حسين لبيب : الزمالك أكبر قلعة رياضية ولن نسكت على الإساءة بعد كده وهدفنا السوبر المصري وجوميز كان واعدنى بالفوز. على الأهلي

1 اكتوبر 2024 الساعة 11:52 صباحا

حسين لبيب : الزمالك أكبر  قلعة رياضية والجميع لازم يتعامل معانا بأحترام وإلا هيتم ابعاده عن المشهد الرياضى فى مصر 
 
اكد الكابتن حسين لبيب ،رئيس نادى الزمالك ،لبرنامج ملعب أون تايم سبورتس، مع سيف زاهر وإبراهيم عبد الجواد، ان نادي الزمــــالك أكبر قلعة رياضية في مصر و اللي مش شايف كده يبقي مش فاهم رياضة في مصر
 
وقال لبيب : الكل يتكلم بالاحترام عن نادي الزمــــالك، اي شخص هيتكلم بالإساءة عن نادي الزمــــالك هيتم ابعاده تماماً عن المشهد الرياضى فى مصر  و هناخد حق نادي الزمــــالك من الجميع.

وقال لبيب: كلنا بنعشق نادي الزمــــالك و حب كده بالفطره متعرفش جي منين، نادي الزمــــالك في ميت عقبة مش المهندسين، اي حد هيخش الزمــــالك هيكون مرتبط بيه و شوفوا جوميز حب نادى الزمالك،  ازاي و اللعيبة المحترفة في الفريق .


وقال رئيس  نادي الزمالك : انا"  التارجت" بتاعي كل بطولة اشارك فيها اكسبها، مشيرا إلى أن الزمــــالك حقق السوبر الافريقي وأضاف عندنا كأس  السوبر المصري ، المقرر إقامته  فى  الإمارات يوم 20 اكتوبر مركزين فيه جداً، و كل البطولات الموسم الحالي هننافس عليها
وكشف لبيب : جوزيه جوميز جالي في شهر يوليو و قالي نصاً السوبر الافريقي زملكاوي حتي لو مفيش صفقات جديدة و ايقاف القيد مستمر، بس طلب مني طلب وحيد و هو سداد مستحقات لاعبي الفريق كاملة قبل السوبر الافريقي و مرتبي انا و الجهاز مش مهم..


وقال رئيس نادي الزمالك، أن  احمد مصطفى زيزو زملكاوي يا جماعة وأصبح أيقونة مثل شيكابالا و مفيش زمــــالك من غير زيزو و شيكابالا، اي زملكاوي هيقولك كده، رغبتنا هي التجديد لزيزو و رغبة زيزو البقاء معانا و رفضنا عرض للاعب لان مصلحة الزمــــالك هي استمرار زيزو لاطول فترة ممكنه .
 وتحدث عن المغربي محمود بنتايج ، صفقة الزمالك الجديدة مؤكدا انه لاعب ملتزم اخلاقياً و ديناً  بنتايج لاعب مميز جداً و دا ظهر في السوبر الافريقي، الناس انتقدت اللاعب و مستواه قبل لما يشارك في لقاء رسمي، و الزمــــالك تعاقد مع صفقات مميزة ليها تأثير كبير علي شكل الفريق.