مدافع الزمالك يفتح النار على مجلس حسين لبيب .. فرمان جديد من جوميز بعد خسارة السوبر

26 اكتوبر 2024 الساعة 1:58 مساء

وجه محمد طارق مدافع فريق الزمالك السابق هجوماً حاداً لمجلس إدارة النادي برئاسة حسين لبيب.
وكتب اللاعب عبر حسابه الشخصي على موقع "انستجرام": بعد إغلاق القيد عاوز أقول كلمتين أولا بلاش تتخدعو في الناس والواحد مكنش محتاج حاجة من حد غير شويه احترام وإحترافية في التعامل لكن ده محصلش وانا مبحبش اتكلم كتير بس النهارده انا شبه هقعد شهرين بدون نادي، لكن تعالو نعكسها كده لو أنا لاعيب وسبت النادي بتاعي وهو محتاجتي اوي وروحت نادي تاني علشان فلوس أو غيرو الناس والجمهور بيقلبو الدنيا أما لما النادي إلى اتربيت فيه ولعبت وكسبت معاه بطولات وجزء ولو صغير من النادي وابن النادي وأكون راجع من اولمبياد وارجع علشان انزل التمرين واكلم المسؤولين وشهرين محدش يرد ولا يتواصل معاك، على فكره معنديش مانع تفسخ معايا عادي جدًا هي ديه الكورة وده جزء من الاحتراف لاكن انتو لا ترتقو انكو تكونو مسؤولين في نادي كبير ولا تعرفو يعني ايه احترام للاعب الصغير قبل الكبير عكس أي نادي تاني، لكن الجمهور واللاعبين أحب اشكرهم على كل يوم قضيتو داخل النادي وبحبكو جدا وشكرا على كل الحلو إلى عشتو والبطولات إلى خدناها سوا وأسف لو قصرت في يوم من الأيام.





جوميز يرفض توقيع عقوبات على اللاعبين
رفض الجهاز الفني للفريق الأول لكرة القدم بنادي الزمالك بقيادة البرتغالي جوزيه جوميز توقيع عقوبات على اللاعبين بعد الخسارة من الأهلي بركلات الترجيح في نهائي السوبر المحلي.
ويرى الجهاز الفني أن اللاعبين قدموا المطلوب منهم في المباراة وغياب التوفيق سبب الخسارة بركلات الترجيح من الأهلي.
وخسر الزمالك أمام الأهلي في نهائي كأس السوبر المحلي بركلات الترجيح بعد انتهاء الوقت الأصلي والإضافي بالتعادل السلبي بين الفريقين.
ويستأنف الفريق الأول لكرة القدم بنادي الزمالك تدريباته يوم الاثنين المقبل، استعداداً لانطلاق مسابقة الدوري المصري الممتاز.
ويستعد الفريق الأول لكرة القدم بنادي الزمالك لخوض مباراة البنك الأهلي، المقرر لها في الأول من نوفمبر المقبل باستاد السلام ضمن مباريات الجولة الأولى لمسابقة الدوري الممتاز.