أمير مرتضى يكشف لقاء تلفزيوني وراء،تورط كهربا فى الغرامةدفعها للزمالك بالمصري أرفض العمل فى الأهلى والانتماء فى المدرجات فقط واللعيبة بتأكل عيش

30 مارس 2024 الساعة 12:20 صباحا

أمير مرتضى: كهربا هرب من الزمالك وفيديو في لقاء تليفزيوني أثبت ده وخسر بسببه القضية
أمير مرتضى: اعتراضي على حل أزمة كهربا انه دفع الغرامة بالمصري
أمير مرتضى: عرضت على كهربا التجديد مقابل حل النزاع ورفض
 
 
 



علق أمير مرتضى، المشرف السابق على الكرة بنادي الزمالك، على أزمة محمود كهربا قائلًا: "كافئت لعيبة كتير كنت بقوله هات جون واديك شيك بـ 100 ألف تصرفه بعد الماتش، زي كهربا وأوباما ومصطفى محمد، وكهربا كان لاعب مهم جدًا في فترة 2018، قبل ما يهرب، وفيه حكم محكمة بيقول انه هرب، هو شاف ان عقده باطل والنادي شاف أن عقده ممتد، وهو كده دي وجهة نظره، ورحنا الفيفا وهو خسر القضية أول درجة، واتحكم ضده بـ 32 مليون جنيه ما يعادل ساعتها 2 مليون دولار، وهو استأنف عشان يقلل المبلغ أو يلغيه، واحنا استأنفنا عشان نزود المبلغ ونحوله بالدولار، والمحكمة الرياضية أيدت حكمنا بـ 2 مليون دولار".
وقال أمير مرتضى، خلال استضافته ببرنامج "أسرار" مع الإعلامية أميرة بدر المذاع على قناة النهار: "أنا اللي عامل القضية من أولها لأخرها، وكهربا طلع في حلقة تليفزيونية مع سيف زاهر والفيديو موجود في القضية، وسأله يا كهربا عقدك فيه قد إيه في الزمالك، وقاله انا عقدي فيه سنتين وجددت سنتين، وسيف زاهر سأله تأكيدًا يعني العقد فيه 4 سنين، قاله آه، وهو اعترف وخسر القضية بسبب الفيديو ده، وكهربا اتحط في ظروف صعبة، خليته يعتمد على نفسه وقوته، معرفش الاهلي وقف جنبه ولا لا".وأضاف أمير مرتضى قائلًا: "انا معترض على حاجة، انه في الآخر دفع بالمصري، رغم احنا شفنا الدولار كان بيحصل فيه إيه الفترة اللي فاتت، وضرر الزمالك لما كهربا هرب، كلف النادي أكتر من 2 مليون دولار، اشترينا بديل له اللي هو محمد اوناجم ب مليون ونص دولار، وبن شرقي ب 400 الف دولار، فا التوتال في التحويلات كان حوالي 2 مليون دولار غير عقود اللاعبين، والموضوع مش انسانيًا، دي حقوق، وقبل ما يمشي قلتله اجدد لك، قالي لا وهعمل شكوى ومن اللحظه دي مش هتشوف ني اي مشكلة، وهرب بعدها على طول".
برنامج "أسرار" تقدمه الإعلامية أميرة بدر على شاشة النهار يومياً خلال شهر رمضان، في الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
أمير مرتضى: فكرة الانتماء دي في المدرجات بس اما اللعيبة ده أكل عيش

أمير مرتضى: لو الأهلي عرض عليا عمري ما أقبل ومعنديش رؤية غير للزمالك بس

أمير مرتضى يفجر مفاجأة: أمام عاشور يتظاهر حاليًا أنه أهلاوي 


علق أمير مرتضى، المشرف السابق على الكرة بنادي الزمالك، على فكرة انتماء اللاعبين لبعض الأندية قائلًا: "فكرة الانتماء دي في المدرجات بس، اما مستوى المحترفين واللاعيبة ده بالنسبه له أكل عيش وهيموت نفسه ويجري يبوس التيشيرت، لكن جوه قلبه بيحب مين عمرنا ما نعرف، ومثال كابتن حسام حسن من اساطير الاهلي ولعب في الزمالك واجتهد وكان ساعتها زملكاوي من جواه، لمن اللاعيبة مع الوقت بتنسى قصة الانتماء دي، وإمام عاشورحاليًا يتظاهر انه اهلاوي، لأنه هيكسب وهياخد مكافأة فا عمره الافتراضي هيطول، ودي حاجة في العالم كله".
وقال أمير مرتضى، خلال استضافته ببرنامج "أسرار" مع الإعلامية أميرة بدر المذاع على قناة النهار: "يعني لويس فيجو كان كابتن برشلونة وراح ريال مدريد والجمهور هدده بالقتل، الجمهور بس اللي بيشجع وبيتحرق دمه، ولو جالي الاهلي أو عرضوا عليا مش هروح ولا اقبل، لان السياسات مش هبقى فاهمها وانتمائي، ومعنديش رؤية غير للزمالك بس، وشيكابالا مضى في الاهلي زمان ومقدرش يلبس التيشيرت، وفيه ناس بتعرف تبقى محترفين أكثر في التعامل".


برنامج "أسرار" تقدمه الإعلامية أميرة بدر على شاشة النهار يومياً خلال شهر رمضان، في الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.