باسم مرسي أنا احسن مهاجم" جه" الزمالك وجماهير الأهلي بتكرهنى علشان "باعلم عليهم " والمراهنات والتفويت موجودة في الدورى المصرى

11 يوليو 2024 الساعة 1:35 مساء

قلب باسم مرسي، مهاجم الإسماعيلي الحالي والزمالك السابق،  الشهير بالحراق مواقع التواصل الاجتماعي التى تدوات تصريحاته التى قال فيها إنه أفضل مهاجم جاء فى تاريخ الزمالك، فى اخر 15 سنة وأن جماهير الأهلي، تكرهه لانه كان "بيعلم" عليهم وكشف فضائح المراهنات والتفويت فى الدوري المصري وأن هناك لعيبة بتقبض علشان تاخد إنذارات.
باسم مرسي لو فيريرا كمل مع الزمالك الأهلي مكانش هيشوف الدوري تاني 
 
اثار باسم مرسي مهاجم  الإسماعيلي الحالي والزمالك سابقا،جدلا واسعا عندما تُوج الزمالك بلقب الدوري عام 2015.
وخرج باسم مرسي وقتها ليقول: "يا مين يعيش ويشوف الأهلي ياخد الدوري تاني".
وقال باسم مرسي في تصريحاته عبر بودكاست من الجول للجول مع الإعلامية دينا الإدريسي: "لو كان فيريرا كمل وجيل 2015 كمل كان فعلا الأهلي مش هياخد الدوري تاني، وكنت هقول نفس كلامي وأكبر دليل إن فيريرا لما رجع خد الدوري والكأس من الأهلي تاني".

رد باسم مرسي لاعب الإسماعيلي الحالي والزمالك سابقا على كونه لاعب الموسم الواحد مشددا على أنه أظهر تألقه في الزمالك على مدار 3 سنوات.
 
قال باسم مرسي في بودكاست من الجول للجول مع الإعلامية دينا الإدريسي: "لعبت 4 سنين في الزمالك 3 منهم أنا هداف الزمالك في كل البطولات، ازاي أبقى لاعب موسم واحد بس؟ أنا جايب 53 جول مع الزمالك، وده رقم كبير، والسنة الرابعة بس هي السنة الوحيدة اللي أنا كنت وحش فيها بسبب الإصابة."وعن استفزاز جماهير الأهلي خلال فترة وجوده بالزمالك قال: "بعض جمهور الأهلي مبيحبنيش عشان أنا دايما بجيب فيهم أجوال محدش بيكره واحد فاشل ومحدش بيكره حد ملوش قيمة، بالبلدي كدة باسم ده بيعلم علينا على طول هو جمهور الأهلي كدة، جبت أجوال كتيرة فيه وجبت بطولات منه".
واختتم: "لاعيبة الأهلي زيها زي أي لاعيبة والنادي الأهلي زي أي نادي، أنا مبعملش حساب لتيشيرت الأهلي، لاعيبة الأهلي عادية جدا، لكن تيشيرت الأهلي بيمنحه طاقة لكنه لاعب عادي جدا".
واختتم: "أنا أحسن مهاجم جه في الزمالك في آخر 15 سنة".


باسم مرسي: ابو تريكة كان بيتحايل للحصول على ضربة جزاء 

أكد باسم مرسي لاعب الإسماعيلي الحالي والزمالك سابقا، أنه لا يتعمد التحايل على الحكام للحصول على ركلات جزاء خلال المباريات.
وقال باسم مرسي في تصريحاته عبر بودكاست من الجول للجول مع الإعلامية دينا الإدريسي: "أنا أعرف كيفية الحصول على ركلات جزاء ولكن لا أتحايل على الحكام ولا أقوم بالتمثيل" 

واختتم: "أبوتريكة رغم احترامي وحبي له كأسطورة، كان بيقع بعيد عن اللاعب بـ 2 متر وياخد ضربة جزاء".

باسم مرسي: المراهنات موجودة في الدورى المصرى 




باسم مرسي: المراهنات موجودة في الدورى المصرى وفى لعيبة بتقبض علشان تاخد إنذارات وتفوت اجوان

اعترف باسم مرسي مهاجم الإسماعيلي الحالي والزمالك السابق بوجود المراهنات في الدوري المصري.

قال باسم مرسي في بودكاست من الجول للجول مع الإعلامية دينا الإدريسي: "الكرة في مصر ليست الأفضل، اللاعبون هم الأكثر تعرضا للأذى بسبب عدم انتظام جدول مسابقة الدوري المصري، نلعب 5أو 6 مباريات بشكل متتالي ثم نحصل على راحة لمدة شهر، وهذا الأمر سلبي بالنسبة لنا."
وأضاف: "يوجد بالفعل مراهنات في الكرة المصرية، هناك اتفاقات مع لاعبين بأن يرتكبوا أخطاء في دقائق معينة ويحصلون على إنذار في أوقات معينة مقابل 20 ألف جنيه وهذا حدث بالفعل وهناك لاعبين تُراهن في الدوري المصري، والمراهنات موجودة في كل الأندية هناك لاعبين في الدوري يتم عرض عليهم تلك الأمور."

واختتم: "في لعيبة بيتقالها خد إنذار في الدقيقة 30 هديك 10 آلاف أو 15 ألف جنيه وفي لعيبة بتفوت أجوال وحصل من بعض اللاعيبة في أندية كتيرة."