أخر الاخبار

 

لعِّيبة بتفلس

9 مارس 2012 الساعة 11:23 صباحا
لعِّيبة بتفلس


بقلم: خالد بيومي
 
قرأت تحقيقا أكثر من رائع أمس لجريدة «التحرير» والزملاء الأعزاء فى القسم الرياضى عن أحوال لاعبى كرة القدم المشاركين فى الدورى المصرى، بعيدا عن الناديين الأهلى والزمالك المشاركين فى البطولة الإفريقية والمعسكرات الخارجية، للخروج من حالة الحداد، وإخراج اللاعبين من «الحالة النفسية السيئة»، وهى كلمة هنستخدمها كتير قوى الفترة الجاية لما نلاقى فريق خسر بدل المبررات السابقة.. الأرض.. الحكم.. الجو..
 
هنقول حاجة جديدة اسمها الحالة النفسية والكلمة ديه اتقالت لما الزمالك لعب الماتش اللى مالوش معنى ولا معالم لكرة القدم الأخير أمام يانج أفريكانز، طبعا الكلام كله معناه الحالة النفسية،
 
وطبعا كلمة جت فى الوقت المناسب لأندية القمة، ويا ريت يخرجوا من الحالة ديه علشان نشوفهم بيلعبوا زى الأندية الألمانية أو الفرنسية،
 
ولما لعيبة القمة بإذن الله يخرجوا من الحالة النفسية السيئة قوى قوى نروح نلف وندور على لعيبة أخرى، منهم من هو منهار، أو خلاص هيفتح كشك سجاير، وهتلاقى لعيبة تانية واقفين على النواصى فى الشوارع بتاخد فِردة زى بتاعة زمان على أى حد يعدى، وهتلاقى لعيبة تانية دخلت السجن بتقضى عقوبة الشيكات التى كانوا موقعين عليها، وهتلاقى لعيبة تانية اللى طلق مراته علشان الحالة الاقتصادية، واللى مزاجه عصبى جدا مش عارف يعمل إيه من كل البلاوى اللى عمالة تلاحقه، ونلاقى لعيبة تانية دخلت المصحات النفسية..
 
يعنى بإذن الله كده علشان السادة المسؤولين.. مصر داخلة على بطالة من نوع تانى، عارفين إيه هى؟ أنا لسة لغاية دلوقتى باتكلم على لعيبة الدرجة الأولى فى الدورى الممتاز، لسه فى لعيبة دورى الدرجة التانية، العقود والفلوس أقل، والعيشة والحياة أصعب، عشان كده امسك وقابل الكوارث اللى جاية علشان نلغى دورى هو مش الدورى الممتاز فقط، لأ ده كمان بأقسامه، يعنى خراب بيوت على كل الأقسام، وده كله ليه علشان إحنا بنخرّج لعيبة القمة من الحالة النفسية السيئة، وكأن مصر هى الأهلى والزمالك وتولع باقى الأندية المصرية.
 
أصل العيب مش على اللعيبة الغلابة، لكن على بتوع الكورة اللى بيديروها من كل الجوانب، منها السياسى والاقتصادى، وأعتقد أنها لا تمت بصلة إلى الجانب الرياضى، لأنهم مالهمش علاقة بالجانب الرياضى، ده آخر حاجة يفكروا فيها، وهذا هو فعلا الواضح، الكل متجه الآن ناحية اللعيبة السوبر بتوع الكبار، والباقى إن شاء الله يروح النار. ويروح ليه ما هو راح، بنموِّت أكتر من جيل علشان نخرَّج مجموعة من الحالة النفسية..
 
والله العظيم مصر ديه غلبانة فى كل حاجة، مافيش حد يطلع يقول إن فيه ناس بتموت علشان ناس تانية، الكل خايف من الجماهير بتاعة الناديين الكبار، الكل خايف يفتح بقه علشان المشاهدة، الكل خايف أن يفتحوا النار عليهم فى حاجات تانية، أصل همَّا راسهم مبطوحة، الكل خايف إن الجماهير تعمل حظر على برنامجه، اهتمينا قوى بالكبار وسايبين اللعيبة الغلابة التى قاربت على الإفلاس، والدخول فى نفق مظلم فى كل حياتهم، واحنا حاليا بنفكر نجرى ورا معسكر الزمالك ومعسكر الأهلى هيتمد، وطبعا نروح نشترى الكواليس علشان الجماهير تتابع النجوم الكبار، ويااا رب الباقى يروح فى مصيبة، ما هو مش مصرى هو جاى من بلد تانية وضاربين بطاقات علشان ياخدوا الجنسية المصرية، عارفين على رأى الجمهور المصرى الغلبان، زى اللعيبة بتاعة الأندية التانية..
 
هاقول فى الآخر «كفاية.. حرام»، بس عندى سؤال: لما يرجع الدورى بإذن الله بعد عمر طويل مين هيخرَّج أكثر من ٥٠ لاعب من الحالة النفسية اللى جات لهم من الخوف والرعب من اتخاذ قرار؟ فى رأيى الشخصى المتواضع عاوزين مستشفى فى حجم العباسية، لأن الحالات هتكتر.. ربنا معاهم ويكون فى عونهم.

اخبار الزمالك

الجماهير تقلب مواقع التواصل بالسخرية من إعلان الرعب لقميص الأهلي الجديد .. المصري يطالب الخارجية بالتدخل لحل أزمة لاعبه المحترف

الجماهير تقلب مواقع التواصل بالسخرية من إعلان الرعب لقميص الأهلي الجديد .. المصري يطالب الخارجية بالتدخل لحل أزمة لاعبه المحترف

  الجماهير تقلب مواقع التواصل بالسخرية من إعلان الرعب لقميص الأهلي الجديد مهاب ممدوح سخرت بعض الجماهير من إعلان النادي الأهلي عن قميص الفريق الجديد من خلال مقطع فيديو غريب فضلا عن خطأ إملائي في شعار الأهلي المتواجد على القميص بوضع الهمزة

هالاند يتصدر ترتيب هدافي دوري أبطال أوروبا عقب نهاية الجولة الثالثة وحارس كوبنهاجن: ليس بشرًا

هالاند يتصدر ترتيب هدافي دوري أبطال أوروبا عقب نهاية الجولة الثالثة وحارس كوبنهاجن: ليس بشرًا

هالاند بالصدارة.. ترتيب هدافي دوري أبطال أوروبا عقب نهاية الجولة الثالثة مهاب ممدوح تصدر النرويجي إيرلينج هالاند مهاجم مانشستر سيتي، قائمة هدافو دوري أبطال أوروبا عقب نهاية الجولة الثالثة، متفوقا على عدد كبير من نجوم البطولة.

منتخب مصر يتقدم في التصنيف العالمي للاتحاد الدولي

منتخب مصر يتقدم في التصنيف العالمي للاتحاد الدولي

كشف الاتحاد الدولي لكرة القدم "فيفا" اليوم، الخميس، النقاب عن التصنيف العالمي للمنتخبات لشهر أكتوبر 2022، والذي شهد تقدم منتخب مصر مركزا على مستوى منتخبات العالم.وجاء منتخب مصر في المركز 39 في تصنيف الاتحاد الدولي، ليتقدم مركزا واحدا بعد أن كان يحتل المركز الـ40 في تصنيف

ترند مصر اليوم | نبيلة عبيد تكشف كواليس خلافها مع نادية الجندي .. المؤسس عثمان .. نصر أكتوبر

ترند مصر اليوم | نبيلة عبيد تكشف كواليس خلافها مع نادية الجندي .. المؤسس عثمان .. نصر أكتوبر

ترند اليوم خدمة اخبارية يقدمها «أخبار الزمالك» لقرائه للاطلاع على كل ما هو جديد، وذلك من خلال السطور التالية:     نصر أكتوبر انتصارات أكتوبر.. يحل اليوم

مانشستر يونايتد وأرسنال وموناكو ونانت في مواجهات صعبة بالدوري الأوروبي .. تعرف على مباريات اليوم

مانشستر يونايتد وأرسنال وموناكو ونانت في مواجهات صعبة بالدوري الأوروبي .. تعرف على مباريات اليوم

 تقام اليوم الخميس 6 أكتوبر 2022 العديد من المباريات بمختلف ملاعب العالم، على رأسها مباراة أرسنال وبودو جليمت النرويجي في الجولة الثالثة لدور المجموعات ببطولة الدوري الأوروبي، ولقاء أومونيا نيقوسيا القبرصي ومانشستر يونايتد بنفس الجولة.  

المزيد

الاكثر قراءة

المزيد

الزمالك في الصحف

اخبار الزمالك في الصحف | مفاجأة مرتضى منصور بعد صفقة سامسون .. 7 صفقات جديدة بالزمالك و2 في الطريق .. الصفقة رقم 76
سيف زاهر يكشف كواليس فريق الزمالك وفيريرا يهدد هذا الثلاثى بالأستبعاد ويراهن على الشباب ..أمير مرتضى يشكل لجنة لمراقبة  اللاعبين
 بيان الزمالك من يحمي ممدوح عباس فى مصر ..أول  تحرك من مرتضى منصور لصرف رواتب عمال وموظفى ولاعبي الزمالك
شوبير يكشف موقف وادي و إنباء عن إقتراب صلاح محسن من الزمالك ...فاروق يؤكد الزمالك يقترب من حسم صفقة مهاجم الشباب وإعارة سيف جعفر ..عبد العال:  السيسى افضل من هذا الثنائي
المزيد