الميرغنى : تصريحات موسيماني لازم تتحط في اودة اللبس بتاعة الزمالك والرد يكون فى الملعب..احمد عيد الزمالك وبس ..محمد عطية مش لازم نهدم المعبد على الزمالك

7 نوفمبر 2021 الساعة 12:30 صباحا

الميرغنى  لازم تصريحات موسيماني وقمصان تتحط في اودة اللبس  بتاعة الزمالك والرد يكون فى الملعب 
حرص أحمد المرغني نجم الزمالك الاسبق، التعليق على تصريحات موسيماني المدير الفني للأهلي وسامي قمصان مدرب الأهلي عقب مباراة القمة أمس والفوز على الزمالك.
وقال المرغني ،  عبر حسابه الشخصي بموقع التواصل الاجتماعي فيس بوك :-
تصريحات موسيماني امبارح في المؤتمر الصحفي و تصريح سامي قمصان لازم يتصورا و يتعلقوا في اوضة اللبس و الاعيبة تشوفها كل شوية .
وتابع : والرد علي التصريحات ميبقاش بالكلام في الاعلام او السوشيال ميديا..الرد يكون في الملعب و بالمكسب و بطولة الدوري وافريقيا.
محمد عطية : لايجب هدم المعبد 

استمراراً لمتابعة ردود الافعال على مباراة القمة بين الزمالك والاهلى.
علق المستشار محمد عطية عضو اللجنه السابقة التى كانت تدير الزمالك، على نتيجة لقاء الامس بين القطبين.
وعبر صفحته على موقع التواصل الاجتماعى تويتر كتب محمد عطية  قائلاً :
قدر الله وما شاء فعل .. نتيجة سيئة .. لنا كل الحق فى الغضب.
وتابع : لكن علينا ألا ننسى أنها مُباراة فى بداية المشوار الطويل .. ترجلنا منها ولكن لا يجب أن نهدم المعبد وننسى أن هؤلاء هم خيارنا الوحيد طيلة الموسم .. وسبق لهم أن أثبتوا قدرهم .. نثق بهم وننتظر منهم العودة بباقى المشوار.
احمد عيد عبد الملك لازم نقف مع الزمالك وبس 
طلب أحمد عيد عبد الملك لاعب الزمالك الاسبق، من جمهور الزمالك الوقوف بجانب نادى الزمالك، فى كافة الظروف.
واعتبر أحمد عيد أن الوقوف بجانب النادى فى مثل هذه الظروف، واجب على كل منتمى للنادى.
وعبر صفحته الشخصية على موقع التواصل الاجتماعى تويتر كتب احمد عيد قائلاً : 
احنا بنعشق نادي الزمالك و ده قدرنا الحلو والحاجه النضيفة الي دايماً بنفتخر بيها الي ميقفش مع الزمالك في اصعب ظروفه الي هي تهد اي كيان في العالم ميستهالش يبقي منتمي لنادينا الي هو اعظم واحلي وانضف حاجة في الدنيا.
وتابع : المواقف الصعبة هي بس الي بتصنع الرجال.
واتم : خليك مع الزمالك بس
اما بالنسبة لموضوع التجديد لبن شرقي لازم يكون في حل حاسم و سريع للموضوع يا اما بالتجديد يا اما تطلع تعلن انك خلاص موصلتش لحل معاه و مفيش تجديد وتجهز البديل اللي هيلعب مكانه و تجهزه مش هنغلط نفس الغلطة تاني و تسيبه يلعب و يمشي جاهز و ببلاش كمان لاي فرقة هيروحلها.