مرتضى منصور : محاكمة شعبية للخطيب ويكشف مجلس الأهلي جابو ساعات صيني من العتبة وحطوها فى المخازن بدل ساعات تركي الشيخ ويقول " رد عليا بالمستندات مش بالبيانات انا مش كداب "

19 سبتمبر 2022 الساعة 10:37 صباحا

 
مرتضى منصور : محاكمة شعبية للخطيب  ويكشف مجلس الأهلي  جابو  ساعات صيني من العتبة وحطوها فى المخازن بدل ساعات تركي الشيخ  ويقول " رد عليا بالمستندات مش بالبيانات انا مش كداب  " 
 
محمود هنداوي 
فتح  المستشار مرتضى منصور ، رئيس نادي الزمالك ، النار على محمود الخطيب ، رئيس النادي الأهلي ، حيث قال فى مداخلة هاتفية مع أحمد جمال ، فى برنامج زمالكاوي ، على قناة الزمالك ، إنه سيعقد محاكمة شعبية ، لمحمود الخطيب ، مطالبا أن يكون الرد عليه بالمستندات وليس ببيانات مضللة للشعب المصري .
ورد رئيس نادي الزمالك ،  على تصريحات المتحدث لصندوق “تحيا مصر” بشأن رد  النادي الأهلي هدايا وأموال تركي أل الشيخ للصندوق وفق بروتوكول تم منذ عام 2021.
 وقال “مرتضى”  في مكالمة تليفونية على قناة الزمالك: " أتحدي لو ميزانية  الأهلي فيها جنيه  طلع لصندوق تحيا مصر.
وتسائل:" هل هذه الأموال ذهبت إلى صندوق تحيا مصر في "توك توك" أو عن طريق إيصال أو "شيك"؟.


وأضاف منصور  "بقول للشخص اللى بيقول إنه المتحدث باسم صندوق تحيا مصر، مفروض هذا صندوق سيادي فلا يجوز الكشف عن  أسراره".
وتابع مرتضى :" الشخص الذي تحدث اليوم مع أحمد موسى ويقول إنه المتحدث باسم صندوق تحيا مصر اطلع وقول الأهلي رجع كام".

وأضاف: "الأهلي أصدر بيانا سبني خلاله وقال إني اروج شائعات، وأقول للخطيب اخرج ورد على ما أقوله بالمستندات وليس بالبيانات".



واستنكر ان الاعلامي احمد موسى جاب عيل يرد على بيان الاهلي بسبب الساعات، وقاله بدون مناسبة الفلوس والساعات رجعت قاله اه عملنا برتوكول.
واضاف.. الاهلي عمل بيان شتمني فيه، واني كذاب، اطلع رد وقولي الاهلي رجع كام لصندوق تحيا مصر، تركي أتبرع للاحمر ٢٢٨ مليون ونصف، لازم تقول رجع كام لان صاحب الفلوس قال وديهم تحيا مصر، لما تكلم مع الشعب المصري اكلم باحترام وتتكلم بادب مش علشان تجامل محمود الخطيب واحمد موسى تكدبوشدد... وفقا لانذار تركي ال الشيخ ان الساعات لم ترد وان حصل تلاعب في صرف الاموال دي من محمود الخطيب، مشيرا إلى أن رئيس الأهلى واعضاء مجلسه تنازلو عن الساعات فى شهر فبراير لكنها دخلت المخازن فى شهر يوليو متهكما  كانت فين طوال الخمس شهور بتتأجر بالساعة .وفجر مرتضى متصور ، مفاجأة من العيار الثقيل ، بتأكيده  أن تقرير الجهاز المركزي ، أكد أن الساعات غير مطابقة للمواصفات وليس لها "سيريل نمبر " قائلا شكلهم جابو ساعات صينى من العتبة .

و أكد أن السيد تركي الشيخ ، أكد  في الانذار الذي تقدم به  وبلاغه ضد الخطيب ، إنه تبين ان العمال بالنادي لم يحصلوا على المكافأت، وتركي طلب من الخطيب يوضح ان يقوله صرف الاموال في ايه وتهرب وده كلام تركي وليس كلامي 
واختتم... اتكلم على مرتضى منصور ،  بادب انا كنت سكت وانتم طلعتوا بيان شتمتوني، ياجماهير الاهلي اللي بيضحكوا عليكم، وفقا للانذار الذي ارسله تركي ان الخطيب خان الامانه، انا اللي قولتله ولا تركي فين الـ2 مليون اللي دخلوا حساب مجلة الاهلي.

ووجه مرتضى منصور  حديثه للجمهور... ياجمهور الزمالك ياعظيم امبارح قولتلكم في صفقتين وكان عندنا امل نخلصهم واحد في خط النص  وجناح  وهنخلصهم، الحجز على الأرصدة  هو سبب تأخر الصفقتين ، قدمنا المستندات للقاضي الجليل ان مفيش جنيه لممدوح عباس القاضى ، اخطأ في أمر قانوني هذا الخطأ خلاه لم يرفع الحجز، وغدا  هاحاكم ممدوح عباس بالمستندات زي ما حاكمت الخطيب.

وقال رئيس الزمالك : ببارك لأولادنا فريق اليد بالفوز على الترجي والكويت الكويتي، والبطاقه الدولية لمحترف اليد جيمس باركر هتوصل يوم الاثنين، وببارك لودلانا في القدم الابطال اللي اتعذبوا من الفريق التشادي.
واوضح... قولنالهم نذيع الماتش قالو لا.. نلعب الماتشين هنا لا.. 
وشدد.. انت لما تشرفنا في مصر عارف اللوكانده اللي ف العتبه الخضرا هتنرل فيها، واجيبلكم تكاتك تروحوا بها الاستاد كل 3 يركبوا توك توك، انتم عملتوا اللي مفيش نادي في العالم عمله، ايه اللي انت عملته ده
واستغرب ان بطل الدوري يلعب دور الـ64 والتالت يلعب دورالـ32 والمفروض يدخل الكونفيدرالية لابيلعب في دوري الابطال وال7 أكبر من الـ9″