في التعامل  مع كل اللعيبة وبيساعدهم في تقديم كل ما لديهم من قدرات في خدمه الفريق

رزاق قال  في لقائه على  قناة  الزمالك  شيكابالا لاعب اسطوري يصعب ان يتكرر حتى ع المستوى الإنساني هو بسيط جداً ويعاملني كأخيه الصغير..

كلام عظيم يعبر عن حجات كتير من اهمها ان شيكا عارف ان في كوارث جوا النادي وهو بيبذل كل ما يملك في التعامل معاها بوجود حاله الحب بينه وبين كل اللاعبين وازاي بيعرف يحمسهم ويقدموا كل ما يملكون للفريق من خلال التقارب والحب المتبادل بينه وبين كل اللاعبين

وجود شيكابالا في الفريق مش مقتصر علي دوره في الملعب ولكن شيكا بالبلدي كدا هو الأسطي بتاع الفريق، اسمع كلام الناشئين عنه وهما بيقولوا ان شيكا اول ما بيدخل النادي لازم يجي يسلم علينا ويقعد يتكلم معانا، تبص تلاقي اوباما بيقلك شيكا دا ابويا مش مجرد لاعب،تيجي تبص لأي موقف بيبقا في أزمه او مشكله  هتلاقي شيكا اول واحد وقف عشان يجيب حق الزمالك

 شيكا مش مُطالب انه يعمل كل دا ولكن حب شيكا للنادي وغيرته علي التيشرت الابيض السبب الأول في افعاله